Aizaaya 2:12 - EBƆRƐ BE KAWƆL

¹² Enyɛnpetale Ebɔrɛ na lara kachako nna n yili nɛ e bar bekama nɛ baa maŋ bumo be amu so nsaa wu bumo be amu na kaseto.

Aizaaya 2:12 ပူးပေါင်းရင်းမြစ်များ

2 Samuɛl 22:28

Bumo nɛ baa bar bumo be amu kaseto na nɛ fee mɔlga, ama bekama nɛ baa maŋ bumo be amu so na bre fee bar bumo kaseto nna.

Job be kawɔl 24:1

Manɛ nna nɛ Ebɔrɛ maŋ yili demuji be kachɛ? Manɛ nna nɛ basa nɛ b nyi mo maŋ nyi loŋ be kachɛ na?

Nshɛ 131:1

O Enyɛnpe Ebɔrɛ, n yige ma kamoowu kikɛ nseŋ lar ma keŋkenshi kikɛ nyam to. M maŋ naa ta ma kumu a wɔtɔ asheŋgboŋ to, ŋko emamachisheŋ nɛ m maaŋ tiŋ m pin to to.

Nshɛ 18:28

Fo Enyɛnpe Ebɔrɛ na e naa ŋini ma kefulto be ekpa, nsaa ta tentembiri a ki kefulto a sa ma.

Nshɛ 37:13

Ama Enyɛnpe Ebɔrɛ na bee mushe belubiworapo nna, ŋkpal bumo be kasogberge be saŋɛ ka maaŋ chɛr nseŋ ba so.

Nshɛ 94:2

Fo e naa ji durnya kikɛ demu. Ba chɛ anyi to! Ka kamoowuwuraana kukɔ, ŋkpal kusɔ nɛ b wora so.

Aŋasa 16:5

Enyɛnpe Ebɔrɛ kishi esa nɛ e kɔ mpuchi ga. Kumo alɛ maŋ kɔ emɔrɔ fanɛ e beeŋ gberge loŋ be basa kusoe.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 10:33

Ama Enyɛnpetale Ebɔrɛ na beeŋ shin nɛ b ber ase fanɛ b ka ku kedibi be keyabi nɛ k tɔr to na. Bumo to be bumo nɛ baa puchi ga nsaa maŋ bumo be amu so na nɛ e beeŋ da n lɛ nɛ b ji nyɔmɔ.

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Aizaaya 13:9

Loŋ be kachɛ na kaŋ fo, Enyɛnpe Ebɔrɛ na maaŋ shu esa kikɛ so ŋko n wu esa kuwɔr. E beeŋ nya agbo ga nseŋ mur alubiworapoana n shin nɛ efuli na kikɛ e ki kiyitokpaŋ.

Aizaaya 14:15

Ama b gbelge fo n yɔ durnya be kaseto ashi bubuni to.

Aizaaya 23:9

Enyɛnpetale Ebɔrɛ na e daŋ kre kumo fanɛ e beeŋ shin nɛ bumo be mpuchi nɛ baa puchi ŋkpal kusɔ nɛ b tiŋ n wora so na e ba ekar nɛ e ŋaba bumo be bunyaŋwuraana.

Aizaaya 24:21

Enyɛnpe Ebɔrɛ na beeŋ gberge esoso be eleŋana nɛ durnya to be bewuraana kusoe.

Aizaaya 24:4

Kasawule wɔl a baŋɛ to, nɛ durnya kikɛ ki kakpa nɛ basa nɛ b kɔ eyilikpa nɛ bumo nɛ b maŋ kɔ eyilikpa kikɛ wu m bɛ.

Aizaaya 40:23

Ebɔrɛ e naa bar bumo nɛ baa ji kuwura kenyɛnso kaseto, nsaa shin nɛ baa ki basa fuloŋ ashi durnya to na.

Aizaaya 42:15

Meeŋ mur abeebi nɛ abeegboŋ nseŋ shin nɛ ndibi nɛ afitiri e wɔl. Meeŋ shin nɛ elɔr nɛ mbombi e wɔl to nɛ apa e feeto.

Aizaaya 5:15

Nyɔmɔ beeŋ pɛ ekama. Bekama nɛ baa maŋ bumo be amu so na beeŋ ba kaseto.

Aizaaya 61:2

E shuŋi ma nna nɛ m ba kaŋɛ basa fanɛ, Enyɛnpe Ebɔrɛ be kumɔlga mbe basa nseŋ kɔ m pɔɔ bumo doŋana so be jemanɛ fo. Enyɛnpe Ebɔrɛ na shuŋi ma nna nɛ m ba lolo bumo nɛ baa shu nli,

Jɛremaya 12:9

Ma basa laraso ki fanɛ kabuibi nɛ e bee ji eblaŋ nɛ kumo braana ba kulti kumo n wɔtɔ nseŋ mɔ kumo a ji nna. Tre kupuŋ to be asɔbɔya lubi nɛ amo alɛ gba e ba ti so n ji kumo m moɛ.

Jɛremaya 13:9

“Kananɛ meeŋ mur Juda nɛ Jerusalɛm be basa be kamoowu nɛ b kɔ na nna na.

Jɛremaya 30:7

Ma basa, k maŋ chɛr, menyeeŋ ji awurfoŋ nɛ k chɔ kekama nɛ men daŋ ji ŋ ku so, ama ma alɛ beeŋ mɔlga menyi.”

Jɛremaya 46:10

Enyɛnpetale Ebɔrɛ na be kachɛ nna na; e beeŋ wora n tal to kabre; kabre e beeŋ gberge mo doŋana kusoe. Mbe tokobi beeŋ mɔ bumo kumo be keparso, nɛ ŋklaŋ e gbiti kumo be kaplɛkama le gbetɛɛ. Enyɛnpetale Ebɔrɛ na beeŋ ta bumo n lara sarga ashi kelargato be esoso a mata Yufreetes be Lɔrgboŋ na.

Jɛremaya 50:31

“Kamoowu e baŋ bɔlɔ Babilɔn be efuli so be basa to, amoso, ma, Enyɛnpetale Ebɔrɛ na maaŋ yige bumo kikɛ. Jemanɛ fo nɛ b nya bumo be kasogberge.

Ezikɛl 13:5

B maa kpele basa na kusoe a laŋɛ tɔrɔ nɛ k bee ba ŋko a kaŋɛ bumo kananɛ kewora n da ma so beeŋ tiŋ n shin nɛ b wu be asheŋ.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Eemɔs 5:18

Asheŋ maaŋ nyalɛ n sa menyi nɛ menyee jo Enyɛnpe Ebɔrɛ be demujiachɛ na. Mannɛ be tɔnɔ nɛ loŋ be kachɛ na beeŋ kurge n sa menyi? Loŋ be kachɛ na beeŋ ba kaa la tentembiri nna n sa menyi, mannɛ kefulto.

Maika 2:3

Amoso kusɔ nɛ Enyɛnpe Ebɔrɛ na kaŋɛ nde: “Mee kre keshin nɛ tɔrɔgboŋgboŋi e ba menyi so nna. Menyi alɛ maaŋ tiŋ ŋ gelge kumo n nya menyi be kumu n ji kikɛ. Menyeeŋ luri etɔrɔ to, saŋɛ na so menyi maaŋ naa nite a wu menyi be amu.

Maika 5:11

Ma alɛ beeŋ mur ndegboŋana nɛ a wɔ menyi be kasawule so nseŋ bure menyi be mboŋ lempoana nɛ a bee kuŋ menyi na kikɛ.

Zefanaiya 1:16

Kumo alɛ beeŋ naa la kachɛ nɛ kena to be mbel be kushu beeŋ sɔ kaplɛkama nɛ basa e baa boŋ to a cha awɔr ashi ndegboŋ nɛ b pɔr egbalana ŋ kulti nɛ a kɔ mboŋ lempo jeŋgreŋ na kikɛ to.

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Malakai 4:5

Ama pɔɛŋ nɛ ma Enyɛnpe Ebɔrɛ be kachɛ lubi nɛ k beeŋ shin nɛ kufu nɛ kechicha chicha e pɛ basa na e ba, meeŋ shuŋi anebi Elaija menyi kutɔ.

Matiu 23:12

Ŋkpal manɛ so, ekama nɛ e bee maŋ mbe kumu so, Ebɔrɛ beeŋ bar mo kaseto, nɛ ekama nɛ e bee bar mbe kumu kaseto, Ebɔrɛ beeŋ maŋ mo so.”

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

1 Kɔrintebi 5:5

men ta loŋ be esa na m bɔɔ Setani enɔ, saŋɛ na so, mbe eyur beeŋ jija nɛ mbe kiyoyu bre e nya kumɔlga kachɛ nɛ Enyɛnpe beeŋ ba na.

1 Tɛsalɔnikaebi 5:2

ŋkpal manɛ so, menyi ere gbagba baa nyi fanɛ Enyɛnpe be kachɛ na beeŋ ba fanɛ kananɛ eyu bee ba kanyɛso na.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”