Aizaaya 2:11 - EBƆRƐ BE KAWƆL

¹¹ Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.

Aizaaya 2:11 ပူးပေါင်းရင်းမြစ်များ

2 Samuɛl 22:28

Bumo nɛ baa bar bumo be amu kaseto na nɛ fee mɔlga, ama bekama nɛ baa maŋ bumo be amu so na bre fee bar bumo kaseto nna.

Nshɛ 18:27

Fee mɔlga bumo nɛ b kɔ kamubrase nna, nsaa bar kamoowuwuraana kaseto.

Nshɛ 18:28

Fo Enyɛnpe Ebɔrɛ na e naa ŋini ma kefulto be ekpa, nsaa ta tentembiri a ki kefulto a sa ma.

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 94:2

Fo e naa ji durnya kikɛ demu. Ba chɛ anyi to! Ka kamoowuwuraana kukɔ, ŋkpal kusɔ nɛ b wora so.

Aŋasa 16:5

Enyɛnpe Ebɔrɛ kishi esa nɛ e kɔ mpuchi ga. Kumo alɛ maŋ kɔ emɔrɔ fanɛ e beeŋ gberge loŋ be basa kusoe.

Aŋasa 30:13

Basa ko bee wu bumo be amu nna a maa keni basa a bɔlɔ kenishi.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 13:11

Ade be kaman nɛ Enyɛnpe Ebɔrɛ naŋ kaŋɛ le: “Meeŋ gberge efuli lubi ere nɛ kumo to be basa kusoe ŋkpal bumo be alubi so. Ma alɛ beeŋ bar ekama nɛ e bee maŋ mbe kumu so kaseto nseŋ gberge ekama nɛ e bee fɛ fanɛ e shi ga nsaa ŋini to, a kute a wɔtɔ basa ebesa to na kusoe.

Aizaaya 14:15

Ama b gbelge fo n yɔ durnya be kaseto ashi bubuni to.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 23:9

Enyɛnpetale Ebɔrɛ na e daŋ kre kumo fanɛ e beeŋ shin nɛ bumo be mpuchi nɛ baa puchi ŋkpal kusɔ nɛ b tiŋ n wora so na e ba ekar nɛ e ŋaba bumo be bunyaŋwuraana.

Aizaaya 24:21

Enyɛnpe Ebɔrɛ na beeŋ gberge esoso be eleŋana nɛ durnya to be bewuraana kusoe.

Aizaaya 25:9

Jemanɛ na kaŋ fo, ekama beeŋ kaŋɛ le: “Mo e la anyi be Ebɔrɛ! An ta anyi be yirda n deŋi mo so, nɛ e mɔlga anyi. Mo e la Enyɛnpe Ebɔrɛ na! An ta anyi be yirda n deŋi mo so, nɛ anyi be ŋgbene fuli nɛ an nya kagbenewushi ŋkpal e ka mɔlga anyi so.”

Aizaaya 26:1

Kachako bee ba nɛ basa e boŋ kashɛ ere ashi Juda be kasawule so: Anyi be kadegboŋ na kɔ eleŋ! Ebɔrɛ gbagba e naa kɔ a kuŋ kumo be egbalana!

Aizaaya 28:5

Loŋ be kacha na, Enyɛnpetale Ebɔrɛ na beeŋ baa du fanɛ atoto be kuwurwuro lela n sa mbe basa nɛ baaŋ ji efute a wɔtɔ na; mannɛ fanɛ Samɛria nɛ k du fanɛ atoto nɛ a wɔl m bolo n chuge n tɔr na.

Aizaaya 29:18

Kachɛ na kaŋ fo, ekpawu beeŋ nu b kaa bee kraŋ kawɔl awɔrso nɛ etanpo, nɛ b wɔ tentembiri to, e bugi anishi a wu.

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 30:23

Ade be kaman, jemanɛ kikɛ nɛ men duu asɔ, Enyɛnpe Ebɔrɛ na beeŋ shin nɛ bɔrɛchu e ba nɛ a kɔr n daŋ nseŋ wora nɛnɛ nɛ men teŋi. Men be asɔbɔya malɛ gba beeŋ nya ejikpa damta a ji.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 4:1

Jemanɛ na kaŋ fo malɛ, beche ashunu beeŋ baa shil a buu enyɛn koŋwule so a kaŋɛ le: “Anyeeŋ tiŋ a bela nsaa buu anyi be amu, jande, fo ere e baŋ shuli nɛ an baa tre fo anyi kul, saŋɛ na so anyi maaŋ ji nyɔmɔ ŋkpal anyi ka maa kil so.”

Aizaaya 40:23

Ebɔrɛ e naa bar bumo nɛ baa ji kuwura kenyɛnso kaseto, nsaa shin nɛ baa ki basa fuloŋ ashi durnya to na.

Aizaaya 52:6

Jemanɛ ko bee ba nɛ men pin fanɛ ma e la Ebɔrɛ nɛ ŋ kaŋɛ menyi asheŋ ere kikɛ pɔɛŋ nɛ a wora.”

Jɛremaya 12:9

Ma basa laraso ki fanɛ kabuibi nɛ e bee ji eblaŋ nɛ kumo braana ba kulti kumo n wɔtɔ nseŋ mɔ kumo a ji nna. Tre kupuŋ to be asɔbɔya lubi nɛ amo alɛ gba e ba ti so n ji kumo m moɛ.

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Ezikɛl 38:14

Amoso nɛ Enyɛnpetale Ebɔrɛ na shuŋi ma fanɛ n ya kaŋɛ Gɔg fanɛ nɛ e wu mbe basa Israɛlebi ka wɔ kayurwushi to, e beeŋ koso

Ezikɛl 38:19

nɛ n nya agbo n shin nɛ kasawule e gbuŋgbuŋ eleŋ so ashi Israɛl be efuli so.

Ezikɛl 39:11

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Jemanɛ nɛ asheŋ ere kikɛ beeŋ wora na, meeŋ shin nɛ b puli Gɔg ashi Israɛl be kakpa nɛ baa tre Benitepo be Ketaŋɛ to nɛ k dese Teku Wuso na be epeŋilarkpa be kaba so na. Ndoŋ nɛ baaŋ puli Gɔg nɛ mbe benapo kikɛ, saŋɛ na so baaŋ baa tre ketaŋɛ na Gɔg be benapo be Ketaŋɛ.

Ezikɛl 39:22

Yili loŋ be kachɛ na a yɔ Israɛlebi na beeŋ pin fanɛ ma, Enyɛnpe Ebɔrɛ na e la bumo be Ebɔrɛ.

Danɛl 4:34

Nɛ ewura Nebukadneeza kaŋɛ le: “Nfɛnshunu na ka choŋ, nɛ ŋ keni esoso nɛ ma nfɛra ba abar so. Ndoŋ nna nɛ n di Enyɛnpetale Ebɔrɛ na epaŋ nseŋ ta kemaŋkura nɛ bunyaŋ n sa emo nɛ e wɔtɔ mbaanaayɔ na. Mo e naa ji kuwura mbaanaayɔ nɛ mbe kuwurji wɔtɔ saŋkama na.

Hoziya 2:16

Yili kumo be kachɛ na a yɔ, menyeeŋ baa tre ma men kul nna, nɛ mannɛ men Nyɛnpe.

Hoziya 2:18

Loŋ be saŋɛ na, meeŋ shin nɛ men baa wɔ kagbenewushi to nɛ kupuŋ to be asɔbɔya nɛ mbuibi ŋko kena to be adoŋsɔ gba maaŋ tiŋ n tɔrɔ menyi.

Hoziya 2:21

Loŋ be saŋɛ na kaŋ fo, meeŋ nu menyi be kabɔrɛkule nseŋ shin nɛ bɔrɛ e ba kasawule ere so.

Jowɛl 3:18

Loŋ be kachɛ na ndibi nɛ b kɔ amo be asɔrso a wora nsa na beeŋ wora keshi nɛ asɔbɔya e chase abee so. Juda be efuli so be mbombi malɛ maaŋ naŋ wɔlto kikɛ. Nchu beeŋ shi bɔrɛlambu na to n shile n ya kaa luri ndibi nɛ baa tre akasia nɛ a yil ketaŋɛ to na to.

Eemɔs 9:11

Enyɛnpe Ebɔrɛ yɛ: “Kachako bee ba nɛ n naŋ lɔŋɛ Deevid be kuwurji nɛ k ki fanɛ kelambure na m pɔr n yili nɛnɛ. Meeŋ naŋ lɔŋɛ kumo be egbalana m pɔr fanɛ kananɛ k daa du dra na.

Obadaya 1:8

Enyɛnpetale na yɛ: “Kachɛ na kaŋ fo, meeŋ mur Edɔm be basa nyiashempo kama nɛ b wɔ lsɔɔ be abee so a pin asheŋ to na. Meeŋ mur bumo cheche.

Maika 2:3

Amoso kusɔ nɛ Enyɛnpe Ebɔrɛ na kaŋɛ nde: “Mee kre keshin nɛ tɔrɔgboŋgboŋi e ba menyi so nna. Menyi alɛ maaŋ tiŋ ŋ gelge kumo n nya menyi be kumu n ji kikɛ. Menyeeŋ luri etɔrɔ to, saŋɛ na so menyi maaŋ naa nite a wu menyi be amu.

Maika 4:6

Kede be kaman nɛ Enyɛnpe Ebɔrɛ na kaŋɛ, “Jemanɛ ko bee ba nɛ ŋ gama basa nɛ ŋ gberge kusoe n shin nɛ b yɔ kenyaya to ashi efuli wɔfɔana so n ya ji awurfoŋ na abar so.

Maika 5:10

Enyɛnpe Ebɔrɛ na yɛ: “Jemanɛ na kaŋ fo, meeŋ suge menyi be egbaŋɛ nseŋ mur menyi be egbaŋɛturko.

Zefanaiya 3:11

Jemanɛ na kaŋ fo, anishinyɔr maaŋ pɛ menyi nɛ men la ma basa ŋkpal men ka daŋ kini ma nseŋ lar ma kaman na so. Ŋkpal manɛ so, meeŋ ju bekama nɛ b kɔ kamoowu nɛ ŋkpensheŋ be kebaawɔtɔ ashi menyi to, saŋɛ na so menyi maaŋ naŋ kini ma nseŋ lar ma kaman ashi ma kebee cheembi na so.

Zefanaiya 3:16

Jemanɛ ko bee ba nɛ b kaŋɛ Jerusalɛmebi le: ‘Men sa maa ŋana kufu! Menyi alɛ e sa maŋ pɔ aba ŋko a yil chaam ŋkpal kufu so!

Zakareya 9:16

Kamɔnchɛ na Enyɛnpe Ebɔrɛ na e naŋ mɔlga mbe basa fanɛ kananɛ mbolpɔkpapo bee mɔlga mbe mbolpɔ ashi kenishipere to na. Baaŋ baa nyɛkpɛ mbe kasawule so fanɛ kuwurwuro so be amaŋkanibi na.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

2 Kɔrintebi 10:17

Kumo alɛ nɛ abɔrɛsibɛ na bee kaŋɛ na fanɛ: “Esa kama nɛ e bee puchi, e puchi Enyɛnpe nawule so.”

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

2 Tɛsalɔnikaebi 1:10

Kachɛ nɛ e beeŋ ba nya kemaŋkura nɛ bunyaŋ ashi mbe basa nɛ b yirda mo na kutɔ na, menyi alɛ gba beeŋ ti loŋ be basa na so ŋkpal men ka yirda kubɔya nɛ an daŋ bɔ n sa menyi na so.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.