Aizaaya 2:10 - EBƆRƐ BE KAWƆL

¹⁰ Bumo kikɛ beeŋ shile n ya ŋana abeelaŋ to ŋko n ya kur kasawule n luri to a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.

Aizaaya 2:10 ပူးပေါင်းရင်းမြစ်များ

Job be kawɔl 31:23

Ŋkpal ŋ kaa bee ŋana Ebɔrɛ be kasogberge so, m maaŋ shuli n wora le be asheŋ ere.

Job be kawɔl 40:13

Ta kesaŋɛ ŋ ŋmea bumo be ekama nseŋ gama bumo n ya puli nchaŋ to!

Nshɛ 145:12

Saŋɛ na so edimɛdi kikɛ beeŋ pin fo ashuŋgboŋ nɛ fo kuwurji be kemaŋkura nɛ kela be asheŋ.

Nshɛ 90:11

Esa kikɛ maŋ nyi kananɛ fo agbo be eleŋ sa. Ŋkpal manɛ so, k shi alegaiso, nseŋ daga fanɛ an baa ŋana fo ŋkpal kumo so.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 25:11

Baaŋ wora ania fanɛ baaŋ lar depɔ na to, ama Ebɔrɛ beeŋ wora bumo eyurto n shin nɛ b lar ŋ gben.

Aizaaya 42:22

Ama naniere mbe basa ki basa nɛ beko suge bumo be asɔ eleŋso nna, nseŋ ta bumo kikɛ n wɔtɔ emaŋ chiŋgeliŋ to ŋko n ti ebu nɛ esa kikɛ maaŋ tiŋ n lara bumo. Beko daŋ suge asɔ kama b daa kɔ nna nɛ esa kama malɛ daa maŋ wɔtɔ nɛ e kɔ n sɔ amo n sa bumo.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 13:9

“Kananɛ meeŋ mur Juda nɛ Jerusalɛm be basa be kamoowu nɛ b kɔ na nna na.

Hoziya 10:8

Avɛn be kebee be esoso be kakpa nɛ Israɛl be basa bee shuŋ agbir na kikɛ beeŋ mur, nɛ ewi nɛ afeelebi a kɔr n daŋ m buu bumo be ebɔrɛsureana na so. Ndoŋ nna nɛ b kaŋɛ le: “Abeegboŋ, men ta anyi ŋ ŋana! Abeebi, men bure m buu anyi so!”

Nahum 3:11

Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu.

Luuk 12:5

Meeŋ ŋini menyi esa nɛ e daga kaŋana: Men baa ŋana emo nɛ e beeŋ tiŋ m mɔ nseŋ naa kɔ eleŋ nɛ e tiŋ n ta amodoŋwura n wɔtɔ edɛ to. Kashenteŋto mee kaŋɛ menyi nna, men baa ŋana mo.

Luuk 23:30

Saŋɛ na so baaŋ fara a kule abeegboŋ nɛ abeebi fanɛ a ka la enyiŋgbasa na ŋ kaŋɛ abeegboŋ le: ‘Men tɔr anyi so’, nseŋ kaŋɛ abeebi malɛ: ‘Men buu anyi so.’

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.