Aizaaya 19:8 - EBƆRƐ BE KAWƆL

⁸ Bekama nɛ baa pɛ ekɔrɔtɔ Nail be lɔrgboŋ na to a nya kusɔ jiso na beeŋ shu kagbenejijaso, ŋkpal manɛ so, bumo be edariwa nɛ ashewu maaŋ naa kɔ tɔnɔ n sa bumo.

Aizaaya 19:8 ပူးပေါင်းရင်းမြစ်များ

Ɛksodɔs 7:21

Nɛ ekɔrɔtɔ nɛ a daa wɔ Nail be lɔr na to kikɛ wu nɛ nchu na fara a dufɛ puŋ puŋ puŋ nɛ Ijiptebi na nuu amo ŋ gben. Ŋklaŋ e daa la kaplɛkama ashi Ijipt to.

Ezikɛl 47:10

Yili achubu nɛ baa tre Ɛngɛdi na hale n ya fo achubu nɛ baa tre Ɛneglem na, basa beeŋ baa pɛ ekɔrɔtɔ teku na to nsaa fata bumo be ashewu kumo be ekarso. Teku Wuso na beeŋ nya ekɔrɔtɔ be yiri yiri fanɛ kananɛ Mɛditerenia be Teku kɔ amo na.

Habakuk 1:15

Babilɔnebi na bee pɛ edimɛdi nna fanɛ b ka ta edariwa ŋko ashewu m pɛ ekɔrɔtɔ n dii kedeŋi so nsaa cha awɔr kagbenefuliso na.

Habakuk 1:17

Ama b baa kraa mɔ basa fanɛ b ka bee to bumo ashewu na nsaa mur efuliana na a maa wu basa kuwɔr a?

Nɔmbɛs 11:5

Ama an ka daa wɔ Ijipt na bre, an daa nya ekɔrɔtɔ kananɛ anyee sha nna a we jiga. Eŋampo nɛ asɔrso nɛ baa tre watamelɔŋ nɛ albasa be eyiri yiri kikɛ wɔ ndoŋ nna nɛ an daa ji anyi be kepar.

Matiu 11:17

‘Manɛ e ba nɛ an laŋ ŋkure kejafɔ to n sa menyi nɛ men kini kecha? Nɛ manɛ e ba nɛ an shu keeli to n sa menyi nɛ men kini kechɛ anyi to n shu?’