Aizaaya 19:3 - EBƆRƐ BE KAWƆL

³ Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.

Aizaaya 19:3 ပူးပေါင်းရင်းမြစ်များ

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

2 Bewura 1:2

Kachako nɛ Israɛl be efuli so be Ewura Ahaziya shi mbe laŋ be kuchoŋi be esoso ashi Samɛria be kade to n tɔrto nseŋ doro ga. Ŋkpal loŋ so e daŋ shuŋi mbɔ Ekrɔn be kade to nna fanɛ b ya bishi Filistiebi be kegbir nɛ baa tre Baalzebɔb na ŋ keni e beeŋ nya alenfia ŋko e maaŋ nya?

1 Kronikɛls 10:13

Sɔɔl ka daa maa ji kashenteŋ a sa Enyɛnpe Ebɔrɛ so nɛ e daŋ wu na. E daŋ kini kebɛ Ebɔrɛ be mbra so nna nsaa yɔ belejipo kutɔ n ya ka kpal.

Nshɛ 107:27

Men daa wɔ ekuloŋgboŋ na to nna, a lente nchu na so fanɛ basa ka boo nsa nseŋ paŋ tama kikɛ na.

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Nshɛ 76:12

Mo e naa bar bewura kama nɛ baa boo kenyɛn na kaseto; a shin nɛ baa ki befupo.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 14:27

Enyɛnpetale Ebɔrɛ na e yili kumo mbe kagbene to fanɛ e beeŋ wora ade kikɛ. Esa kikɛ malɛ maaŋ tiŋ ŋ kuŋ mo ekpa fanɛ e sa maŋ wora amo.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Aizaaya 47:12

Men baa kraa kɔ men be kegbaya be mbre nɛ akprambi nɛ men kɔ a shuŋ men be kebia to kikɛ na to kpakpa. Ashere a beeŋ tiŋ n chɛ menyi to ekpa ko so, ŋko ashere menyeeŋ tiŋ n ta amo n funti men doŋana.

Aizaaya 57:16

M maaŋ naaŋ nya agbo n wɔtɔ ma basa a wu bumo kulubi mbaanaayɔ. Ŋkpal manɛ so, ma e to bumo nsaa maa sha fanɛ bumo be aba e pɔ bumo.

Aizaaya 8:19

Ama basa beeŋ kaŋɛ menyi fanɛ men yɔ bekpalpo nɛ belejipo nɛ baa gbar a jugeto na kutɔ n ya bishi so n nu abɔya nɛ a wɔtɔ. Baaŋ kaŋɛ le: “Basa bee yili bumo nɛ b wɔ ŋkpa to be katelamu to nna a bishi abɔya ashi ayoyu nɛ bubuni kutɔ.”

Jɛremaya 46:15

Manɛ nna nɛ menyi be kegbirgboŋ Apis na tɔr? Enyɛnpe Ebɔrɛ na e ŋmɛa kumo n lɛ!’

Ezikɛl 21:7

B kaŋ bishi fo kusɔ nɛ k ba nɛ fee shu fo kaŋɛ bumo le: ‘Baru nɛ k bee ba na so nɛ mee shu.’ Kumo jemanɛ kaŋ fo ekama be kagbene beeŋ jija mo nɛ kufu e tɔr ekama so nɛ bumo be aba e pɔ bumo nɛ b baa chicha a maaŋ naŋ tiŋ n wora shɛŋ. Kachɛ na bee ba! K maaŋ naŋ chɛr nseŋ ba. Ma, Enyɛnpetale Ebɔrɛ na e kaŋɛ na.”

Ezikɛl 22:14

Ma agbo kaŋ ba fo basa ere so, b maŋ naa kɔ kenyɛn nseŋ nya eleŋ m maŋ enɔ so gba. Ma Enyɛnpetale Ebɔrɛ na e kaŋɛ, ma alɛ beeŋ wora kumo.

Danɛl 1:20

Asheŋ kikɛ nɛ ewura na daŋ baŋ bishi, e daa wu nna fanɛ mbia ana na nyi asheŋ nsaa pin asheŋ to alɛ kudu a chɔ mbe belejipo nɛ ŋkilgiwuraana nɛ b wɔ mbe efuli so kikɛ.

Danɛl 2:2

Ndoŋ nna nɛ e shuŋi n tre mbe belejipo nɛ ŋkilgiwuraana nɛ bekpalpo nɛ benyiashempo fanɛ b ba kaŋɛ mo edare nɛ e ku na be kifito. B ka ba ewura na kutɔ,

Danɛl 5:7

Nɛ e ponte n shuŋi n tre ŋkilgiwuraana nɛ begba nɛ benyiashempoana. B ka ba na, nɛ ewura na kaŋɛ bumo le: “Ekama nɛ e tiŋ ŋ kraŋ kasibɛ ere nseŋ kaŋɛ ma kumo be kifito, meeŋ shin nɛ b ta awurpiŋi peper kunɔkunɔ m mɛa mo to nseŋ ta shuwa be jaagba n di mbe kubɔ to nɛ e ki esa nɛ e bɛ ma so esasopo ashi ma kuwura to.”

1 Samuɛl 25:37

Kare ka chɛ nɛ mbe kaboo na lar mo to na, nɛ Abigɛl kaŋɛ mo kusɔ kama nɛ k wora. Ndoŋ nna nɛ Nabaal kreŋ n dese fanɛ kejembu na.