Aizaaya 19:1 - EBƆRƐ BE KAWƆL

¹ Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 19:1 ပူးပေါင်းရင်းမြစ်များ

Nshɛ 104:3

Fo alɛ e pɔr fo kowu n shin nɛ tekugboŋ wɔ kumo be kaseto. Bɔrɛwɔlpa nɛ k bee bɔla afu so a nite na du fanɛ gbaŋɛturko nna n sa fo.

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 18:9

Nɛ esoso bugi nɛ e lar m ba nɛ awɔlpa jimajima wɔ mbe aya ase.

Nshɛ 68:4

Men boŋ nshɛ n sa Ebɔrɛ, men boŋ nshɛ n fur mbe ketre. Mo e dii n chena awɔlpa so, amoso men maŋkura mo. Mbe ketre e la Enyɛnpe na, nɛ anyee tiŋ n ji eyur nseŋ maŋkura mo.

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 13:7

Kufugboŋ beeŋ tɔr basa kikɛ so nɛ bumo be mbre e yulge bumo nɛ bumo be kenyɛn kikɛ e foe. Nɛ ebesagboŋ e tɔr ekama so fanɛ kakurge be ebesa ka tɔr eche nɛ e bee kurge so na. Anishinyɔr beeŋ pɛ bumo nɛ b kurgi amu n yuu to a maaŋ naŋ tiŋ ŋ keni abar be anishito.

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Aizaaya 21:9

K maŋ chɛr ko nɛ esoji nɛ b dii egbaŋɛ m bɛ abar so kenyɔ nyɔ fara a ba. Epul na to nɛ ekenipo na ponte awɔrso n sa baru nɛ egbaŋɛ diipo na bar ŋ kaŋɛ le: “Babilɔn be basa kɔ n tɔr! Agbirana nɛ b daa shuŋ na bure kuraa m pesaŋ to a dese kasawule.”

Jɛremaya 25:19

Mboŋ nɛ amo alɛ gba beeŋ nuu kawiebi na to be asɔ nuuso na nde: Ijipt be efuli so be ewura nɛ mbe benimu nɛ bejuŋkparpo beeŋ nuu amo; Ijipt be basa kikɛ nɛ befɔ kama nɛ b wɔ Ijipt be efuli so beeŋ nuu amo; Bewura kama nɛ b wɔ Uz be kasawule so beeŋ nuu amo; Bewura kama nɛ b wɔ ndegboŋ fanɛ Ashkɛlɔn nɛ Gaaza nɛ Ekrɔn nɛ basa kama nɛ b ka e wɔ Ashdɔd na ashi Filisti be efuli so; Basa kama nɛ b wɔ Edɔm nɛ Mowab nɛ Ammɔn be efuliana so beeŋ nuu amo; Bewura kama nɛ b wɔ Tayɛ nɛ Sidɔn be ndegboŋana to nɛ nde nɛ bumo be basa wɔ a laŋɛ Teku nɛ baa tre Mɛditerenia na ase beeŋ nuu amo; Basa nɛ b wɔ ndegboŋ nɛ baa tre Dedan nɛ Tɛma nɛ Buz na kikɛ beeŋ nuu amo; nɛ basa kama nɛ baa shɛ bumo be amu kɔlikɔli na beeŋ nuu amo; Bewura kama nɛ b wɔ Areebia be efuli so na kikɛ beeŋ nuu amo; Keshishɛrsawule so be eyiriana na be bewura kikɛ beeŋ nuu amo; Bewura kama nɛ b wɔ Zimri nɛ Elam nɛ Midia be abonfu so na beeŋ nuu amo; Bewura kama nɛ b wɔ kelargato be esoso be kaba so be mboŋ nɛ e taga to nɛ amo nɛ e wɔ kufɔ kufɔ kikɛ so na beeŋ nuu amo. Durnya to be efuli kama daŋ nuu kawiebi na to be asɔ nuuso na. Babilɔn be ewura e daa la esa nɛ e shir kaman n nuu amo.

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 44:8

Manɛ nna nɛ menyee bunyaŋ agbirana nsaa lara esarga a sa amo ashi Ijipt a wɔtɔ ma agbo to? Menyee wora le nna nɛ men mur menyi be amu, saŋɛ na so durnya to be efuli kama so be basa beeŋ baa keni menyi jiga nsaa ta menyi be ketre a sho basa kɔnɔ a?

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Ezikɛl 30:13

Ade be kaman nɛ Enyɛnpetale Ebɔrɛ na naŋ kaŋɛ le: “Meeŋ mur agbirana nɛ mpɔrduliana nɛ Ijiptebi bee shuŋ ashi kadegboŋ nɛ baa tre Mɛmfis na. Esa kikɛ maaŋ naa wɔtɔ nɛ e ji Ijipt be efuli so kuwura, nɛ kufu a pɛ basa kikɛ efuli na so.

Jowɛl 3:19

Ijipt be kasawule beeŋ ki kiyi to chil, kakpa nɛ basa maaŋ baa wɔ, nɛ Edɔm be kasawule malɛ kikɛ e jija ŋ ki keshishɛrsawule ŋkpal b ka kɔ Juda be efuli so ebi kena nseŋ mɔ basa nɛ b maŋ wora alubi na so.

Nahum 1:1

Kubɔya ere la bɔrɛdare nɛ Enyɛnpe Ebɔrɛ na shin nɛ Nahum, nɛ e shi kade nɛ baa tre Ɛlkɔsh na, ku a laŋɛ kadegboŋ nɛ baa tre Ninɛve na be kaplɛa so nna.

Nahum 1:3

Enyɛnpe Ebɔrɛ na kɔ eleŋ ga, mo alɛ maa nya agbo manaŋ manaŋ, ama mo alɛ maa yige bumo nɛ baa wora a de so nɛ baa ta bumo be amu a ji. Bɔrɛfugboŋ nɛ kawuliwuli so nɛ e bee bɔla a wora asheŋ; nɛ bɔrɛwɔlpa malɛ du fanɛ mbe aya to be kalabɛr.

Zakareya 10:11

B kaŋ bɔla bumo be etɔrɔbi nɛ e du fanɛ teku ere to a choŋ, ma, Enyɛnpe Ebɔrɛ na beeŋ yɔɔ atili na nseŋ shin nɛ Nail be lɔr nɛ k wɔ Ijipt be efuli so na be kechimbi to be nchu e feeto. Meeŋ shin nɛ Asiriyaebi be kamoowugboŋ na e ba kaseto, nɛ Ijiptebi e paŋ bumo be eleŋgboŋ na.

Zakareya 14:18

Nɛ fanɛ Ijiptebi gba kini keji Abuu to be Kachɛgboŋ na, kulɔ lubi nɛ Enyɛnpe Ebɔrɛ na shin nɛ b k tɔr efuli pɔtɛana nɛ kini mo na so na beeŋ pɛ bumo alɛ gba.

Nɔmbɛs 33:4

Ijiptebi na daa puli bumo be ewurkoŋnyɛn nɛ Enyɛnpe Ebɔrɛ daŋ mɔ na nna nsaa keni Israɛlebi na nɛ baa yɔ. Kede e naa ŋini fanɛ Enyɛnpe Ebɔrɛ kɔ eleŋ a chɔ Ijiptebi na be agbirana.

Ditɛronɔmi 33:26

Israɛl be basa, Ebɔrɛ kikɛ maŋ naa wɔtɔ fanɛ menyi be Ebɔrɛ na. Mo e naa lara mbe kemaŋkura a ŋini kuwɔlpa so, nsaa bɔla bɔrɛwɔlpa to a ba menyi be kechɛto to na.

Joshuwa 2:11

An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.

Joshuwa 2:24

Le nɛ b kaŋɛ Joshuwa: “Enyɛnpe Ebɔrɛ na ta bumo be kasawule na kikɛ m bɔɔ anyi enɔ. Kufu daŋ pɛ basa na ga nna ŋkpal anyi so.”

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.