Aizaaya 18:7 - EBƆRƐ BE KAWƆL

⁷ Itiopia be basa ere la basa tenteŋ nɛ bumo be kayurwule du mɔlmɔlbi nna. Ekama bee ŋana bumo durnya ere to nna, ŋkpal b ka kɔ eleŋ ga nseŋ lubi so. Ama loŋ be jemanɛ kaŋ fo, baaŋ shi bumo be kasawule nɛ elɔr shibi kumo so na so n ta esarga m ba sa Enyɛnpetale Ebɔrɛ nɛ baa shuŋ mo ashi Zayɔn be kebee so na.

Aizaaya 18:7 ပူးပေါင်းရင်းမြစ်များ

2 Kronikɛls 32:23

Basa damta daŋ shi Jerusalɛm nna n ta bumo be esarga m ba sa Enyɛnpe Ebɔrɛ na nseŋ ta ŋkɛ malɛ m ba sa ewura Hɛzekaya. Yili loŋ be saŋɛ na efuliana kikɛ daa sa ewura Hɛzekaya bunyaŋ nna.

Nshɛ 68:32

Men boŋ nshɛ n fur Ebɔrɛ. Durnya to be efuli kikɛ so ebi e boŋ nshɛ n sa Enyɛnpe Ebɔrɛ na.

Aizaaya 16:1

Mowab be basa nɛ b wɔ kiyi to be kadegboŋ nɛ baa tre Sela na ta mbolpɔ fɔlbi n shuŋi n ya sa Jerusalɛm be ewura nna.

Aizaaya 18:2

Ijipt bee shuŋi mbɔ nna nɛ baa ta nchu so be ekuloŋ nɛ b ta agasa n lɔŋɛ a nite lɔrgboŋ nɛ baa tre Nail na so, fanɛ b nya manaŋ n yɔ Itiopia nɛ kumo be basa wɔ nteŋ nɛ bumo be kayurwule du mɔlmɔlbi na. Elɔr shibi nna ashi Itiopia ebi ere be kasawule so nɛ b kɔ eleŋ nseŋ lubi ga nɛ ekama bee ŋana bumo ashi durnya kikɛ to.

Aizaaya 18:4

Kumo be kaman nɛ Enyɛnpe Ebɔrɛ na kaŋɛ ma le: “Meeŋ baa wɔ ma pe ashi ebɔrɛso nsaa keni kaseto boeŋ fanɛ kapiidi be epeŋi ŋko awɔlpa nɛ a bee lar kasɔteŋi be jemanɛ ketarso na.

Aizaaya 45:14

Kede be kaman nɛ Enyɛnpe Ebɔrɛ na naŋ kaŋɛ Israɛlebi na le: “Ijipt nɛ Itiopia be efuliana so be kedamaya beeŋ ki menyeya, nɛ Seba be efuli so be basa tenteŋ na e ki menyi be anya. Menyi beeŋ chɛ bumo ŋgbɛlɛbi ŋ gberge bumo m bɛ menyi be amu so. Baaŋ jɔŋɛ menyi ase nseŋ kaŋɛ le: ‘Ebɔrɛ wɔ menyi kutɔ, mo alɛ nawule e la Ebɔrɛ.’

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Habakuk 1:7

Bekama bee ŋana bumo nna nɛ bumo be asheŋ malɛ bee keta kufu ga. Bumo gbagba be mbraana nɛ atande nɛ baa bɛ so.

Zefanaiya 3:10

Ma basa nɛ b pesaŋ to nɛ bumo nɛ baa bunyaŋ ma kashenteŋto beeŋ shi hale Itiopia be efuli so be elɔrana be mba ndoŋ m bar esarga m ba sa ma.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Matiu 2:11

B ka luri laŋ na to n wu kebia na nɛ mo nio Mɛɛri nɛ b gbir m bunyaŋ kebia na. Kumo be kaman nɛ b bugi bumo be asɔ to n lara shuwa nɛ asɔ ko nɛ baa tre fraŋkinsensi nɛ mir ŋ kɛ kebia na.