Aizaaya 18:3 - EBƆRƐ BE KAWƆL

³ Esa kama nɛ e wɔ durnya ere to, e nu nfe! Tɔɔnɛ be tuta ko beeŋ baa wɔ abee be awɔlto nɛ men wu kumo nseŋ nu kabel be kushu!

Aizaaya 18:3 ပူးပေါင်းရင်းမြစ်များ

Nshɛ 50:1

Enyɛnpetale Ebɔrɛ, elempo na, bee tre durnya to be basa kikɛ nɛ b wɔ epeŋitɔrkpa nɛ epeŋilarkpa na nna fanɛ b shɛr.

Aizaaya 1:2

Ndoŋ nna nɛ Enyɛnpe Ebɔrɛ naŋ kaŋɛ: “Basa nɛ b wɔ ebɔrɛso nɛ kasawule so kikɛ e kaŋ asoe n nu kusɔ nɛ mee kaŋɛ ere! Mbia nɛ m bela e kilgi a kɔ ma na.

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 13:2

E yɛ, Aizaaya, yili kepreŋ nɛ shɛŋ maŋ wɔ kumo so na be awɔlto m maŋ kena be tuta so! Ponte ŋ kaŋɛ esoji na fanɛ b kre kena. Pla bumo enɔ fanɛ b kɔ n nya n luri mbunagboŋ lempo na to n ya kɔ Babilɔn be kadegboŋ na.

Aizaaya 13:4

Men kaŋ asoe n nu, awɔr ka bee gbri abee so fanɛ jimaŋ damta na! K du fanɛ efuliana nɛ kuwurgboŋana e naa gama abar so! Enyɛnpetale Ebɔrɛ na e naa gama benapo abar so nɛ b kɔ kena.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 31:9

Bumo be ewurgboŋ beeŋ lara keya n shile ŋkpal kufu so nɛ kufugboŋ e tɔr bumo be benapo be benimuana na so nɛ b shile ŋ ka bumo be kena to be etuuta n lɛ kaman.” Kusɔ nɛ Enyɛnpe Ebɔrɛ nɛ baa shuŋ mo Jerusalɛm to nɛ mbe edɛ bee chɔɔ esarga ndoŋ na kaŋɛ nna na.

Aizaaya 49:22

Kumo be kaman nɛ Enyɛnpetale Ebɔrɛ na kaŋɛ mbe basa le: “Meeŋ maŋ ma tuta so nɛ efuliana na be basa e wu kumo, nseŋ shin nɛ ma basa e bɛta m ba epe ashi bumo gbagba be kasawule so.

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Aizaaya 7:18

Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.

Jɛremaya 22:29

O Juda be kasawule so be basa! Men kaŋ asoe n nu kusɔ nɛ Enyɛnpe Ebɔrɛ na kaŋɛ:

Jɛremaya 51:27

Men maŋ tuta na so ashi kasawule na so nseŋ foŋ kabel na, saŋɛ na so efuliana na be basa beeŋ nu nseŋ bela ase m ba kɔ Babilɔn kena! Men kela n tre efuliana nɛ baa tre Ararat nɛ Minni nɛ Ashkenaz be benapo nɛ b ba kɔ Babilɔn be basa kena. Men lara enapo nimuso nɛ e juŋkpar benapo na ŋ kɔ. Menyi alɛ e bar egbaŋɛ damta nɛ b baa du fanɛ elotɔr ka mel abar so na.

Maika 1:2

Menyi basa nɛ men wɔ durnya ere be efuliana kikɛ so e nu nfe! Menyi basa kama nɛ men wɔ kasawule ere kikɛ so gba e nu asheŋ ere! Enyɛnpetale Ebɔrɛ nɛ e wɔ mbe bɔrɛlambu cheembi to na, e naa shin nɛ e ji shɛda ŋ gbiti menyi.

Maika 6:2

O abeegboŋ nɛ durnya be nsawule be egbaltɔlase nɛ a wɔtɔ mbaanaayɔ, men nu asheŋ nɛ Enyɛnpe Ebɔrɛ na kɔ a semaŋ mbe basa Israɛlebi na.”

Maika 6:9

Nu nfe! Enyɛnpe Ebɔrɛ na bee kela a shoŋi Jerusalɛm be kadegboŋ na to ebi. E yɛ: “Men baa de kuwurkpabi na, nɛ esa nɛ e kɔ kumo to a ba na so.

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

Matiu 13:16

Menyi nɛ men kɔ anishi a wu nɛ asoe a nu ere, kagbenefuli la menyeya nna.

Matiu 13:9

Keŋasa ere be kaman nɛ Yesu kaŋɛ: “To, fo nɛ fo kɔ asoe, fo nu.”