Aizaaya 18:2 - EBƆRƐ BE KAWƆL

² Ijipt bee shuŋi mbɔ nna nɛ baa ta nchu so be ekuloŋ nɛ b ta agasa n lɔŋɛ a nite lɔrgboŋ nɛ baa tre Nail na so, fanɛ b nya manaŋ n yɔ Itiopia nɛ kumo be basa wɔ nteŋ nɛ bumo be kayurwule du mɔlmɔlbi na. Elɔr shibi nna ashi Itiopia ebi ere be kasawule so nɛ b kɔ eleŋ nseŋ lubi ga nɛ ekama bee ŋana bumo ashi durnya kikɛ to.

Aizaaya 18:2 ပူးပေါင်းရင်းမြစ်များ

2 Kronikɛls 14:9

Zɛra nɛ e shi Itiopia be efuli so na e daŋ juŋkpar benapo damta nɛ b maŋ kɔ kekarga na nɛ egbaŋɛturko nɛ b kɔ a kɔ kena be benapo alfa asa n ya kɔ Juda hale ŋ kɔ n ya lar kade nɛ baa tre Marɛsha na kikɛ.

2 Kronikɛls 16:8

Etopiya be efuli so ebi nɛ Libiya be efuli so ebi kɔ benapo damta nɛ egbaŋɛturko nɛ egbaŋɛdiipo damta. Ama ŋkpal fo ka ta fo yirda n deŋi Enyɛnpe Ebɔrɛ so so nɛ e shin nɛ fo kɔ m pɔɔ bumo so na.

Job be kawɔl 9:26

Ma ŋkpa bee choŋ manaŋ manaŋ nna fanɛ afu na, k bee yɔ manaŋ manaŋ a chɔ kusore ka gbelge to n fuu kusɔ gba.

Ɛksodɔs 2:3

Ama saŋɛ nɛ e wu fanɛ e maaŋ naŋ tiŋ n ta kebia na ŋ ŋana na nɛ e ta kootal n laa kelantaŋɛ nɛ b ta agasa n lue nseŋ ta kebia na n wɔtɔ kumo to. Kumo be kaman nɛ e ta kelantaŋɛ na nɛ kebia na kikɛ n ya yili nchu to ashi lɔrkar be afitiri jeŋgreŋ ko nɛ a du fanɛ agasa na to.

Aizaaya 18:7

Itiopia be basa ere la basa tenteŋ nɛ bumo be kayurwule du mɔlmɔlbi nna. Ekama bee ŋana bumo durnya ere to nna, ŋkpal b ka kɔ eleŋ ga nseŋ lubi so. Ama loŋ be jemanɛ kaŋ fo, baaŋ shi bumo be kasawule nɛ elɔr shibi kumo so na so n ta esarga m ba sa Enyɛnpetale Ebɔrɛ nɛ baa shuŋ mo ashi Zayɔn be kebee so na.

Jɛremaya 49:14

Kumo be kaman nɛ ma, Jɛremaya kaŋɛ le: “Edɔm be basa, kubɔya ko nɛ n nya shi Enyɛnpe Ebɔrɛ na kutɔ. E yɛ, e shuŋi kabɔ fanɛ e ya kaŋɛ efuliana na fanɛ b gama bumo be benapo abar so nseŋ bela ase m ba kɔ menyi kena.

Ezikɛl 30:9

Kachɛ nɛ Ijipt beeŋ mur na, meeŋ shuŋi mbɔ nɛ b ta nchu so be ekuloŋgboŋ m ba bɔ Itiopia be basa nɛ b maa fɛ shɛŋ be asheŋ na kubɔya a laŋɛ kemur nɛ k bee ba bumo alɛ gba so be kaplɛa so nɛ kufu e pɛ bumo. Loŋ be kachɛ na malɛ bee ba!”

Obadaya 1:1

Kusɔ nɛ Enyɛnpetale Ewurgboŋ na kaŋɛ a laŋɛ Edɔm be kaplɛa so nɛ an nu nde: “Men koso n shin nɛ an yɔ nɛ anyi nɛ Edɔmebi e ya kɔ abar kena.”

Habakuk 1:7

Bekama bee ŋana bumo nna nɛ bumo be asheŋ malɛ bee keta kufu ga. Bumo gbagba be mbraana nɛ atande nɛ baa bɛ so.

Luuk 10:19

Men nu nfe, n sa menyi eleŋ nɛ k tiŋ n shin nɛ men chichi awɔ nɛ nna so nseŋ pɔɔ edompo na be eleŋana kikɛ so nɛ shɛŋ maaŋ wora menyi.