Aizaaya 17:8 - EBƆRƐ BE KAWƆL

⁸ B maaŋ naŋ ta bumo be yirda n deŋi agbirsure nɛ bumo gbagba pɔr na ŋko ndibi tenteŋ nɛ b yuu kakpa nɛ baa shuŋ kegbir cheso nɛ baa tre Ashira na, nsaa chɔɔ eduwu agbirsure so ndoŋ na so.

Aizaaya 17:8 ပူးပေါင်းရင်းမြစ်များ

2 Samuɛl 22:42

Baa shu nna a fin kechɛto ama bumo alɛ maŋ nya esa nɛ e beeŋ mɔlga bumo. Baa kule Enyɛnpe Ebɔrɛ na, ama mo alɛ maa tuge bumo.

2 Kronikɛls 14:5

Ŋkpal e ka bure agbirana nɛ ebɔrɛsureana nɛ baa chɔɔ duwu amo so ashi Juda be nde kikɛ to na so, mbe kuwurji be jemanɛ daa kɔ kagbenewushi nna.

2 Kronikɛls 31:1

Kejigboŋ na ka loge, nɛ Israɛlebi na yɔ Juda be efuli so be kade kikɛ to, n ya bure ndoŋ be ajembu be eshabɔrɛ nɛ kegbirche Ashira be mpɔrduli be ndibi n lɛ nseŋ mur ndoŋ be ebɔrɛsure nɛ kakpa nɛ nnyamase bee shuŋ bumo be agbirana na kikɛ. B daŋ wora loŋ nna ashi Juda be efuli so kikɛ nɛ Bɛnjamin nɛ Efrayim nɛ Manase be kaba so kikɛ. Kumo be kaman nɛ b bɛta n yɔ epe.

2 Kronikɛls 34:4

E daŋ shin nna nɛ b bure kegbir nɛ baa tre Baal na be ebɔrɛsure nɛ ebɔrɛsure nɛ baa chɔɔ duwu amo so na. Nseŋ shin nɛ b bɛa kegbirche Ashira be mpɔrduli nɛ agbir nɛ a ka na kikɛ to n lɛ basa nɛ b daa shuŋ amo na be nchaŋana so.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Aizaaya 1:29

Saŋɛ na so nɛ nyɔmɔ e pɛ menyi nɛ men be ŋgbene e jija menyi ŋkpal men ka daŋ shuŋ ndibi nseŋ lɔŋɛ mboŋ ko a shuŋ agbir ndoŋ so.

Aizaaya 10:20

Jemanɛ ko bee ba nɛ Israɛl nɛ Juda be basa nɛ baaŋ ji efute na maaŋ naŋ ta bumo be amu n deŋi efuli nɛ k daŋ ka gbrɛ nɛ k mur na so. Baaŋ ta bumo be amu n deŋi Enyɛnpe, Israɛl be Ebɔrɛ cheembi na so nna.

Aizaaya 17:9

Loŋ be kachɛ na kaŋ fo, baaŋ shile ŋ ka ndegboŋ nɛ b daa kuŋ nɛnɛ na nɛ a ki alambure a dese fanɛ ndegboŋ nɛ Hivi nɛ Amɔ be basa daŋ shile ŋ ka jemanɛ nɛ Israɛl be basa daa kɔ bumo kena nɛ baa shile a mɔlga bumo be amu na.

Aizaaya 2:8

B daa shuŋ agbirana nɛ bumo gbagba lɔŋɛ ashi efuli na be kaplɛkama nna.

Aizaaya 27:9

Ekpa koŋwule so nɛ Israɛlebi beeŋ tiŋ m bɔla so n nya bumo be alubi nɛ kewora n jija be ketampaŋ. A daga fanɛ b bure nnyamase be agbirsure nɛ b pɔr a chɔɔ eduwu amo so na nseŋ tia kegbirche nɛ baa tre Ashira na be ndibi tenteŋ nɛ b yuu na kikɛ n lɛ.

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Aizaaya 37:19

Bumo alɛ daŋ naŋ chɔɔ efuliana na be agbirana nɛ b ta ndibi nɛ ajembu n lɔŋɛ a shuŋ nna.

Aizaaya 41:29

Agbirana ere kikɛ du jiga pasaa! B maaŋ tiŋ n wora shɛŋ, Bumo alɛ kikɛ maŋ kɔ eleŋ.”

Aizaaya 44:15

Ndibi nɛ edimɛdi kɔ a puga edɛ na be ako nɛ baa ku a lɔŋɛ agbirana. E beeŋ kpele kedibi na be ayabi m puga edɛ n wɔl gbaŋgbaŋ to nseŋ ta ako m puga edɛ n daŋɛ n ji. Kumo be kaman nɛ e ku kedibi na be kaba n lɔŋɛ kegbir a shuŋ kumo.

Jɛremaya 17:2

Menyi be basa yuu nnyamase be agbirsure nna a shuŋ kegbirche nɛ baa tre Ashira na ashi efuli na so be abeebi nɛ abeegboŋ nɛ ndibigboŋ nɛ e kɔ afantaŋ ga kikɛ be afito. Amoso meeŋ ta asɔ nɛ men kɔ kikɛ nɛ menyi be agbirsure n ti so n sa men doŋana.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Zefanaiya 1:3

Ma alɛ beeŋ mur edimɛdi nɛ asɔbɔya nɛ mbuibi nɛ ekɔrɔtɔ kikɛ. Meeŋ bar basa lubi kaseto nseŋ mur nyiŋgbasa kikɛ kasawule ere so. Esa kikɛ maaŋ pete. Ma, Enyɛnpe Ebɔrɛ na e kaŋɛ na.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.