Aizaaya 17:6 - EBƆRƐ BE KAWƆL

⁶ Basa gbrɛbi ko e naŋ ji efute nɛ Israɛl e ki fanɛ ɔlif be kedibi nɛ b chuge kumo so be asɔrso kikɛ nseŋ ka anyɔ ŋko asa ko ashi kumo be awɔlto ŋko asɔrso gbrɛbi ko ashi kumo be kaseto be ayabi so na. Ma, Enyɛnpe, Israɛl be Ebɔrɛ na e kaŋɛ na.”

Aizaaya 17:6 ပူးပေါင်းရင်းမြစ်များ

1 Bewura 19:18

Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

Aizaaya 1:9

Nɛ Enyɛnpetale Ebɔrɛ na daŋ maŋ shin nɛ basa na be beko ji efute, ndafanɛ Jerusalɛm gba mur cheche fanɛ kananɛ nde nɛ baa tre Sodɔm nɛ Gomɔra mur na.

Aizaaya 24:13

Kusɔ nɛ k beeŋ wora efuliana nɛ a wɔ durnya kikɛ to nna na. K beeŋ baa du fanɛ kasɔteŋi be jemanɛ nɛ b ŋeri ndibi kikɛ be asɔrso n lɛ nseŋ chuge waindibi be asɔrso koko na malɛ kikɛ na nna.

Aizaaya 27:12

Jemanɛ ko bee ba nɛ Enyɛnpe Ebɔrɛ na e yili Lɔrgboŋ nɛ baa tre Yufreetes na n ya fo Ijipt be egbaŋ to na ŋ gama mbe basa abar so fanɛ kananɛ baa beri ayu a chela to a deŋi abar so na.

Jɛremaya 4:27

Nɛ Enyɛnpe Ebɔrɛ na kaŋɛ le: “Kasawule na kikɛ beeŋ mur a dese fuloŋ, ama ma alɛ maaŋ mur kumo cheche.

Ezikɛl 39:29

Ma alɛ maaŋ naaŋ lar Israɛl be basa na kaman kikɛ, ŋkpal manɛ so, meeŋ ta ma kiyoyu n wɔtɔ bumo to. Ma, Enyɛnpetale Ebɔrɛ na e kaŋɛ na.”

Obadaya 1:5

Nɛ beyu ŋko besugepo daŋ ba fo to kanyɛso, ndafanɛ kusɔ nɛ k daa beeŋ nya fo gba maaŋ baa walɛ. B daa beeŋ yuri fo kananɛ baa sha. Beyu baŋ ba kanyɛso, asɔ nɛ baa sha nawule nɛ baa ta. Basa baa chuge greep be asɔrso malɛ, baa kaa yige amo be gbrɛ ko nna a chɔga so, ama fo ere, fo doŋana beeŋ mur fo cheche.

Maika 7:1

Asheŋ malɛ tu ma bre! N du fanɛ esa nɛ akoŋ kɔ nɛ mo alɛ maŋ nya kusɔrso kama kedibisɔrso ŋko kefeelebi so nɛ e chuge n ji nna. B chuge afeelebi be asɔrso nɛ baa tre greeps na nɛ figidibi be asɔrso na kikɛ nyam.

Romebi 11:26

Amoso, Israɛlebi kikɛ beeŋ nya kumɔlga fanɛ kananɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Emɔlgapo na beeŋ shi Zayɔn m ba lara edalubisheŋ kikɛ ashi Jeekɔb be kaman to ebi to.”

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.

Ditɛronɔmi 4:27

Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.

Demujipoana 8:2

Nɛ Gidiɔn kaŋɛ bumo le: “Kusɔ nɛ ma ere wora maŋ fo kusɔ nɛ menyi ere wora so. Kusɔ nɛ menyi, Efrayimebi, wora ere bee bɔlɔ kenishi a chɔ kusɔ nɛ ma kabuna ebi kikɛ wora.