Aizaaya 17:10 - EBƆRƐ BE KAWƆL

¹⁰ Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 17:10 ပူးပေါင်းရင်းမြစ်များ

1 Kronikɛls 16:35

Men kaŋɛ mo le: “Anyi be Ebɔrɛ nɛ anyi be emɔlgapo, mɔlga anyi. Gbegbar anyi abar so nseŋ mɔlga anyi ashi efuli pɔtɛ ana be enɔ to, saŋɛ na so anyeeŋ ta kechɔrɔ n sa fo, nseŋ di fo ketre cheembi ere epaŋ.”

Nshɛ 106:13

Ama k maŋ chɛr ko nɛ b naŋ teŋ kusɔ nɛ e wora so nsaa maŋ naa sɔ mbe kasotoji.

Nshɛ 106:21

B daŋ teŋ Ebɔrɛ nɛ e daŋ wora asheŋgboŋ ashi Ijipt be efuli so m mɔlga bumo na so nna.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 31:2

Nu ma kekule nseŋ mɔlga ma manaŋ. Baa la ma kefaltagboŋ, nɛ kumɔlga be kakpa lempo nɛ mee nya kumɔlga fo kutɔ.

Nshɛ 65:5

An be Ebɔrɛ, fo mɔlga anyi, nɛ fo aworbi nɛ a bee keta kufu na shin nɛ an pin fanɛ fo nu kekule nɛ anyee kule a fin kashenteŋji na. Fo e naa sa durnya ere be basa kikɛ tama, hale bumo nɛ b wɔ teku be kaba nɛ anyi maŋ nyi na kikɛ gba.

Nshɛ 79:9

O Ebɔrɛ nɛ fo la anyi be emɔlgapo, chɛ anyi to! Ŋkpal fo ketre be kemaŋkura so, mɔlga anyi nseŋ ta anyi be alubi m paŋ anyi.

Nshɛ 85:4

O Ebɔrɛ nɛ fo la anyi be emɔlgapo, naŋ bɛta anyi m ba fo kutɔ, nsaa maŋ nya agbo n wɔtɔ anyi!

Nshɛ 9:17

Belubiworapo bee yɔ luwu to nna, nɛ b ya tu efuli pɔtɛana so ebi nɛ b kini fo na.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 17:9

Loŋ be kachɛ na kaŋ fo, baaŋ shile ŋ ka ndegboŋ nɛ b daa kuŋ nɛnɛ na nɛ a ki alambure a dese fanɛ ndegboŋ nɛ Hivi nɛ Amɔ be basa daŋ shile ŋ ka jemanɛ nɛ Israɛl be basa daa kɔ bumo kena nɛ baa shile a mɔlga bumo be amu na.

Aizaaya 18:5

Pɔɛŋ nɛ atoto beeŋ wora ŋ ki asɔrso na, Ebɔrɛ beeŋ shin nɛ a chuge n tɔr saŋɛ nɛ a bel na nseŋ shin nɛ ndibi sɔrso na be ayabiana na malɛ e buri n tɔr to.

Aizaaya 25:4

Betirpo nɛ basa nɛ b maaŋ tiŋ n chɛ bumo be amu to shile m ba buu fo etɔrɔ be jemanɛ nseŋ nya bumo be amu. Fo e kuŋ bumo ashi bɔrɛfugboŋ to nseŋ sa bumo kayul epeŋi nyaŋnyaŋso so. Bedoŋ nɛ b maa wu kuwɔr kre m ba fanɛ gbaŋgbaŋ to be afugboŋ,

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 30:29

Ama menyi, Ebɔrɛ be basa bre be ŋgbene beeŋ fuli menyi nɛ men baa boŋ nshɛ fanɛ kananɛ menyee wora nchɛgboŋ cheembiana be kanyɛso na. Menyi be ŋgbene beeŋ fuli menyi fanɛ basa nɛ b ta nlopi a boŋ nshɛ a yɔ Enyɛnpe Ebɔrɛ nɛ e bee kuŋ Israɛl na be bɔrɛlambu to na.

Aizaaya 33:2

Jande, Enyɛnpe Ebɔrɛ, wu anyi kuwɔr. Fo nɛ an ta anyi be tama n deŋi so. Baa kuŋ anyi karechɛ kama nsaa mɔlga anyi ashi etɔrɔ to.

Aizaaya 44:8

Men sa maa lɔ kufu, ma basa! Men nyi yili dra dra na kikɛ m ba fo mbre, ma e naa kaŋɛ asɔ nɛ e beeŋ baa wora kikɛ; menyi alɛ e la ma eshɛdajipoana. N nawule e la Ebɔrɛ, shɛŋ maŋ naa kɔ eleŋgboŋ fanɛ ma.”

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 62:11

Kusɔ nɛ Enyɛnpe Ebɔrɛ na bee kaŋɛ nsaa sha fanɛ durnya to be basa kikɛ e nu nde: “Kaŋɛ basa nɛ b wɔ Jerusalɛm to fanɛ Enyɛnpe Ebɔrɛ na bee ba nɛ e ba mɔlga bumo. Men keni, basa nɛ e sɔ n yige na nɛ e kɔ a ba.”

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Jɛremaya 2:32

Kejafɔche maaŋ tiŋ n teŋ mbe asɔbuuso nɛ abitasɔ so nseŋ yɔ mbe kejafɔ to. Ama nchɛ damta nɛ men teŋ ma so.

Jɛremaya 3:21

Men nu! Awɔr ko bee wora ashi abee so! Israɛl be basa e naa shu a kule fanɛ n nu bumo be kekule, ŋkpal b ka daŋ luri kebaawɔtɔ lubi to nseŋ daŋ teŋ Enyɛnpe bumo be Ebɔrɛ so so.

Ezikɛl 22:12

Ade kikɛ be kaman, basa na be beko wɔtɔ nna a sɔ amansherbi nsaa mɔ basa, nɛ beko malɛ bee wɔtɔ amansherbi nɛ b ta m paŋ bumo braana Israɛl be basa nchu ga a dii kedama nɛ kumo be loŋ maŋ daga. B teŋ ma, Enyɛnpetale Ebɔrɛ na so nna.

Ezikɛl 23:35

Amoso kusɔ nɛ Enyɛnpetale Ebɔrɛ na bee kaŋɛ fanɛ, Ŋkpal fo ka teŋ ma so nseŋ pal kaman n sa ma so, feeŋ ji awurfoŋ ŋkpal fo kayɛlga lubi be kusɔ jigaya nɛ kesakalea be kebaawɔtɔ na so.”

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Jowɛl 1:17

Asɔduuso malɛ wɔ shishɛr wɔlso to a wu. Asɔduuso kama malɛ maŋ naa wɔtɔ nɛ an ta n yili echefoso. Amoso mpuroana kikɛ yil a jija.

Levitikɔs 26:16

meeŋ gberge menyi kusoe. Meeŋ shin nɛ tɔrɔgboŋ e ba menyi so, fanɛ alɔ nɛ a maŋ kɔ kechɛ nɛ ebeldɛ nɛ a beeŋ shin nɛ men tan nɛ menyi be kebaawɔtɔ e ki jiga. Menyi doŋana e naaŋ ji adɔjibi nɛ menyeeŋ dɔ n duu na.

Levitikɔs 26:20

Menyi maaŋ nya shɛŋ ashi kushuŋ kpakpaso kama nɛ menyeeŋ shuŋ to, ŋkpal manɛ so, menyi be adɔjibi nɛ ndibi sɔrso maaŋ wora kasawule na so.

Eemɔs 5:11

Ŋkpal men ka mɛaŋ betirpo nseŋ suge bumo be adɔjibi so, menyi alɛ gba maaŋ nya elaŋ lela nɛ men ta ajembu m pɔr na n luri to, ŋko n nya men be asɔrso nɛ baa tre greep na be yabra belbelso n nuu.

Habakuk 3:18

ŋ kraa beeŋ shin nɛ ma kagbene e fuli ma, ŋkpal Enyɛnpe Ebɔrɛ na ka la ma emɔlgapo so.

Zefanaiya 1:13

Basa pɔtɛ beeŋ suge bumo be asɔ lela kikɛ nseŋ bure bumo be nwu. B maaŋ nya n chena nwu nɛ bumo gbagba pɔr to ŋko n nya bumo be ndibisɔrso be asɔrso nɛ baa tre greeps na be nsa n nuu.”

Ditɛronɔmi 28:30

Menyi to be eko beeŋ ji eche be kesha nsaa sha keta mo, ama pɔɛŋ nɛ b wora kejafɔ, esa pɔtɛ e naaŋ pur eche na n jija mo. Beko beeŋ pɔr nwu, ama bumo alɛ maaŋ nya n chena amo to. Beko beeŋ dɔ ndibi sɔrso be adɔ, bumo alɛ maaŋ nya amo be asɔrso juŋkparso gba n ji.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Ditɛronɔmi 32:18

B daŋ teŋ bumo be Ebɔrɛ, bumo be Emɔlgapo lempo nɛ e sa bumo ŋkpa na so nna.

Ditɛronɔmi 32:31

Bumo doŋana na baa nyi fanɛ bumo be agbirana maŋ kɔ eleŋ; agbirana na be eleŋ maŋ fo Israɛl be Ebɔrɛ peya so.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Ditɛronɔmi 8:11

Men baa da so nɛ menyi maaŋ teŋ Enyɛnpe Ebɔrɛ na so ŋko n wora mbe mbraana nɛ n ta a sa menyi kabre ere kusoe kpakpaso.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Ditɛronɔmi 8:19

Mee kpele menyi kusoe kabre nna, fanɛ men sa maŋ kaŋ teŋ Enyɛnpe menyi be Ebɔrɛ na so ŋko n ya shuŋ agbir. Nɛ men kaŋ wora loŋ Enyɛnpe Ebɔrɛ na beeŋ mur menyi fanɛ kananɛ e beeŋ mur efuliana nɛ menyeeŋ kɔ kena na.”