Aizaaya 17:1 - EBƆRƐ BE KAWƆL

¹ Kusɔ nɛ Enyɛnpe Ebɔrɛ na kaŋɛ a laŋɛ kadegboŋ nɛ baa tre Damaskɔs na be kaplɛa so nde. E yɛ: “Damaskɔs beeŋ ki kadegboŋ nɛ k bure a dese fanɛ b ka koli asɔ bureso n deŋi abar so na.

Aizaaya 17:1 ပူးပေါင်းရင်းမြစ်များ

Jɛnesis 14:15

Ndoŋ nɛ e ya barga mbe benapo to ntuŋ ntuŋ so nɛ b kɔ bumo doŋana na kena kanyɛso m pɔɔ bumo so cheche nseŋ ju m bɛ bumo so loŋ n ya fo Hobab nɛ k daa wɔ Damaskɔs be kelargato be esoso be kaba so na.

Jɛnesis 15:2

Nɛ Eebram kaŋɛ: “Enyɛnpe lela, ŋ ka baa maŋ kɔ mbia ere, manɛ be kelela nɛ fo kakɔka ere beeŋ wora ma? Damaskɔs be Eliaza ere e naaŋ ji ma kapetɛ na.

1 Bewura 11:24

n ya kaa juŋkpar basa nɛ b maa nu a sa basa na be katuŋ. Rezɔn nɛ mbe basa na daŋ ya chena Damaskɔs nna nɛ b ta mo ŋ ki Siriya be ewura.

2 Bewura 16:9

Tiglaf Pilesa ka nu Ahaz be baru na, nɛ e shin nɛ mbe benapo ya kɔ Damaskɔs kena n sɔ kumo nseŋ mɔ ewura Reezin gba, nseŋ pɛ ndoŋebi n ya ti ebu ashi Kiir.

1 Kronikɛls 18:5

Siriyaebi nɛ b shi Damaskɔs na ka shuŋi benapo fanɛ b ya chɛ Zoba be ewura Hadadeza to ŋ kɔ kena, nɛ ewura Deevid mɔ bumo be basa ŋgboŋ adunyɔ nɛ anyɔ.

2 Kronikɛls 28:23

E daŋ lara esarga nna n sa Siriyaebi nɛ b daŋ kɔ m pɔɔ mo so na be agbirana. Le nɛ e daŋ fɛ: “Siriya be agbirana na a chɛ Siriya be bewura to, amoso nɛ m baŋ lara sarga n sa amo, a beeŋ chɛ ma alɛ gba to.” Aloŋ so nɛ mo nɛ mbe efuli so ebi ji jɛrbi ga na.

2 Kronikɛls 28:5

Ŋkpal ewura Ahaz ka wora kulubi nɛ Juda be basa malɛ kini Enyɛnpe bumo nananyɛnana be Ebɔrɛ na so, Ebɔrɛ shin nna nɛ Siriya be ewura kɔ m pɔɔ mo so nseŋ pɛ Judaebi be basa damta n yɔ kabuti to ashi Damaskɔs. Enyɛnpe Ebɔrɛ na daŋ naŋ shin nna nɛ Israɛl be ewura Pɛka nɛ e la Remaliya pibinyɛn na kɔ m pɔɔ ewura Ahaz so nseŋ mɔ Juda be benapo nɛ b kɔ kenyɛn ga na be ŋgboŋ kalfa nɛ adunyɔ kachɛ koŋwule be epeŋi to.

Aizaaya 10:9

Ma e kɔ m pɔɔ ndegboŋ nɛ baa tre Kalno nɛ Kaakɛmish nɛ Hamaf nɛ Apad so. Ma koŋwule na e kɔ m pɔɔ Samɛria nɛ Damaskɔs so.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 15:1

Kubɔya nɛ k wɔtɔ a laŋɛ efuli nɛ baa tre Mowab na be kaplɛa so nde. Kanyɛ koŋwule nɛ ndegboŋ nɛ baa tre Ar nɛ Kir na mur nɛ kakpa wora shruum ashi Mowab be kasawule so, ŋkpal shɛŋ ka maŋ naa wɔ kumo so so.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 25:2

Fo e shin nɛ ndegboŋana bure ŋ ki alambure nɛ amo be ekuŋkpa lempoana mur. Ewurkpaana nɛ an doŋana pɔr na mur hale mbaanaayɔ.

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Aizaaya 7:16

Ama pɔɛŋ nɛ loŋ be jemanɛ malɛ e fo, bewura anyɔ nɛ fee ŋana na be nsawule beeŋ mur a dese fuloŋ.

Aizaaya 7:8

Ŋkpal manɛ so, Siriya be efuli na maŋ kɔ eleŋ a chɔ kumo be kadegboŋ nɛ baa tre Damaskɔs na, nɛ Damaskɔs malɛ maŋ kɔ eleŋ a chɔ ewura Rezin. Ta a ba nfɛ adeshe nɛ anu be jemanɛ so Israɛl be efuli na bre beeŋ mur a maaŋ naa wɔtɔ gba.

Aizaaya 8:4

pɔɛŋ nɛ kebia na e daŋ m pin ketre, m ma ŋko n tuto na, Asiriya be efuli so be ewura beeŋ ba kɔ n suge kusɔ lela nɛ k kɔ tɔnɔ kikɛ ashi Damaskɔs nɛ Samɛria n yɔ Siriya be efuli so.”

Jɛremaya 49:2

Kachako bee ba nɛ n shin nɛ benapo ko e ba kɔ basa nɛ b wɔ efuli na be kadegboŋ nɛ baa tre Rabba to na kena m mur kumo cheche nseŋ chɔɔ ndekarso na n lɛ. Kumo be kaman nɛ Israɛl be basa e naŋ sɔ bumo be kasawule ashi basa nɛ b daŋ suge kumo na kutɔ.

Maika 1:6

Amoso nɛ Enyɛnpetale Ebɔrɛ na yɛ: Meeŋ shin nɛ Samɛria e ki alambure n deŋi abar so kululu. K beeŋ ki ndibi sɔrso be eduukpa. Meeŋ pesaŋ Samɛria be egbalana be ebirkesi to n lɛ ketaŋɛ to ŋ ka kumo be egbaltɔlaseana nawule n nase nɛ ekama e baa wu amo.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Zakareya 9:1

Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.

Ashuŋ Shunso 9:2

E daŋ yɔ bɔrɛmatapo nimuso kutɔ nna n ya kule mo nwɔl nɛ a beeŋ tiŋ ŋ ŋini Damaskɔs be nshɛrbu to be Juwebi na esa nɛ e la mo. Loŋ na e beeŋ tiŋ m pɛ ndoŋebi be ekama, benyɛn nɛ beche nɛ baa bɛ Enyɛnpe be ekpa na so, n yɔ Jerusalɛm.

Ditɛronɔmi 13:16

Kumo be kaman nɛ men chala basa na be asɔ kikɛ ashi kade na be kelɔnɛ so nseŋ chɔɔ amo nɛ kade na nɛ kusɔ kama nɛ k wɔ kumo to fanɛ sarga n sa Enyɛnpe menyi be Ebɔrɛ na. A daga k dese alambure loŋ nɛ b sa maŋ naŋ lɔŋɛ kumo m pɔr kikɛ hale mbaanaayɔ.