Aizaaya 16:8 - EBƆRƐ BE KAWƆL

⁸ Bumo be adɔ nɛ a mata Hɛshbɔn na nɛ ewaindibi be adɔana nɛ a wɔ Sibma na mur. Loŋ be adɔana na to be afeelebi be asɔrso nɛ b daa ta a wora yabra a sa efuli na so be bewura nɛ baa nu. Jemanɛ ko afeelebi na daŋ salga to loŋ hale n ya fo kadegboŋ nɛ baa tre Jaza, nɛ keshishɛrsawule so ashi epeŋilarkpa be kaba so, nɛ Teku Wuso na be kaba ndoŋ ashi epeŋitɔrkpa be kaba so nna.

Aizaaya 16:8 ပူးပေါင်းရင်းမြစ်များ

2 Samuɛl 1:21

Sa maŋ shin nɛ bɔrɛ ŋko bunyaŋ a ba Gilbɔa be abee so kikɛ. Sa maŋ shin nɛ kumo alɛ be ndɔana e naŋ wora ajibi. Benapo na be abɛlso kuŋso na kikɛ a dese kasawule a gbelti na. Nɛ Sɔɔl be kebɛlso kuŋso na gba ki kusɔ jiga.

Aizaaya 10:7

Ama Asiriya be ewurgboŋ na malɛ daa kɔ mo gbagba be nfɛragboŋ mbe kumu to nna. E daa sha kemur efuli damtaana nna.

Aizaaya 15:4

Basa nɛ b wɔ nde nɛ baa tre Hɛshbɔn nɛ Ɛliale na daa shu awɔrso nna, nɛ esa wɔ kakpa wɔfɔ fanɛ Jahaz gba e daa nu bumo be kushu na. Bumo be esoji gba be kenyɛn kikɛ daŋ lar bumo to nna nɛ baa chicha kufuso.

Aizaaya 16:9

Naniere kananɛ mee shu anishichubi a sa Sibma be afeelebi na nɛ mee shu a sa Jaza gba peya. Ma anishichubi wurge nna ŋkpal shɛŋ ka maŋ naa wɔtɔ nɛ Hɛshbɔn nɛ Eliale be ndeana to ebi e teŋi nɛ bumo be ŋgbene fuli bumo so.

Aizaaya 24:7

Ewaindibi bee wu nna nɛ yabra be asheŋ bee ki kpakpa. Esa kama nɛ mbe kagbene daa fuli mo wɔ kagbenejija to naniere nna.

Jɛremaya 48:32

Ma alɛ beeŋ shu n sa basa nɛ b wɔ kade nɛ baa tre Sibma nseŋ shu a chɔ loŋ n sa basa nɛ b wɔ kade nɛ baa tre Jaza na. Fo, kadegboŋ Sibma du fanɛ kefeelebi nɛ kumo be ayabi salga to n ya fo Teku Wuso na ashi epeŋitɔrkpa be kaba so hale n ya fo Jaza nna. Ama naniere fo asɔrso nɛ baa tre greeps nɛ fee sɔr kechali so na mur.

Nɔmbɛs 21:32

nɛ Mosis shuŋi benyɛn ko fanɛ b ya keni kananɛ baaŋ wora ŋ kɔ kade nɛ baa tre Jeeza na kena. Kumo be kaman nɛ Israɛlebi na ya kɔ kade na kena n sɔ kumo nɛ ndewurbi nɛ a kulti kumo na, nseŋ ju Amɔriebi nɛ b wɔ ndoŋ na.

Nɔmbɛs 32:3

“Enyɛnpe Ebɔrɛ chɛ anyi to nɛ an sɔ Atarɔf nɛ Dibɔn nɛ Jeeza nɛ Nimra nɛ Hishbɔn nɛ Eliale nɛ Sibma nɛ Neebo nɛ Bɛɔn be ndeana be nsawule nɛ a walɛ n sa asɔbɔya be kebela. Anyi alɛ kɔ asɔbɔya ga.

Nɔmbɛs 32:35

Atrɔf Shofan nɛ Jeeza nɛ Jogbeha

Nɔmbɛs 32:38

nɛ Sibma nɛ nde nɛ b daa tre Nebo nɛ Baal Miɔn na. B daŋ nase nde nɛ b pɔr egbal ŋ kulti na atre popɔr nna.

Joshuwa 13:19

nɛ Kiryatayim, nɛ Sibma, nɛ Zerɛf Shaha nɛ k wɔ kebee nɛ k wɔ ketaŋɛ to na.

Joshuwa 13:25

Bumo alɛ be kasawule daŋ yili Jaza nɛ Giliad be kasawule so be ndegboŋ na kikɛ nɛ Ammɔn be kasawule be bargato n ya fo Arowa nɛ k wɔ Raaba be epeŋilarkpa be kaba so na nna.