Aizaaya 16:2 - EBƆRƐ BE KAWƆL

² Mowab be beche nɛ baa dii lɔr nɛ baa tre Aanɔn na du fanɛ mbuibi nɛ b jija bumo be asha to nna.

Aizaaya 16:2 ပူးပေါင်းရင်းမြစ်များ

2 Bewura 3:4

Mowab be efuli so be ewura Mɛsha daa bela mbolpɔ nna, amoso kafɛ kikɛ e daa ka mbolpɔfɔlbi ŋgboŋ kalfa nɛ ekpakpa ŋgboŋ kalfa malɛ be afuibi be lampo nna a sa Israɛl be ewura.

Aŋasa 26:2

Kɔnɔsho nɛ k maŋ bɛ ekpa so maaŋ tiŋ m pɛ esa. K du nna fanɛ mbuibi ka firgi a choŋ na.

Aŋasa 27:8

Esa baŋ lar laŋ to, e du nna fanɛ kabuibi ka lar kesha to na.

Aizaaya 13:14

Kumo be kaman nɛ befɔ nɛ b wɔ Babilɔn be kadegboŋ to na e shile n yɔ bumo peana be nsawule so, n ya pesaŋ to n sɔ kaplɛkama fanɛ echibir ka wu ekpampo nsaa shile na ŋko fanɛ mbolpɔ nɛ a maŋ kɔ ekpapo na.

Jɛremaya 48:20

Baaŋ kaŋɛ menyi le: “Mowabebi kɔ kena n tɔr nna! Men shu n sa bumo. B ji anishinyɔr. Men ber kumo be kebomboŋ ashi Aanɔn be Lɔr na be ekarso, fanɛ Mowab be efuli na mur!

Jɛremaya 48:46

Asheŋ maaŋ nyalɛ n sa menyi, Mowab be basa! Men shuŋ menyi be kegbir Chemɔsh na, ama naniere menyi e mur nɛ b pɛ menyi be mbia malɛ katinso n yɔ efuli pɔtɛ wɔfɔ so na.

Jɛremaya 48:9

Men chulgi nfɔl n wurge Mowab be kasawule so nɛ kasawule na e ki kasawule wuso nsaa maaŋ naŋ tiŋ n wora adɔjibi; kumo be ndeana gba beeŋ ki nde fuloŋ a dese, nɛ esa kikɛ maaŋ naa wɔ amo to.

Nɔmbɛs 21:29

Asheŋ maaŋ nyalɛ n sa menyi Mowabebi! Chemɔsh be kegbir nɛ menyee shuŋ na mur cheche! Men be kegbir na shin nɛ men be benyɛn shile kena n yɔ efuli pɔtɛ so. Nɛ beche na malɛ ki basa nɛ Amɔriebi be bewura pɛ kena to.

Ditɛronɔmi 2:36

Enyɛnpe anyi be Ebɔrɛ na daŋ shin nɛ an yili kade nɛ baa tre Arowa nɛ k wɔ Aanɔn be ketaŋɛ be ekarso na nɛ kadegboŋ nɛ k wɔ ketaŋɛ na to na nna ŋ kɔ n sɔ kasawule na kikɛ hale n ya fo Giliad be egbaŋ to. Ndeana na be kekama be egbalana be kebure daŋ maŋ du anyi so kpakpa.

Ditɛronɔmi 3:12

An ka sɔ kasawule na n loge na, nɛ n chige kumo be kaba nɛ k dese kade nɛ baa tre Arowa be kelargato be esoso be kaba so nɛ k mata Aanɔn be lɔr na ase na nɛ Giliad be kepreŋsawule na be kaba, n ta kumo so be ndeana n ti so n sa Ruben nɛ Gad be eyiri to ebi.

Ditɛronɔmi 3:8

“Kasawule nɛ k dese Lɔr nɛ baa tre Jɔɔdan na be epeŋilarkpa be kaba so na nɛ an daŋ suge ashi Amɔriebi be bewura anyɔ na kutɔ. Bumo be nsawule daŋ yili lɔr nɛ baa tre Aanɔn nɛ k wɔ kelargato be kaseto na nna n ya fo kebeegboŋ nɛ baa tre Hɛɛmɔn nɛ k wɔ kelargato be esoso na ase na nna.

Joshuwa 13:16

Bumo be kasawule na dese n ya fo Arowa nɛ k wɔ Aanɔn be ketaŋɛ be kɔnɔ na, nɛ kade nɛ k wɔ ketaŋɛ na be kefɛato na hale n ya fo kedeŋiso be kasawule nɛ k dese Mɛdiba na,

Demujipoana 11:18

Kumo be kaman nɛ b koso m bɔla keshishɛrsawule na so ŋ gelge Edɔm nɛ Mowab be nsawule hale n ta n ya lar Aanɔn be lɔr be kaba ndoŋ a laŋɛ Mowab be epeŋilarkpa be kaba so. B daŋ maŋ luri Mowab be kasawule so, ŋkpal manɛ so, Aanɔn be lɔr na e la kumo be egbaŋ to.