Aizaaya 15:3 - EBƆRƐ BE KAWƆL

³ Basa nɛ b daa nite agbembi so na daŋ buu nli be asɔbuuso a ŋini bumo be ŋgbenejija nna, nɛ beko malɛ daa wɔ achoŋi nɛ alɔnɛ so a shu.

Aizaaya 15:3 ပူးပေါင်းရင်းမြစ်များ

2 Samuɛl 3:31

Ndoŋ nna nɛ Deevid ponte ŋ kaŋɛ Jɔab nɛ mbe basa fanɛ b kpɛa bumo be asɔbuuso to, nseŋ ta kagbenejijaso be asɔbuuso m buu n shu Abna be keeli. Ewura Deevid gbagba e daŋ wora Abna be keeli.

2 Bewura 6:30

Ewura na ka nu baru ere nɛ e kpɛa mbe asɔbuuso to kagbenejijaso nɛ basa nɛ b wɔ egbal na be kaseto na wu e ka buu kagbenejijaso be asɔbuuso mbe epiŋi nɛ e buu na be kaseto.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Aizaaya 3:24

Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Nfabel 2:10

Jerusalɛm be benimuana na daŋ buu nli be asɔbuuso a tase kasawule a maŋ naa kɔ shɛŋ nɛ b kaŋɛ abar, nseŋ wora eshishɛr ŋ gbiti bumo be amu to a ŋini bumo be kagbenejija nna. Nɛ bechefɔlbi na malɛ chena ŋ kurgi amu n yuu to a keni kasawule.

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Ditɛronɔmi 22:8

Nɛ fanɛ fo pɔr kowu popɔr, a daga fanɛ fo pɔr egbalshin kumo be kuchoŋi na so ŋ kulti, saŋɛ na so esa maaŋ shi kumo so n tɔr to n wu nɛ kumo be kulubi e bɛ fo.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.

1 Samuɛl 5:12

Achuubɔbɔ daŋ pɛ kade na to be basa kikɛ nna ama bumo be bumo nɛ achuubɔbɔ na daa maŋ mɔ na daa shu a tre bumo be agbirana nna fanɛ a ba mɔlga bumo.