Aizaaya 15:2 - EBƆRƐ BE KAWƆL

² Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 15:2 ပူးပေါင်းရင်းမြစ်များ

2 Samuɛl 10:4

Ndoŋ nna nɛ Hanuun pɛ Deevid be mbɔ na n she bumo be ntɔl be mba nseŋ naŋ ku bumo be epiŋi malɛ be aya ase n ya fo bumo be nshɛr to a ŋini fanɛ b sipa bumo alegaiso nseŋ yige bumo nɛ b choŋ.

1 Kronikɛls 19:4

Ndoŋ nna nɛ Hanuun shin nɛ b pɛ Deevid be mbɔ na n she bumo be ntɔl nseŋ ku bumo be epiŋi be aya ase n ya fo bumo be nshɛr to nseŋ yige bumo nɛ b choŋ.

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Aizaaya 14:31

Menyi nɛ men wɔ Filisti be ndegboŋ to na e boŋ to n shu n fin kechɛto! Men kikɛ e baa chicha kufuso! Ŋkpal manɛ so, kalabɛr gboŋgboŋi nɛ k du fanɛ kuwɔlpa shi kelargato be esoso a ba. K yili n sa benapo nɛ efupo kikɛ maŋ wɔ bumo to nna.

Aizaaya 15:3

Basa nɛ b daa nite agbembi so na daŋ buu nli be asɔbuuso a ŋini bumo be ŋgbenejija nna, nɛ beko malɛ daa wɔ achoŋi nɛ alɔnɛ so a shu.

Aizaaya 16:12

Mowab be basa bee gben jiga nna a yɔ bumo be agbir to ashi abee so nɛ agbirlambuana to n ya ka shuŋ amo. Tɔnɔ kikɛ maaŋ lar kumo to.

Aizaaya 16:7

Mowab be basa ere beeŋ shu anishichubi ŋkpal bumo be etɔrɔ nɛ a beeŋ tu bumo so. B kaŋ nyiŋi ajibi nɛ b daa ji ashi kadegboŋ nɛ baa tre Kir Hɛrɛs na, baaŋ shu anishichubi nɛ k wora bumo fanɛ tama kikɛ loge a laŋɛ bumo be kaplɛa so.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 3:24

Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Jɛremaya 3:21

Men nu! Awɔr ko bee wora ashi abee so! Israɛl be basa e naa shu a kule fanɛ n nu bumo be kekule, ŋkpal b ka daŋ luri kebaawɔtɔ lubi to nseŋ daŋ teŋ Enyɛnpe bumo be Ebɔrɛ so so.

Jɛremaya 47:2

E yɛ: “Keni! Nchu bee bɔlɔ a dii kelargato be esoso; amo alɛ beeŋ ba fanɛ lɔr ka bɔlɔ n dii apla na. Nchu na beeŋ ba buu kasawule nɛ kusɔ kama so, a beeŋ buu ndegboŋana nɛ basa nɛ b wɔ amo to kikɛ so. Edimɛdi beeŋ boŋ to a shu a fin kechɛto nɛ durnya to be basa kikɛ e shu kenishipereso ga.

Jɛremaya 47:5

Kebɔltofinfin damta tɔr basa nɛ b wɔ Gaaza na so, nɛ kɔnɔ mɔ basa nɛ b wɔ Ashkɛlɔn na, nɛ b wora shruum. Nchɛ afanɛ nɛ basa nɛ b wɔ Filisti be mboŋ nɛ a ka na beeŋ chena a wora fanɛ b ka bee shu keeli na?

Jɛremaya 48:1

Kusɔ nɛ Enyɛnpetale, Israɛl be Ebɔrɛ na kaŋɛ a laŋɛ efuli nɛ baa tre Mowab na be kaplɛa so nde: “Asheŋ maaŋ nyalɛ n sa kade nɛ baa tre Nebo na; ŋkpal manɛ so, k beeŋ mur cheche. Bedoŋ beeŋ kɔ n suge Kiriataim, kumo be mboŋ lempoana beeŋ bure n tɔr nɛ kumo be basa e ji anishinyɔr.

Jɛremaya 48:18

Menyi bumo nɛ men yɔ kade nɛ baa tre Dibɔn na e gbelge menyi be kemaŋkura so m ba chena kasawule eshishɛrpumpuŋ to; ŋkpal manɛ so, emo nɛ e beeŋ mur Mowab na ba nɛ e ba mur menyi be ndegboŋ lempoana na cheche.

Jɛremaya 48:31

Amoso meeŋ shu anishichubi n sa ekama nɛ e wɔ Mowab be efuli so nɛ basa nɛ b wɔ kade nɛ baa tre Kir Hɛrɛs to na.

Jɛremaya 48:35

Meeŋ shin nɛ Mowab be basa e yige kebaalara esarga nsaa chɔɔ eduwu ashi bumo be agbirase a sa bumo be agbirana. Ma, Enyɛnpe Ebɔrɛ e kaŋɛ na.

Jɛremaya 49:3

Menyi basa nɛ men wɔ Hɛshbɔn be kade to na beeŋ shu awɔrso. Kade nɛ baa tre Ai na beeŋ mur! Rabba be beche, menyeeŋ ta nli be asɔbuuso m buu a shu keeli! Ekama beeŋ wulto a shile a kulti kaplɛkama. Baaŋ ta menyi be kegbir, Mɔlɛk nseŋ pɛ agbirwuraana nɛ kegbir ase be benimuana na tintiŋ so n yɔ efuli pɔtɛ wɔfɔ so.

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Ezikɛl 27:31

Bumo alɛ beeŋ she bumo be amu ŋkpal fo so, nseŋ buu kagbenejijaso be asɔbuuso a ŋini bumo be kagbenejija. Baaŋ ta kagbenejija damta n shu ga ŋkpal fo so

Ezikɛl 30:2

“Dimɛdi pibi, Ezikɛl, kaŋɛ kusɔ nɛ ma Enyɛnpetale Ebɔrɛ na bee malga ere. A daga fanɛ fo kaŋɛ amo awɔrso fanɛ Kachɛ lubi lubi bee ba!

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Levitikɔs 13:40

Nɛ enyɛn be kakuraman ŋko kasɔto be emin kpra, kumo loŋ maa shin nɛ e bee ki esa nɛ e maŋ walɛ so. E walɛ so daŋkare be ekpa so nna.

Levitikɔs 21:5

Bɔrɛmatapo maŋ daga fanɛ e she mbe kumu ŋko n digi mbe katɔl so ŋko ŋ ku mbe eyur be kaplɛkama a ŋini fanɛ e bee shu keeli nna.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Nɔmbɛs 21:28

Sihɔn be benapo daa kɔ kena nna fanɛ edɛ ka bee chɔɔ a ba na. B daŋ mur Mowab be kade nɛ baa tre Ar na nna nseŋ jija bumo be abee ase be nsawule nɛ a wɔ Aanɔn be lɔrkar na kikɛ cheche.

Nɔmbɛs 21:30

An pɔɔ Mowabebi kikɛ so. An yili Hishbɔn m mur bumo be nde kikɛ n ya fo Dibɔn nseŋ yili Nashim m mur amo n ya fo Noofa nɛ k mata Mɛdiba na.”

Nɔmbɛs 32:3

“Enyɛnpe Ebɔrɛ chɛ anyi to nɛ an sɔ Atarɔf nɛ Dibɔn nɛ Jeeza nɛ Nimra nɛ Hishbɔn nɛ Eliale nɛ Sibma nɛ Neebo nɛ Bɛɔn be ndeana be nsawule nɛ a walɛ n sa asɔbɔya be kebela. Anyi alɛ kɔ asɔbɔya ga.

Nɔmbɛs 32:38

nɛ Sibma nɛ nde nɛ b daa tre Nebo nɛ Baal Miɔn na. B daŋ nase nde nɛ b pɔr egbal ŋ kulti na atre popɔr nna.

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Ditɛronɔmi 34:1

Ade kikɛ be kaman nɛ Mosis shi Mowab be kasawule so n dii n yɔ kebeegboŋ nɛ baa tre Pisga nɛ k wɔ kade nɛ baa tre Jɛriko na be epeŋilarkpa be kaba so na be awɔlto nɛ Enyɛnpe Ebɔrɛ na ŋini mo kananɛ Giliad be yiri be kasawule dese n ya fo Dan be yiri be kasawule kikɛ ashi kelargato be esoso be kaba so.