Aizaaya 15:1 - EBƆRƐ BE KAWƆL

¹ Kubɔya nɛ k wɔtɔ a laŋɛ efuli nɛ baa tre Mowab na be kaplɛa so nde. Kanyɛ koŋwule nɛ ndegboŋ nɛ baa tre Ar nɛ Kir na mur nɛ kakpa wora shruum ashi Mowab be kasawule so, ŋkpal shɛŋ ka maŋ naa wɔ kumo so so.

Aizaaya 15:1 ပူးပေါင်းရင်းမြစ်များ

2 Bewura 3:25

nseŋ jija bumo be ndegboŋana na kikɛ. B daŋ ti Mowabebi na be abuye kikɛ nna nseŋ kuya bumo be ndibi sɔrso kikɛ n lɛ, nseŋ muu ajembu n lɛ bumo be nsawule lela so nɛ ajembu sɔ amo kikɛ so n jija amo. Bumo be kadegboŋ nɛ baa tre Kir Herɛs na nawule e daŋ ka, nɛ basa nɛ b kɔ atababu a kɔ kena ta bumo be atababu n ya kulti kumo n wɔtɔ ŋ kɔ kumo kena.

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 14:28

Kafɛ nɛ Ewura Ahaz wu na nɛ kubɔya ere shi Enyɛnpe Ebɔrɛ na kutɔ m ba:

Aizaaya 16:11

Ebesa bee ji ma nna ashi ma kagbene to nɛ mee shu a sa Mowab nɛ Kir Hɛrɛs.

Aizaaya 16:6

Ndoŋ nna nɛ Juda be basa na kaŋɛ: “An nu fanɛ Mowab be basa bee wu bumo be amu nna. An nyi fanɛ b la basa nɛ b kpeŋ nsaa keni basa jiga nna, ama mpuchi fuloŋ nɛ b kɔ.”

Aizaaya 16:7

Mowab be basa ere beeŋ shu anishichubi ŋkpal bumo be etɔrɔ nɛ a beeŋ tu bumo so. B kaŋ nyiŋi ajibi nɛ b daa ji ashi kadegboŋ nɛ baa tre Kir Hɛrɛs na, baaŋ shu anishichubi nɛ k wora bumo fanɛ tama kikɛ loge a laŋɛ bumo be kaplɛa so.

Aizaaya 25:10

Enyɛnpe Ebɔrɛ na e naŋ kuŋ Zayɔn be kebee ere, ama e beeŋ chichi efuli nɛ baa tre Mowab na be basa so fanɛ ana ka chichi atuweklaŋ so n wɔtɔ depɔ to na.

Aizaaya 25:12

E beeŋ shin nɛ Mowabebi na be kumɔlga be kakpa lempoana be egbal jeŋgreŋana e bure n tɔr ŋ ki fanɛ eshishɛr.

Nɔmbɛs 21:28

Sihɔn be benapo daa kɔ kena nna fanɛ edɛ ka bee chɔɔ a ba na. B daŋ mur Mowab be kade nɛ baa tre Ar na nna nseŋ jija bumo be abee ase be nsawule nɛ a wɔ Aanɔn be lɔrkar na kikɛ cheche.

Ditɛronɔmi 2:18

“Kabre, menyi beeŋ bɔla ekpa nɛ k bee yɔ Ar be kade to na so m ya baŋɛ n sɔ Mowab be efuli so n ya bɔla kumo be kelargato be esoso be egbaŋ to n choŋ.

Ditɛronɔmi 2:19

Menyeeŋ taga Ammɔnebi nɛ b la Lɔt be kaman to ebi na be kasawule to, ama men sa maŋ kaŋ tɔrɔ bumo ŋko n fara kena nɛ bumo; ŋkpal manɛ so, m maaŋ ta kasawule nɛ n ta n sa bumo na be kaba kama n sa menyi.”

Ditɛronɔmi 2:9

Ndoŋ nna nɛ Enyɛnpe Ebɔrɛ na kaŋɛ ma le: “Men sa maŋ kaŋ tɔrɔ Mowab be basa nɛ b la Lɔt be kaman to ebi na ŋko n fara kena nɛ bumo. N teŋ ta kadegboŋ nɛ baa tre Ar na nna n sa bumo, ma alɛ maaŋ ta bumo be kasawule be kaba kama n sa menyi.”