Aizaaya 14:7 - EBƆRƐ BE KAWƆL

⁷ Naniere durnya na kikɛ nya ewushi nɛ kayurwushi, nɛ ekama bee boŋ nshɛ kagbene fuli so.

Aizaaya 14:7 ပူးပေါင်းရင်းမြစ်များ

Nshɛ 47:1

Menyi efuliana na be basa kikɛ e kpla enɔ, nseŋ ponte kagbenefuliso n di Ebɔrɛ epaŋ.

Nshɛ 98:1

Men boŋ kashɛ popɔr n sa Enyɛnpe Ebɔrɛ na! Mo e ta mbe enɔ lempo cheembi na n wora emamachisheŋ ŋ kɔ m pɔɔ so na.

Aŋasa 11:10

Beshenteŋjipo baŋ dii dama, bumo be kade to ebi kikɛ be ŋgbene bee fuli bumo nna. Alubiworapo malɛ baŋ wu mbe kade to ebi be ŋgbene bee fuli bumo nna.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Jɛremaya 51:48

Saŋɛ na so nɛ kusɔ kama nɛ k wɔ ebɔrɛso nɛ kasawule so kikɛ beeŋ wora awɔr kagbenefuliso, ŋkpal bedoŋ ka beeŋ shi kelargato be esoso be kaba so m ba kɔ Babilɔn m mur kumo so.

Ezikɛl 35:14

Ade kikɛ be kaman, nɛ Enyɛnpe Ebɔrɛ na kaŋɛ: “Meeŋ shin nɛ men mur cheche a maaŋ naa la shɛŋ nɛ durnya kikɛ e ji eyur ŋkpal loŋ so,

Zakareya 1:11

Kumo be kaman nɛ egbaŋɛdiipo na ba kaŋɛ malaika nɛ e yil ndibi na be afito na le: “An nite ŋ kulti durnya kikɛ nseŋ wu fanɛ kakpa kikɛ wora shruum nna a dese kagbenewushi so.”

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”