Aizaaya 14:4 - EBƆRƐ BE KAWƆL

⁴ E kaŋ wora loŋ n loge nɛ bumo alɛ e wora Babilɔn be efuli so be ewura eyur to nseŋ kaŋɛ le: “Ewura nyaŋnyaŋso na e tɔr na! E maaŋ naŋ tiŋ ŋ kɔrfɛ esa kikɛ!”

Aizaaya 14:4 ပူးပေါင်းရင်းမြစ်များ

2 Kronikɛls 36:18

Ewura Nebukadneeza daŋ ta bɔrɛlambu na to be amansherbi nɛ kumo to be asɔ nɛ a ka kikɛ nna n ta ewura na nɛ mbe benimuana be amansherbi kikɛ n ti so m bɛta n yɔ Babilɔn.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 13:19

Babilɔn be kadegboŋ na e walɛ nsaa kɔ eleŋ a chɔ kadegboŋ kama. Kumo be basa bee puchi kumo so nna, ama ma, Enyɛnpe Ebɔrɛ na beeŋ mur kumo fanɛ kananɛ m mur ndegboŋ nɛ b daa tre Sodɔm nɛ Gomɔra na!

Aizaaya 14:17

Kanyɛn nɛ e mur ndegboŋ nseŋ shin nɛ durnya ki fanɛ kiyitokpaŋ na nde a? Mo e daŋ kini keshin nɛ basa nɛ b pɛ kena to na e nya ekpa n yɔ bumo peana na a?”

Aizaaya 14:5

Enyɛnpe Ebɔrɛ na shin nɛ bewura lubiana nɛ baa nya agbo ga a kɔrfɛ basa nsaa tɔrɔ efuliana nɛ b kɔ m pɔɔ so na be eleŋgboŋana fo ekar.

Aizaaya 16:4

Men shin nɛ an chena menyi be kasawule so nɛ men baa kuŋ anyi ashi basa nɛ baa sha kemur anyi na kutɔ.” Mowabebi, men doŋana nɛ b maa wu kuwɔr nsaa kɔrfɛ menyi na maaŋ naa wɔtɔ. B maaŋ naaŋ kɔ menyi m mur menyi be efuli.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 47:5

Ade be kaman nɛ Enyɛnpe Ebɔrɛ naŋ kaŋɛ Babilɔn be basa na le: “Men wora shruum nseŋ chena tentembiri to; efuliana na maaŋ naŋ kaŋɛ fanɛ menyi e la ewurche ashi durnya to be ndegboŋ kikɛ to.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 51:13

Men teŋ Enyɛnpe Ebɔrɛ nɛ e to menyi nseŋ to esoso nɛ kasawule kikɛ na so nna a? Nɛ manɛ nna nɛ menyee ŋana kufu ŋkpal basa nɛ baa kɔrfɛ menyi nsaa sha kemur menyi agbo so na? Bumo be kanya agbo maaŋ tiŋ n wora menyi shɛŋ.

Aizaaya 51:23

Ama meeŋ shin nɛ kasogberge na e ba basa nɛ b kɔrfɛ menyi nseŋ shin nɛ men dese agbembi so, nɛ baa chichi menyi so fanɛ shishɛr na so.”

Aizaaya 54:14

Fo basa be kewora kusɔ nɛ k daga nɛ bumo be kewora asheŋ nɛ amo be ekpa so beeŋ shin nɛ fo baa kɔ eleŋ. Ma alɛ beeŋ lara bumo be kafɔŋ kikɛ ashi fo to, nɛ a maa naŋ taga fo to gba kuraa.

Aizaaya 9:4

Ŋkpal manɛ so, fo e pɔɔ basa nɛ b ta fo basa ŋ ki anya a kɔrfɛ bumo ŋkpal eleŋ nɛ b kɔ so na so. Fo e kɔ n sɔ bumo fanɛ kananɛ dra na fo mɔlga fo basa ashi Midian be efuli so be benapo be enɔ to na.

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 48:17

nɛ menyi efuliana nɛ men taga Mowab be efuli so to na, nɛ menyi kikɛ nɛ men nyi kananɛ k daa du na e shu n sa kumo. Menyeeŋ kaŋɛ le: ‘Kumo be eleŋgboŋ nɛ k kɔ a ji kuwura na nɛ kumo be kemaŋkura nɛ yuku na kikɛ maŋ naa wɔtɔ.’ ”

Nfabel 4:1

Anyi be shuwa nɛ k bee nyɛkpɛ ga na kreŋ so nɛ ajembu nɛ b ta m pɔr bɔrɛlambu na pesaŋ to a dese agbembi so.

Ezikɛl 5:15

Menyeeŋ ki kemɔmɔshia nɛ katege be kusɔ nsaa la kefiɛso n sa efuliana nɛ a kulti menyi na nɛ menyi be asheŋ a chinchiŋ bumo.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Habakuk 2:17

Men ku Lebanɔn be kupo to be ndibi n lɛ, naniere baaŋ ku menyi alɛ gba n lɛ. Men mɔ kumo to be asɔbɔya kikɛ nɛ naniere asɔbɔya bee funti menyi. Ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so nɛ asheŋ ere beeŋ ba menyi so.

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.

Kelaraŋŋini 18:16

Baaŋ boŋ to ŋ kaŋɛ le: “O kadegboŋ, asheŋ nya fo, asheŋ nya fo, fo nɛ fo daa buu asɔ fuful lela nɛ jilmaso be ewajɛ peper kpaw nɛ ewajɛ peper kunɔkunɔ nseŋ daŋ ta eshuwa nɛ ajembubi lela nɛ amo be yawu du kpakpa na nɛ abitasɔ a mea fo eyur kikɛ so na, ama keni, awa koŋwule to nɛ loŋ be dama damta na kikɛ mur na.”

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”