Aizaaya 14:1 - EBƆRƐ BE KAWƆL

¹ Enyɛnpe Ebɔrɛ na beeŋ naaŋ wu mbe basa Israɛlebi nɛ e lara n sa mbe kumu na kuwɔr. E beeŋ shin nɛ b bɛta bumo m ba bumo gbagba be kasawule so, nɛ befɔ e tu bumo n chena ndoŋ fanɛ bumo alɛ gba ka la Israɛlebi na.

Aizaaya 14:1 ပူးပေါင်းရင်းမြစ်များ

Ɛsta 8:17

Efuli kama nɛ kade kama to nɛ ewura na be mbra na yɔ, Juwebi nɛ b wɔ ndoŋ be ŋgbene bee fuli bumo nna ga nɛ baa ji eyur nsaa wora kejigboŋ. Ŋkpal loŋ so basa damta daŋ ta bumo be amu nna ŋ ki Juwebi ŋkpal b ka bee ŋana Juwebi na so so.

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 102:14

Anyi fo anya bee sha kejembu kama nɛ k wɔ kadegboŋ na to nna; amoso kumo be kebure a dese loŋ na shin nɛ kagbenejija tɔr anyi so ga.

Nshɛ 143:12

Ŋkpal fo kasha nɛ k maa loge nɛ fo kɔ n sa ma so, mɔ ma doŋana kikɛ nseŋ mur bekama nɛ baa kɔrfɛ ma na; ŋkpal manɛ so, n la fo kayɛrbi nna.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Aizaaya 19:18

Loŋ be jemanɛ na kaŋ fo basa beeŋ baa gbar Hibruw be ŋgbar ashi Ijipt be efuli so be ndegboŋ anu to. Basa na beeŋ baa bɔ ntaŋ ashi Enyɛnpetale Ebɔrɛ na be ketre to. Ndegboŋ na be kuko be ketre e naŋ baa la Epeŋi be Kadegboŋ.

Aizaaya 21:1

Kubɔya nɛ k wɔtɔ a laŋɛ Babilɔn be efuli so be kaplɛa so na nde. Kananɛ kawuliwuli bee koso kiyi to a choŋ na nɛ kumulubi gboŋgboŋi nɛ k bee bar kemur na beeŋ shi efuli nɛ kumo be asheŋ kɔ kufugboŋ na so m ba.

Aizaaya 27:6

Kachako bee ba nɛ Israɛl be basa nɛ b la Jeekɔb be kaman to ebi na e mur achin fanɛ kedibi nɛ k purge nseŋ wora atoto na. Saŋɛ na so bumo be asɔrso beeŋ chase durnya be kaplɛkama.

Aizaaya 41:8

Israɛlebi, men la ma nyɛrbi nna. Ma e lara menyi. Menyi nɛ men la nteri Eebraham be kaman to ebi na nɛ n lara.

Aizaaya 41:9

Durnya be mboŋ wɔfɔ kikɛ nɛ n shi ŋ keta menyi m ba, nseŋ kaŋɛ menyi le: ‘Men la ma nyɛrbi nna.’ M maŋ kini menyi n lɛ.

Aizaaya 44:1

Ade be kaman nɛ Enyɛnpe Ebɔrɛ na kaŋɛ le: “Israɛl be basa, ma e lara menyi fanɛ ma nyɛrbi.

Aizaaya 45:14

Kede be kaman nɛ Enyɛnpe Ebɔrɛ na naŋ kaŋɛ Israɛlebi na le: “Ijipt nɛ Itiopia be efuliana so be kedamaya beeŋ ki menyeya, nɛ Seba be efuli so be basa tenteŋ na e ki menyi be anya. Menyi beeŋ chɛ bumo ŋgbɛlɛbi ŋ gberge bumo m bɛ menyi be amu so. Baaŋ jɔŋɛ menyi ase nseŋ kaŋɛ le: ‘Ebɔrɛ wɔ menyi kutɔ, mo alɛ nawule e la Ebɔrɛ.’

Aizaaya 47:1

Enyɛnpe Ebɔrɛ na yɛ: “Babilɔn be kadegboŋ be basa, men yige eleŋgboŋ nɛ men kɔ durnya to na kikɛ to, nseŋ gbelge m ba chena kasawule eshishɛrpumpuŋ to fanɛ mbia. Jemanɛ ko menyi be kadegboŋ daa du fanɛ eche nɛ e maŋ nyi enyɛn nna, nseŋ daa la kadegboŋ nɛ ekama daa maŋ naŋ kɔ m pɔɔ so kikɛ. Menyi alɛ daa nya kusɔ kama nɛ menyee sha kanaŋkamaso nna. Ama asheŋ beeŋ chɛrga n sa menyi naniere!

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 49:15

Ndoŋ nna nɛ Enyɛnpe Ebɔrɛ na kaŋɛ le: “Eche kurgepo beeŋ tiŋ n teŋ kebia nɛ mo gbagba sa mo kenyipo so a? Nɛ ebinio beeŋ tiŋ n teŋ mo kebia so gba, ma ere maaŋ teŋ menyi so kikɛ.

Aizaaya 49:25

Ama Enyɛnpe Ebɔrɛ nase kɔnɔ fanɛ e beeŋ kɔ n sa anyi nseŋ sɔ anyi be mbia n yige ashi an doŋana nɛ baa suge basa be asɔ eleŋso be enɔ to.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 54:3

Fo nɛ fo kaman to ebi beeŋ sɔ efuli pɔtɛana be nsawule ŋ ki menyeya; nseŋ pɔr n chena bumo be nde nɛ e bure a dese naniere na to.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Aizaaya 56:3

Efɔ kama nɛ e ba tu Enyɛnpe Ebɔrɛ na be basa a wɔtɔ e sa maŋ kaŋ kaŋɛ fanɛ: “Enyɛnpe Ebɔrɛ na maaŋ shuli nɛ n tu mbe basa a shuŋ mo.” Enyɛn kama nɛ b lara mbe awulbi be bibi e sa maŋ kaa fɛ fanɛ e ka maaŋ tiŋ ŋ kurge bibi so, mo ere maaŋ tiŋ n ti Ebɔrɛ be basa so.

Aizaaya 60:10

Kumo be kaman nɛ Enyɛnpe Ebɔrɛ kaŋɛ Jerusalɛmebi le: “Befɔ e naaŋ lɔŋɛ menyi be kadegboŋ be egbalana m pɔr, nɛ bumo be bewura e shuŋ menyi be basa. N daŋ nya agbo nna ŋ gberge menyi be basa kusoe, ama naniere meeŋ shu menyi so nseŋ wu menyi kuwɔr.

Aizaaya 60:14

Kumo be kaman, men doŋana be kaman to ebi beeŋ baa jɔŋɛ menyi ase a sa menyi bunyaŋ. Bekama nɛ b daa keni menyi jiga beeŋ fara a bunyaŋ menyi, nsaa tre menyi be kadegboŋ na Enyɛnpe Ebɔrɛ na be Kadegboŋ; ŋko Zayɔn, Israɛl be Ebɔrɛ cheembi na be Kadegboŋ.

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Jɛremaya 16:15

Ama baaŋ baa bɔ ntaŋ a kaŋɛ fanɛ ma, Ebɔrɛ nɛ e bee sa ŋkpa e lara Israɛl be basa ashi kelargato be esoso be kaba so be efuli ko so nɛ efuli pɔtɛana nɛ n daŋ tintiŋ bumo n yɔ na so. Ma alɛ beeŋ naŋ bɛta bumo m ba bumo gbagba be efuli nɛ n daŋ ta n sa bumo nananyɛnana na so. Ma, Enyɛnpe Ebɔrɛ e kaŋɛ na.”

Jɛremaya 29:14

Kashenteŋ nɛ mee kaŋɛ na fanɛ menyeeŋ fin ma nseŋ wu ma nɛ ma alɛ e bɛta menyi m ba menyi be kasawule so. Meeŋ chala menyi abar so ashi efuli kama nɛ kaplɛkama nɛ men pesaŋ to n yɔ na, nseŋ bɛta menyi m ba kasawule nɛ n daŋ shin nɛ b pɛ menyi anya kumo so n yɔ efuli pɔtɛ so na so. Ma, Enyɛnpe Ebɔrɛ e kaŋɛ na.”

Jɛremaya 30:8

Kumo be kaman nɛ Enyɛnpetale Ebɔrɛ na kaŋɛ le: “Jemanɛ na kaŋ fo, meeŋ buri kubɔ to be kebarga nɛ k deŋ menyi be abɔ so na to nseŋ tuge ŋgbɛlɛbi nɛ a chɛ men be mbre nɛ aya kikɛ na, saŋɛ na so menyi maaŋ naa la anya n sa efuli pɔtɛana so be basa.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Jɛremaya 50:33

Kede be kaman nɛ Enyɛnpe Ebɔrɛ na naŋ kaŋɛ le: “Israɛl nɛ Juda be basa kikɛ ji awurfoŋ nna ga. Bekama nɛ b daŋ pɔɔ bumo so nseŋ pɛ bumo tintiŋso na bee kuŋ bumo nna a maa sha kesa bumo ekpa nɛ b bɛta n yɔ bumo gbagba be efuli so.

Jɛremaya 51:51

Anishinyɔr nɛ nyɔmɔ kɔ menyi nna ŋkpal befɔ ka luri ma bɔrɛlambu be mboŋ cheembi to so ashi Jerusalɛm.

Ezikɛl 16:60

Ama ma ere beeŋ wora m bɔlɔ kɔnɔkoŋwule be ŋkre nɛ ma nɛ fo kre fo kebia to kikɛ na so nseŋ naŋ shin nɛ ma nɛ fo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ.

Ezikɛl 47:22

K beeŋ baa la menyi be kapetɛ hale mbaanaayɔ. Nɛ menyi bee chige kasawule na to, befɔ kama nɛ menyi nɛ bumo wɔtɔ nɛ b kurge mbia nfe na gba daga fanɛ b nya bumo be kachige. A daga fanɛ men baa wora bumo fanɛ Israɛl be ndetobia nseŋ shin nɛ bumo alɛ gba e baa tu Israɛl be eyiriana na a to beri a nya kasawule na be kachige.

Zakareya 1:17

Kumo be kaman nɛ Malaika na naŋ kaŋɛ ma fanɛ Enyɛnpetale Ebɔrɛ na yɛ: “Ma ndegboŋana na beeŋ naŋ dii dama. Ma alɛ beeŋ naŋ chɛ Jerusalɛm to nseŋ naŋ sɔ kumo ŋ ki ŋ gbagba be kadegboŋ.”

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Luuk 1:54

E shin nɛ mbe kɔnɔ nɛ e nase n sa an nanaana na bɔla so nseŋ ba mbe kenya Israɛl be kechɛto to.

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”