Aizaaya 13:9 - EBƆRƐ BE KAWƆL

⁹ Loŋ be kachɛ na kaŋ fo, Enyɛnpe Ebɔrɛ na maaŋ shu esa kikɛ so ŋko n wu esa kuwɔr. E beeŋ nya agbo ga nseŋ mur alubiworapoana n shin nɛ efuli na kikɛ e ki kiyitokpaŋ.

Aizaaya 13:9 ပူးပေါင်းရင်းမြစ်များ

Nshɛ 104:35

Shin nɛ alubiworapoana kikɛ e mur ashi kasawule ere so, n shin nɛ kumukpakpasowuraana e sa maŋ naa wɔtɔ kuraa. Meeŋ kpaŋ fo Enyɛnpe Ebɔrɛ na ashi ma kagbene to kikɛ.

Aŋasa 2:22

Ama Ebɔrɛ beeŋ lara basa lubi nɛ basa nɛ b maa ji kashenteŋ ashi kasawule ere so.

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Aizaaya 2:12

Enyɛnpetale Ebɔrɛ na lara kachako nna n yili nɛ e bar bekama nɛ baa maŋ bumo be amu so nsaa wu bumo be amu na kaseto.

Aizaaya 34:8

Le be jemanɛ ere nɛ Enyɛnpe Ebɔrɛ na beeŋ kɔ n suge Zayɔn nseŋ sɔ kumo be basa be kɔnɔ ŋ kɔ bumo doŋana.

Aizaaya 63:4

N wora loŋ nna nɛ m bishi kuwule n sa ma basa ashi bumo doŋana so a ŋini fanɛ jemanɛ fo nɛ m mɔlga bumo.

Aizaaya 66:17

Menyi to be beko bee bela ase nna a yɔ adɔbi to n ya kaa shuŋ efuli pɔtɛana so be agbir cheso. Menyi alɛ bee ji epreku nɛ eshiboe nɛ asɔ damta nɛ a la ekishi n sa menyi na nna. Ma, Enyɛnpe Ebɔrɛ na beeŋ mur menyi ŋkpal loŋ so.

Aizaaya 9:19

Enyɛnpetale Ebɔrɛ na ka nya agbo so, mbe kasogberge bee chɔɔ nna fanɛ edɛ a mur basa na ashi kasawule na kikɛ so, nɛ k ki fanɛ ekama nɛ mbe kumu so be asheŋ nna na.

Ezikɛl 13:5

B maa kpele basa na kusoe a laŋɛ tɔrɔ nɛ k bee ba ŋko a kaŋɛ bumo kananɛ kewora n da ma so beeŋ tiŋ n shin nɛ b wu be asheŋ.

Ezikɛl 30:3

Kachɛ na taga to, kachɛ nɛ Enyɛnpe Ebɔrɛ na beeŋ gberge fo kusoe na fo nna na, K la kemur nɛ etɔrɔ be kachɛ nna n sa efuliana na.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Jowɛl 2:31

Jemanɛ na ya kaa taga to epeŋi beeŋ kilgi m biri to le tuum nɛ kufɔl malɛ e pre to le kpaw fanɛ ŋklaŋ na. Asheŋ ere kikɛ beeŋ wora nna pɔɛŋ nɛ Enyɛnpe Ebɔrɛ be kachɛ nɛ e beeŋ ba na e fo. Kachɛ na kaŋ fo, kufu beeŋ pɛ basa ga.

Nahum 1:2

Enyɛnpe Ebɔrɛ na kishi kechamana ga, nsaa beeŋ gberge mo doŋana kusoe. E beeŋ bishi bumo kuwule agbo so.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Nahum 1:8

Ama e bee mur mo doŋana bre nna fanɛ nchugboŋ ka jija asɔ na. Mo alɛ naa yɛr bumo nɛ baa ji mo emɔrɔ na luwu to nna.

Zefanaiya 1:15

Kamɔnchɛ na beeŋ baa la agbo lubi nɛ etɔrɔ nɛ kayurnyaŋ damta nɛ ebesa nɛ kemur nɛ tentembiri mina nɛ awɔlpa be kebuuso be kachɛ nna.

Zakareya 14:1

Enyɛnpe Ebɔrɛ be demujiachɛ na bee ba. Kamɔnchɛ na nɛ baaŋ muu Jerusalɛm to be asɔ m barga to n sa abar ashi menyi gbagba be anishito.

Malakai 4:1

Enyɛnpetale na yɛ: “Kachako bee ba nɛ basa nɛ b kpeŋ nɛ belubiworapoana kikɛ e chɔɔ fanɛ atuweklaŋ. Kumo be kachɛ na baaŋ chɔɔ m mur cheche nɛ bumo be kusɔ kama maaŋ ka.

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”