Aizaaya 13:7 - EBƆRƐ BE KAWƆL

^7-8 Kufugboŋ beeŋ tɔr basa kikɛ so nɛ bumo be mbre e yulge bumo nɛ bumo be kenyɛn kikɛ e foe. Nɛ ebesagboŋ e tɔr ekama so fanɛ kakurge be ebesa ka tɔr eche nɛ e bee kurge so na. Anishinyɔr beeŋ pɛ bumo nɛ b kurgi amu n yuu to a maaŋ naŋ tiŋ ŋ keni abar be anishito.

Aizaaya 13:7 ပူးပေါင်းရင်းမြစ်များ

Nshɛ 58:7

Shin nɛ b foe fanɛ kabombi to be nchu ka wɔlto na. B baŋ gberge bumo be ata to, fo shin nɛ atanyembi na be nnɔ e gbel.

Ɛksodɔs 15:15

Kufu beeŋ pɛ Edɔm be bewuraana nɛ Mowab be bejuŋkparpoana ga ŋkpal loŋ so. Keenan be basa kikɛ beeŋ pɔ aba,

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 37:27

Basa nɛ b daa wɔ ndegboŋ na to daŋ maŋ naa kɔ eleŋ nna, ŋkpal kufu ka daŋ pɛ bumo nɛ eburma tɔr bumo so so. B daa du fanɛ kudɔ to be afitiri nna ŋko afitiri popɔrbi nɛ e kɔr ebu be esoso nɛ epeŋilarkpa be afu tushi so ber amo so nɛ e wu nna.

Aizaaya 51:20

Menyi be basa bee bɛlɛ nna a tɔr ashi kegbembi be kukɔlɔbi kama to. B ki fanɛ echibir nɛ bekpampo sho ajigbelɛ m pɛ nna. Bumo alɛ pin kananɛ Enyɛnpe menyi be Ebɔrɛ be agbo du kashenteŋto.

Jɛremaya 50:43

Babilɔn be ewura ka nu baru na, nɛ kufu pɛ mo nɛ mbe eyur wu mo. Ndoŋ nna nɛ kagbenejija damta tɔr mo so nɛ e bee kii kɔnɔ to fanɛ kakurge ka ta eche na.

Jɛremaya 51:30

Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Ezikɛl 21:12

Dimɛdi pibi, boŋ to awɔrso, ŋkpal manɛ so tokobi na bee ba ma basa nɛ Israɛl be benimuana so nna. Bumo kikɛ beeŋ wu, bumo nɛ basa nɛ b ka na kikɛ. Amoso, ta enɔ n deŋi kumu a shu!”

Ezikɛl 21:7

B kaŋ bishi fo kusɔ nɛ k ba nɛ fee shu fo kaŋɛ bumo le: ‘Baru nɛ k bee ba na so nɛ mee shu.’ Kumo jemanɛ kaŋ fo ekama be kagbene beeŋ jija mo nɛ kufu e tɔr ekama so nɛ bumo be aba e pɔ bumo nɛ b baa chicha a maaŋ naŋ tiŋ n wora shɛŋ. Kachɛ na bee ba! K maaŋ naŋ chɛr nseŋ ba. Ma, Enyɛnpetale Ebɔrɛ na e kaŋɛ na.”

Ezikɛl 7:17

Ebruma beeŋ tɔr basa kikɛ so nɛ bumo be mbre maŋ naa kɔ eleŋ nɛ bumo be amuli malɛ e baa chicha.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Nahum 2:10

Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

Nahum 2:11

Naniere nnɛ nɛ Ninɛve nɛ k daa du fanɛ ebuluŋ be kelaŋ na naa wɔ? K daa du fanɛ kakpa nɛ ebuluŋ nyɛnso nɛ becheso kikɛ beeŋ lar ŋ ka bumo be bibi nɛ shɛŋ maaŋ wora bumo nna.

Joshuwa 2:11

An ka nu loŋ nɛ anyi be ŋgbene jija anyi ga nɛ ekama malɛ gba be aba pɔ mo ŋkpal menyi so. Enyɛnpe menyi be Ebɔrɛ na e naa ji kuwura esoso nɛ kasawule so kikɛ.