Aizaaya 13:5 - EBƆRƐ BE KAWƆL

⁵ B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 13:5 ပူးပေါင်းရင်းမြစ်များ

2 Samuɛl 1:27

Anyi be benapo lempo wu, nɛ bumo be akɔsɔ kikɛ ki asɔ jiga.”

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 13:17

Ade be kaman nɛ Enyɛnpe Ebɔrɛ na naŋ kaŋɛ le: “Meeŋ we n wɔtɔ efuli nɛ baa tre Mɛdi na be basa nɛ b koso m ba kɔ Babilɔn be efuli so be basa kena. Bumo ere be shɛŋ maŋ wɔ shuwa nɛ gbiti to.

Aizaaya 24:1

Enyɛnpe Ebɔrɛ na bee sha kejija durnya kikɛ nna nɛ k dese fuloŋ fanɛ kiyitokpaŋ na. E beeŋ melgi durnya na m buu nseŋ pesaŋ kumo be basa to.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Aizaaya 30:27

Enyɛnpe Ebɔrɛ na be eleŋgboŋ nɛ kemaŋkura shi kufɔ kufɔ a ba. Edɛ nɛ edishi e naa ŋini mbe agbo. E malga nɛ mbe kɔnɔ to be mmalga bee chɔ fanɛ edɛ na.

Aizaaya 34:2

Eyɛnpe Ebɔrɛ na nya agbo n wɔtɔ efuli pɔtɛana na nɛ amo be benapo kikɛ. Mo alɛ yili kumo fanɛ bumo kikɛ beeŋ mur.

Aizaaya 48:14

Men kikɛ e gama abar so nseŋ nu nfe! Agbirana na be kekama maaŋ tiŋ n wu ŋ kaŋɛ fanɛ esa nɛ n lara na e naaŋ kɔ Babilɔn be efuli kena, ŋko n wu ŋ kaŋɛ fanɛ e beeŋ wora kusɔ nɛ ŋ kaŋɛ fanɛ e wora na.

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Aizaaya 66:14

Men kaŋ wu le ka bee wora, menyi be ŋgbene beeŋ fuli menyi nɛ men nya eleŋ nɛ alenfia. Aloŋ nɛ menyeeŋ pin fanɛ ma, Enyɛnpe Ebɔrɛ na bee chɛ basa nɛ baa wora ma kasonu na to nna; ma alɛ nsaa shin nɛ ma agbo bee ba n doŋana so.”

Aizaaya 7:18

Loŋ be jemanɛ na kaŋ fo, Enyɛnpe Ebɔrɛ na beeŋ foŋ kafoli nɛ k baa la tɔɔnɛ n sa Ijipt be efuli so be basa, nɛ b shi lɔrgboŋ nɛ baa tre Nail na ase m ba menyi so fanɛ ashushombi na. Kumo be kaman nɛ Asiriya be basa malɛ e shi bumo be kasawule so m ba menyi so fanɛ emushoŋ na.

Jɛremaya 50:25

N teŋ bugi n lara akɔsɔ nɛ mee nya agbo a ta ashuŋ na ashi kakpa nɛ mee yili amo na. Ŋkpal manɛ so, ma Enyɛnpetale Ebɔrɛ na kɔ kushuŋ ko nɛ n shuŋ ashi Babilɔn be efuli so.

Jɛremaya 50:3

Efuli ko beeŋ shi kelargato be esoso m ba kɔ Babilɔn be efuli na kena n shin nɛ k ki keshishɛrsawule a dese. Edimɛdi nɛ asɔbɔya kikɛ beeŋ shile nɛ esa kama maaŋ naa wɔ ndoŋ.”

Jɛremaya 50:9

N ya we n wɔtɔ efuli lempoana ko ashi kelargato be esoso be kaba so nna fanɛ b ba kɔ Babilɔn be efuli na kena. Baaŋ ber abar so nna m ba kɔ m pɔɔ kumo so. B la basa nɛ b nyi kekpaŋ to nɛnɛ nna nsaa to ata ga. B maa to a paŋ kikɛ.

Jɛremaya 51:11

Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Jɛremaya 8:19

Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.