Aizaaya 13:18 - EBƆRƐ BE KAWƆL

¹⁸ Bumo be ata nɛ atanyembi nɛ baaŋ ta m mɔ mbrantiɛfɔlbi. B maaŋ wu mbi popɔrbi kuwɔr ŋko n shu mbiwurbi so.

Aizaaya 13:18 ပူးပေါင်းရင်းမြစ်များ

2 Bewura 8:12

Nɛ Haziɛl bishi mo: “Manɛ nna nɛ fee shu n nyɛnpe?” Nɛ Elaisha kaŋɛ: “Ŋkpal ŋ ka wu asheŋ lubi nɛ feeŋ wora Israɛlebi so. Feeŋ chɔɔ bumo be kumɔlga be mboŋ lempo nseŋ mɔ bumo be mbrantiɛ, m bure bumo be mbi popɔrbi be amu to nseŋ baŋɛ bumo be bedampoche be epunana to.”

2 Kronikɛls 36:17

Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

Nshɛ 127:3

Enyɛnpe Ebɔrɛ na e naa sa basa mbia, nɛ mbia na e baa la nɛfa n sa bumo.

Aizaaya 13:16

Basa beeŋ baa yil a keni nɛ bedoŋ a pɛ bumo be mbia n ta bumo ŋ ŋmɛa afalta so m mɔ nseŋ luri bumo be elaŋana to n ta bumo be asɔ eleŋ so nseŋ pur bumo be beche gba n ti so.”

Aizaaya 47:9

Ama kachɛ koŋwule pati nɛ asheŋ ntuŋ anyɔ ere kikɛ beeŋ tu menyi. Kegbaya damta nɛ men ta yirda n to so ere be kaman, menyeeŋ ki fanɛ esa nɛ e paŋ mo kul nɛ mbia kikɛ.

Aizaaya 5:28

Kumo be kaman, bumo be akpaana du pɛlpɛlbi nna nɛ bumo alɛ wora shiriya a jo nɛ b to bumo be ata. Bumo be egbaŋɛ be alotobi du kpakpa fanɛ awarabi nna, nɛ bumo be kena to be egbaŋɛturko malɛ be aya bee kilgi to manaŋ manaŋ fanɛ kawuliwuli na.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

Jɛremaya 5:16

Bumo be benapo nɛ b kɔ ata a kɔ kena na la belempo nɛ b maa wu kuwɔr nna.

Jɛremaya 50:30

Amoso bumo be mbrantiɛfɔlbi beeŋ wu n dese kadegboŋ na be agbembi so nɛ bumo be benapo kikɛ e mur loŋ be kachɛ na. Ma, Enyɛnpe Ebɔrɛ e kaŋɛ na.”

Jɛremaya 50:42

B teŋ ta bumo be ata nɛ etokobi ŋ keta; bumo be benapo maŋ kɔ kushuso, bumo alɛ maa wu kuwɔr. B baa dii egbaŋɛ a ba k bee gbri nna fanɛ teku be nchu ka bee wɔr na. B bela ase nna a ba nɛ b ba kɔ Babilɔn be efuli so be basa kena.

Jɛremaya 51:22

Fo nɛ mee ta a mɔ benyɛn nɛ beche, nɛ basakpar nɛ mbifɔlbi nɛ mbinyɛnsobi nɛ mbichesobi kikɛ.

Jɛremaya 6:23

B kɔ bumo be ata nɛ etokobi nna a ba. Bumo alɛ maŋ kɔ kushuso ŋko e wu kuwɔr. Egbaŋɛ nɛ baa dii na be aya bee gbri kasawule so nna fanɛ ketili ka bee kaa teku so na. B wora shiriya nna a ba nɛ b ba kɔ Jerusalɛmebi kena.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Danɛl 7:5

Kusɔbɔya nyɔsopo na malɛ daa du nna fanɛ shishiri nsaa yil kumo be mmantoya so. Akentibi asa daa fɛa kumo be kɔnɔ to nna, nɛ ebɔl ko kaŋɛ kumo le: “We eblaŋ na kanaŋkamaso nɛ fee sha!”

Hoziya 13:16

A daga fanɛ Samɛriaebi ka nya kasogberge ŋkpal b ka kini k nu n sa ma so. Kumo be basa beeŋ wu kena to nɛ b ta bumo be mbi popɔrbi malɛ ŋ ŋmɛa kasawule m mɔ, nseŋ baŋɛ bumo be bedampoche malɛ to.”

Nahum 2:1

Ninɛveebi, kena bee ba menyi so! Eleŋ nɛ k beeŋ pesaŋ menyi to na teŋ fo m ba. Men baa kuŋ menyi be mboŋ lempoana na, nsaa de menyi be agbembi so nɛnɛ. Men bela ase nɛnɛ a jo kena be kekɔ!

Nahum 3:10

Ama bedoŋ daŋ ba kɔ Tebes nseŋ pɛ kumo be basa n yɔ efuli pɔtɛ so. B daŋ mɔ bumo be mbia nna n nase agbembi so be kukɔlɔ kama so. B daŋ to beri nna m barga bumo be benimugboŋ nɛ b ta ŋgbɛlɛbi ŋ kre na to n sa abar.