Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aizaaya 13:13 - EBƆRƐ BE KAWƆL

13 Kachɛ nɛ ma, Enyɛnpetale Ebɔrɛ na beeŋ ŋini kananɛ ma agbo du na, meeŋ shin nɛ esoso e baga to nɛ kasawule e gbuŋgbuŋ m pulgi ashi kumo be epul to.

အခန်းကိုကြည့်ပါ။ ကော်ပီ




Aizaaya 13:13
27 ပူးပေါင်းရင်းမြစ်များ  

Ebɔrɛ beeŋ tiŋ n shin nɛ kasawule nɛ kumo be gbaltɔlase kikɛ a gbuŋgbuŋ to.


Nɛ kasawule gbuŋgbuŋ to m baŋɛ, nɛ abeegboŋ be kaseto gbuŋgbuŋ. A gbuŋgbuŋ nna ŋkpal Ebɔrɛ ka nya agbo so.


Fo agbo ki fanɛ nchu nna m muni ma so; nɛ fo etɔrɔ malɛ mur ma cheche.


Jemanɛ nɛ Enyɛnpe Ebɔrɛ na beeŋ shin nɛ durnya e gbuŋgbuŋ na, basa beeŋ shile n ya ŋana abeelaŋ to, ŋko n ya kur kasawule n luri to ŋ ŋana, a fin keshile ŋ ŋana Enyɛnpe Ebɔrɛ na be agbo nɛ mbe eleŋgboŋ nɛ kemaŋkura so.


Kubɔya nɛ k wɔtɔ a laŋɛ Babilɔn be efuli so be kaplɛa so na nde. Kananɛ kawuliwuli bee koso kiyi to a choŋ na nɛ kumulubi gboŋgboŋi nɛ k bee bar kemur na beeŋ shi efuli nɛ kumo be asheŋ kɔ kufugboŋ na so m ba.


Enyɛnpe Ebɔrɛ na teŋi mbe enɔ to m baŋ teku so n ya shin nɛ kufugboŋ tɔr efuliana na so. Mo alɛ yili kumo nna fanɛ Fenisha be efuli so be ndegboŋ nɛ b pɔr egbal lempoana ŋ kulti na kikɛ beeŋ mur.


Enyɛnpe Ebɔrɛ na bee sha kejija durnya kikɛ nna nɛ k dese fuloŋ fanɛ kiyitokpaŋ na. E beeŋ melgi durnya na m buu nseŋ pesaŋ kumo be basa to.


Ekama nɛ e wora ania n shile kufugboŋ na beeŋ ya tɔr kemaŋ chiŋgeliŋ to, nɛ emo nɛ e gelge kemaŋ chiŋgeliŋ malɛ e ya tɔr kejigbelɛ to. Bɔrɛchu damta beeŋ shi awɔlpa so m ba kasawule so nɛ durnya be gbaltɔlase e gbuŋgbuŋ to.


Kasawule beeŋ pante m baŋɛ to kaplɛkama.


Epeŋi nɛ kufɔl nɛ achɛkpabi kikɛ beeŋ foe basa be anishi so nɛ b bɔɔ awɔlpa fanɛ kelaŋ na. Kusɔ kama nɛ k wɔ awɔlpa so beeŋ tɔr to fanɛ afantaŋ ŋko asɔrso ka bolo kedibi so n chuge n tɔr to na.


Enyɛnpe Ebɔrɛ na yɛ: “Babilɔn be kadegboŋ be basa, men yige eleŋgboŋ nɛ men kɔ durnya to na kikɛ to, nseŋ gbelge m ba chena kasawule eshishɛrpumpuŋ to fanɛ mbia. Jemanɛ ko menyi be kadegboŋ daa du fanɛ eche nɛ e maŋ nyi enyɛn nna, nseŋ daa la kadegboŋ nɛ ekama daa maŋ naŋ kɔ m pɔɔ so kikɛ. Menyi alɛ daa nya kusɔ kama nɛ menyee sha kanaŋkamaso nna. Ama asheŋ beeŋ chɛrga n sa menyi naniere!


Men to anishi ŋ keni awɔlpa nɛ kasawule kikɛ so! Awɔlpa beeŋ choŋ fanɛ edishi, nɛ kasawule e baŋɛ to fanɛ kusɔbuuso dra ka kpɛa to na. Basa kikɛ beeŋ wu n dese kasawule fanɛ ashushombi firgiso na. Ama ma kumɔlga beeŋ baa wɔtɔ mbaanaayɔ. Ma kekɔmpɔɔso maaŋ fo ekar kikɛ.


Enyɛnpetale Ebɔrɛ na ka nya agbo so, mbe kasogberge bee chɔɔ nna fanɛ edɛ a mur basa na ashi kasawule na kikɛ so, nɛ k ki fanɛ ekama nɛ mbe kumu so be asheŋ nna na.


Enyɛnpe Ebɔrɛ na yɛ: “Meeŋ shin nɛ afu nɛ k bee jija asɔ e ba Babilɔn be efuli nɛ kumo be basa so.


Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.


Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”


Etɔrɔ ere be jemanɛ baŋ ba choŋ, k maaŋ chɛr ko nɛ epeŋi e biri to nɛ kufɔl e fuli to ŋ gben. Achɛkpabi beeŋ shi awɔlpa so n tɔr nɛ ebɔrɛso be eleŋana kikɛ e wea abar to.


Ebɔrɛso nɛ kasawule kikɛ beeŋ ba mur, ama ma mmalga maa ba nɛ a ba mur kikɛ!


Ama Enyɛnpe be kachɛ na beeŋ purgi basa nna fanɛ eyu na. Kumo be kachɛ na, esosoana beeŋ ta awɔr chilili n foe basa be anishito. Esoso be asɔana beeŋ chɔɔ edɛ m mur. Nɛ kasawule nɛ asɔ nɛ a wɔ kumo so ere kikɛ e dii efuli.


Ndoŋ nna nɛ n naŋ wu kuwurputigboŋ fuful ko nɛ esa nɛ e daa tase kumo so. Nɛ kasawule nɛ awɔlpa foe mbe anishito a maŋ naa kɔ kakpa ndoŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ