Aizaaya 13:1 - EBƆRƐ BE KAWƆL

¹ Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Aizaaya 13:1 ပူးပေါင်းရင်းမြစ်များ

2 Bewura 9:25

Nɛ Jehu kaŋɛ Bidka nɛ e la mbe kayɛrbi na le: “Ta mbe kebuni na n ya lɛ kasawule nɛ k daa la Nabɔf peya na so. Fo nyiŋi saŋɛ so nɛ ma nɛ fo daa dii egbaŋɛturko a bɛ ewura Joram mo tuto Ahab so na a? Kumo be jemanɛ nɛ Enyɛnpe Ebɔrɛ na daŋ kaŋɛ le na.”

Aizaaya 1:1

Kubɔya nɛ Ebɔrɛ lara ŋ ŋini Aizaaya, nɛ e la Amɔz pibinyɛn, a laŋɛ Juda be efuli nɛ kadegboŋ nɛ baa tre Jerusalɛm na be kaplɛa so jemanɛ nɛ Uziya nɛ Jotam nɛ Ahaz nɛ Hɛzekaya daa ji kuwura Juda be efuli so na, e wɔ kawɔl ere to na.

Aizaaya 13:19

Babilɔn be kadegboŋ na e walɛ nsaa kɔ eleŋ a chɔ kadegboŋ kama. Kumo be basa bee puchi kumo so nna, ama ma, Enyɛnpe Ebɔrɛ na beeŋ mur kumo fanɛ kananɛ m mur ndegboŋ nɛ b daa tre Sodɔm nɛ Gomɔra na!

Aizaaya 14:28

Kafɛ nɛ Ewura Ahaz wu na nɛ kubɔya ere shi Enyɛnpe Ebɔrɛ na kutɔ m ba:

Aizaaya 15:1

Kubɔya nɛ k wɔtɔ a laŋɛ efuli nɛ baa tre Mowab na be kaplɛa so nde. Kanyɛ koŋwule nɛ ndegboŋ nɛ baa tre Ar nɛ Kir na mur nɛ kakpa wora shruum ashi Mowab be kasawule so, ŋkpal shɛŋ ka maŋ naa wɔ kumo so so.

Aizaaya 17:1

Kusɔ nɛ Enyɛnpe Ebɔrɛ na kaŋɛ a laŋɛ kadegboŋ nɛ baa tre Damaskɔs na be kaplɛa so nde. E yɛ: “Damaskɔs beeŋ ki kadegboŋ nɛ k bure a dese fanɛ b ka koli asɔ bureso n deŋi abar so na.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 20:2

Nfɛ asa pɔɛŋ nɛ loŋ wora na, Enyɛnpe Ebɔrɛ na daŋ kaŋɛ Aizaaya nɛ e la Amɔz pibinyɛn na nna fanɛ e gbaŋ mbe asɛbta nɛ keeli be kusɔbuuso nɛ e daŋ buu na n nase. Ndoŋ nna nɛ e wora kasonu nseŋ gbaŋ amo kikɛ n nase nseŋ delge so a nite aya fuloŋ.

Aizaaya 21:13

Kubɔya nɛ k bee yɔ efuli nɛ baa tre Areebia na be basa kutɔ nde. Menyi basa nɛ men wɔ kebonfu nɛ baa tre Dedan nɛ menyi be eyawujipoana bee dii enyɔma a ji yawu nsaa yuu bumo be ewajɛbu ashi Areebia be efuli so be kiyi to na,

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Aizaaya 22:25

Naniere bre keyir na gbir kasawule to kpakpa nna na, ama kachako bee ba nɛ k gbuŋgbuŋ n tia n tɔr. Saŋɛ na so asɔ kama nɛ amo be egbɛ daa deŋ kumo so na gba beeŋ mur.” Kusɔ nɛ Enyɛnpe Ebɔrɛ na kaŋɛ nna na.

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Jɛremaya 24:1

Babilɔn be ewura Nebukadneeza ka pɛ Juda be ewura, Jehowachin nɛ e la ewura Jehowakim pibinyɛn, nɛ Juda be efuli so be benimuana nɛ basa nɛ b nyi enɔ to be ashuŋ nɛ bumo nɛ baa lɔŋɛ asɔ kikɛ n yɔ Babilɔn be efuli so kufɔ kufɔ na be kaman nɛ Enyɛnpe Ebɔrɛ na shin nɛ ŋ ku bɔrɛdare n wu nlantaŋɛ anyɔ nɛ figidibi be asɔrso wɔ amo to a yil Enyɛnpe Ebɔrɛ na be bɔrɛlambu na be anishito.

Jɛremaya 28:8

dra dra pɔɛŋ nɛ b kurge anyi na nɛ anebiana na bee kaŋɛ fanɛ kena nɛ jɛrbi nɛ alɔ beeŋ ba efuli damtaana nɛ kuwurjiana nɛ e kɔ eleŋ ga na so.

Jɛremaya 50:1

Kubɔya nɛ Enyɛnpe Ebɔrɛ na sa ma a laŋɛ Babilɔn be kadegboŋ nɛ kumo be basa be kaplɛa so nde:

Jɛremaya 51:51

Anishinyɔr nɛ nyɔmɔ kɔ menyi nna ŋkpal befɔ ka luri ma bɔrɛlambu be mboŋ cheembi to so ashi Jerusalɛm.

Ezikɛl 12:10

To, ya kaŋɛ bumo fanɛ kusɔ nɛ Enyɛnpetale Ebɔrɛ na kaŋɛ nde: ‘Kubɔya ere bee yɔ ejuŋkparpo nɛ e wɔ Jerusalɛm to na nɛ Israɛl be basa nɛ b wɔ ndoŋ na kikɛ nna.

Danɛl 5:28

Kebarga to na malɛ bee ŋini nna fanɛ b barga fo kuwurji na to n sa Mɛdiebi nɛ Pɛshiyaebi.”

Danɛl 5:6

Nɛ kufu pɛ mo alegaiso nɛ mbe anishito ki foleebi nɛ mbe amuli kikɛ fara a chicha nɛ e niŋi to ŋ gben.

Nahum 1:1

Kubɔya ere la bɔrɛdare nɛ Enyɛnpe Ebɔrɛ na shin nɛ Nahum, nɛ e shi kade nɛ baa tre Ɛlkɔsh na, ku a laŋɛ kadegboŋ nɛ baa tre Ninɛve na be kaplɛa so nna.

Habakuk 1:1

Kubɔya nɛ Enyɛnpe Ebɔrɛ lara ŋ ŋini anebi Habakuk nde.

Zakareya 12:1

Kubɔya nɛ k shi Enyɛnpe Ebɔrɛ na kutɔ a laŋɛ Israɛl be kaplɛa so na nde. Mo e to esoso nseŋ tɔl durnya n yili kumo be gbaltɔlase so, nseŋ sa dimɛdi ŋkpa na.

Zakareya 9:1

Kubɔya nɛ k shi Enyɛnpe Ebɔrɛ na kutɔ nde: E yɛ, mbe anishi yuu edimɛdi kikɛ so nna, fɔŋfɔŋ eyiri yiri nɛ b wɔ Israɛl be efuli so na. Mo alɛ naŋ kaŋɛ fanɛ mbe demuji na beeŋ ba Hadrak nɛ kadegboŋ nɛ baa tre Damaskɔs na ashi Siriya be efuli so na so.

Malakai 1:1

Kubɔya nɛ Enyɛnpe Ebɔrɛ ta n sa kanyɛn ko nɛ baa tre Malakai fanɛ e sa Israɛl be basa nde.

Matiu 1:11

Josaya e daŋ kurge Jɛkɔnaya nɛ mo siponyɛnsoana jemanɛ nɛ Babilɔnebi daŋ yɛr Israɛlebi Babilɔn na.

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”