Aizaaya 12:6 - EBƆRƐ BE KAWƆL

⁶ Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 12:6 ပူးပေါင်းရင်းမြစ်များ

Nshɛ 132:14

E yɛ: “Kakpa nɛ meeŋ baa wɔ mbaanaayɔ nde; kakpa nɛ meeŋ chena a ji kuwura nna na.

Nshɛ 135:21

Men kpaŋ Enyɛnpe Ebɔrɛ nɛ e chena Jerusalɛm to ashi Zayɔn be kebee na so na. Men kpaŋ Enyɛnpe Ebɔrɛ na!

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Nshɛ 68:16

Kebeegboŋ, manɛ nna nɛ fee besa Zayɔn be kebeegboŋ nɛ Enyɛnpe na lara fanɛ mbe echenakpa nsaa wɔ kumo so saŋkama na eyur?

Nshɛ 71:22

Meeŋ ta jaŋjilaŋ m boŋ nshɛ ŋ kpaŋ fo; meeŋ kpaŋ fo ma Ebɔrɛ, ŋkpal fo kashenteŋji so. Meeŋ laŋ jaŋjilaŋ m boŋ nshɛ belbelso n sa fo, Israɛl be Ebɔrɛ cheembi na.

Nshɛ 89:18

Kashenteŋto, anyi be kekuŋ bee shi Enyɛnpe Ebɔrɛ na kutɔ nna. Israɛl be Ebɔrɛ cheembi na e la anyi be ewura.

Nshɛ 9:11

Men boŋ nshɛ n fur Enyɛnpe Ebɔrɛ nɛ e wɔ Zayɔn be kebee so a ji basa so kuwura na, n shin nɛ efuliana e nu kusɔ nɛ e wora.

Nshɛ 99:2

Enyɛnpe Ebɔrɛ na la esagboŋ nna ashi Jerusalɛm to; mo e kɔ eleŋ efuliana na kikɛ so.

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Aizaaya 10:24

Ade kikɛ be kaman nɛ Enyɛnpetale Ebɔrɛ na kaŋɛ mbe basa nɛ b wɔ Jerusalɛm to na le: “Asiriya be basa na beeŋ kɔrfɛ menyi fanɛ kananɛ Ijiptebi daŋ wora na. Ama men sa maa ŋana bumo.

Aizaaya 24:14

Basa nɛ baaŋ ji efute bre beeŋ boŋ nshɛ kagbenefuliso nɛ bumo nɛ b wɔ epeŋitɔrkpa na e malga kananɛ Enyɛnpe Ebɔrɛ na be keshi nɛ kemaŋkura du,

Aizaaya 24:23

Kufɔl beeŋ biri to nɛ epeŋi e nyaŋɛ ŋ gben, ŋkpal manɛ so, Enyɛnpetale Ebɔrɛ na e la ewura. Zayɔn be kebee na so nɛ e beeŋ baa wɔ nsaa ji Jerusalɛm so kuwura nɛ basa na be benimuana e wu mbe kemaŋkura.

Aizaaya 30:19

Men basa nɛ men wɔ Jerusalɛm to maaŋ naŋ shu kikɛ. Enyɛnpe Ebɔrɛ na la ewɔrwupo nna nɛ men shu n tre mo fanɛ e chɛ menyi to, e beeŋ nu n sa menyi.

Aizaaya 33:21

Enyɛnpe Ebɔrɛ na beeŋ lara mbe kemaŋkura ŋ ŋini anyi nɛ an chena m mata elɔr nɛ a wɔ nchiŋ nɛ mbombi nɛ e wɔ mpar na. Ama an doŋana be nchu so be ekuloŋgboŋ maaŋ nite nchuana na so.

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 40:9

Fo nɛ fo kɔ baru lela a ba Zayɔn na, e dii n yɔ kebee jeŋgreŋ na so. Fo nɛ fo kɔ baru lela a ba Jerusalɛm to na, bugi kɔnɔ m ponte awɔrso; maŋ kumo so nsaa maa lɔ kufu. Kaŋɛ nde nɛ a wɔ Juda be efuli so na le: “Menyi be Ebɔrɛ bee ba!”

Aizaaya 41:14

Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Aizaaya 60:16

Efuli pɔtɛana be bewura nɛ bumo be basa beeŋ ta bumo be asɔ lela ŋ keni menyi be kadegboŋ na so, fanɛ kananɛ ebinio bee bela mbe mbia na. Saŋɛ na so nɛ men pin fanɛ ma, Enyɛnpetale Israɛl be Ebɔrɛ na e mɔlga menyi nseŋ sɔ menyi n yige.

Aizaaya 8:18

Ma nɛ mbia nɛ Enyɛnpe Ebɔrɛ na sa ma na nde. Enyɛnpetale Ebɔrɛ nɛ mbe kuwurputi wɔ kebee nɛ baa tre Zayɔn na so na e shuŋi anyi fanɛ kasokpele be tɔɔnɛ n sa Israɛl be basa.

Jɛremaya 10:6

Enyɛnpe Ebɔrɛ, esa kama maŋ du fanɛ fo. Fo shi ga nɛ fo ketre malɛ gba shi a kɔ eleŋ ga.

Ezikɛl 35:10

Hale ma Enyɛnpe Ebɔrɛ na ka daa la Juda nɛ Israɛl be Ebɔrɛ na gba, men daŋ kaŋɛ nna fanɛ bumo be efuliana be nsawule kikɛ la menyeya nna nseŋ daa sha keta amo ŋ ki menyeya.

Ezikɛl 39:7

Ma alɛ beeŋ shin nɛ ma basa Israɛlebi e pin ma ketre cheembi na, a maaŋ naa keni kumo jiga kikɛ. Ndoŋ nɛ efuliana na beeŋ pin fanɛ ma, Enyɛnpe Ebɔrɛ na e la Israɛl be Ebɔrɛ cheembi na.”

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Ezikɛl 48:8

Kakpa nɛ menyeeŋ ku m bɛ Juda be yiri so a laŋɛ kelargato be kaseto na beeŋ baa la kasawule nɛ k beeŋ baa kɔr to nna. Kumo be mparto beeŋ yili kelargato be esoso m ba choŋ kelargato be kaseto nsaa la emayɛl ashunu nɛ kumo be nteŋ to malɛ nɛ kananɛ menyeeŋ ku n sa Israɛl be eyiriana na be nteŋ to e baa sasa. Kasawule ere so nɛ ma bɔrɛlambu beeŋ yili.

Hoziya 11:9

M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.

Jowɛl 2:27

Saŋɛ na so, menyi Israɛlebi beeŋ pin fanɛ ma, Enyɛnpe Ebɔrɛ na e la men be Ebɔrɛ nsaa wɔ menyi kutɔ. Esa kama malɛ maaŋ naŋ tiŋ n fɛl ma basa.

Zefanaiya 2:5

Asheŋ maaŋ nyalɛ n sa menyi Filistiebi nɛ men chena teku ase na. Enyɛnpe Ebɔrɛ na tiŋ n ji menyi demu nseŋ ji m bri menyi. E beeŋ mur menyi nɛ menyi to be ekoŋwule gba maaŋ ka.

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”

Zakareya 2:9

Amoso Enyɛnpe Ebɔrɛ na gbagba e naaŋ kɔ menyi nɛ men be benapo nseŋ shin nɛ basa nɛ b daa shuŋ menyi na e kɔ m pɔɔ menyi so nseŋ suge menyi be asɔ kikɛ. Aloŋ nɛ menyeeŋ pin fanɛ Enyɛnpetale Ebɔrɛ na gbagba e shuŋi ma.

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Ditɛronɔmi 23:15

Nɛ fanɛ efuli ko so be anya shile m ba buu menyi a fin kekuŋ, men sa maŋ bɛta bumo a sa bumo nyɛnpeana.