Aizaaya 12:2 - EBƆRƐ BE KAWƆL

² Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 12:2 ပူးပေါင်းရင်းမြစ်များ

2 Samuɛl 7:24

Fo lara Israɛlebi na fanɛ fo basa nna hale mbaanaayɔ, nɛ fo Enyɛnpe Ebɔrɛ malɛ ki bumo be Ebɔrɛ.

Job be kawɔl 13:16

Kusɔ nɛ k beeŋ mɔlga ma nna na, ŋkpal manɛ so, esa nɛ e wora n jija kikɛ maaŋ shuli m ba Ebɔrɛ be anishito nɛ e ji mo demu.

Nshɛ 112:8

Shɛŋ maa fɔŋ bumo ŋko a da bumo kufu; b baa nyi geeŋ fanɛ bumo doŋana beeŋ ji n tɔr.

Nshɛ 118:14

Enyɛnpe Ebɔrɛ na e wɔtɔ ma eleŋ to nseŋ sa ma kashɛ nɛ m boŋ; mo e mɔlga ma.

Nshɛ 118:21

Meeŋ di fo, Enyɛnpe Ebɔrɛ na epaŋ, ŋkpal fo ka nu ma kabɔrɛkule nseŋ shin nɛ ŋ kɔ m pɔɔ so so.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 65:6

Fo e kɔ eleŋ nɛ yuku n ta abeegboŋ n yili amo be eyilikpa.

Nshɛ 68:20

Saŋkikɛ fee kuŋ anyi nna, nsaa mɔlga anyi ashi luwu to.

Nshɛ 68:21

Kashenteŋto, Ebɔrɛ beeŋ bure mo doŋana be amu to; bumo nɛ b kini kelar bumo be alubi to na be amu.

Nshɛ 83:18

Shin nɛ b pin fanɛ fo e la Enyɛnpetale Ebɔrɛ. Fo alɛ nawule e naa ji kuwura durnya kikɛ so.

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Aizaaya 10:24

Ade kikɛ be kaman nɛ Enyɛnpetale Ebɔrɛ na kaŋɛ mbe basa nɛ b wɔ Jerusalɛm to na le: “Asiriya be basa na beeŋ kɔrfɛ menyi fanɛ kananɛ Ijiptebi daŋ wora na. Ama men sa maa ŋana bumo.

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 27:5

Ama nɛ ma basa bumo doŋana bee sha fanɛ m baa kuŋ bumo bre, b shin nɛ ma nɛ bumo e nya kayurwushi anyi be kefɛato.”

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 38:20

Enyɛnpe Ebɔrɛ, fo e chɛ ma kulɔ. Amoso, anyeeŋ laŋ ejaŋjilaŋ m boŋ nshɛ ŋ kpaŋ fo. Anyi be kebaawɔtɔ to kikɛ, anyeeŋ boŋ nshɛ ŋ kpaŋ fo ashi fo bɔrɛlambu to.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 49:5

Enyɛnpe Ebɔrɛ e lara ma n sa mbe kumu pɔɛŋ nɛ b kurge ma. Mo e lara ma fanɛ m baa la mbe kayɛrbi, saŋɛ na so meeŋ bɛta mbe basa Israɛlebi nɛ b pesaŋ to na m ba mo kutɔ. Enyɛnpe Ebɔrɛ na e shin nɛ n nya kemaŋkura; ma eleŋ bee shi mo kutɔ nna.

Aizaaya 50:10

Asheŋ beeŋ tiŋ ŋ ki kpakpa n sa menyi nɛ menyee bunyaŋ Enyɛnpe Ebɔrɛ nsaa wora mbe kenya kasonu na. Ama men yirda Enyɛnpe Ebɔrɛ n ta menyi be amu n to mo so.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Aizaaya 62:11

Kusɔ nɛ Enyɛnpe Ebɔrɛ na bee kaŋɛ nsaa sha fanɛ durnya to be basa kikɛ e nu nde: “Kaŋɛ basa nɛ b wɔ Jerusalɛm to fanɛ Enyɛnpe Ebɔrɛ na bee ba nɛ e ba mɔlga bumo. Men keni, basa nɛ e sɔ n yige na nɛ e kɔ a ba.”

Aizaaya 65:18

Meeŋ shin nɛ menyi be ŋgbene e fuli menyi nɛ men baa ji eyur hale mbaanaayɔ ŋkpal asɔ nɛ meeŋ to so. Kagbenefuli beeŋ bɔlɔ Jerusalɛm popɔr nɛ meeŋ to na to nɛ kumo to be basa be ŋgbene e fuli bumo.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Jɛremaya 3:23

Nnyamase be agbirana nɛ an shuŋ abee be awɔlto na bre maŋ chɛ anyi to kuraa. Kechɛ to nɛ Israɛl be basa bee nya kikɛ bee shi Enyɛnpe anyi be Ebɔrɛ na kutɔ nna.

Danɛl 3:28

Ndoŋ nna nɛ ewura Nebukadneeza kaŋɛ le: “Kemaŋkura e baa la Shaadrak nɛ Mɛshaak nɛ Abedneego be Ebɔrɛ na peya! Mo e shuŋi mbe malaika nɛ e ba mɔlga mbe nyɛrbi nɛ b yirda mo na. B kini k nu n sa ma nseŋ ta bumo be amu ŋ kpa kelara ŋ kini kejɔŋɛ m bunyaŋ kegbir kikɛ, she bumo be Ebɔrɛ na nawule.

Hoziya 1:7

Ma Enyɛnpe nɛ n la Juda be Ebɔrɛ na beeŋ wu Juda be basa bre kuwɔr nseŋ mɔlga bumo. Mannɛ kena ŋko tokobi so ŋko ata nɛ amo be atanyembi so ŋko egbaŋɛ ŋko egbaŋɛdiipo so nɛ meeŋ bɔla so m mɔlga bumo.”

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Jona 2:9

Ama ma ere beeŋ boŋ nshɛ n di fo, Enyɛnpe Ebɔrɛ na, epaŋ nseŋ lara sarga n sa fo. Meeŋ wora m bɔlɔ ma kɔnɔ naseso so, ŋkpal manɛ so, fo e kɔ eleŋ a tiŋ a mɔlga.”

Habakuk 3:18

ŋ kraa beeŋ shin nɛ ma kagbene e fuli ma, ŋkpal Enyɛnpe Ebɔrɛ na ka la ma emɔlgapo so.

Romebi 1:16

M maa wora baru lela na be anishinyɔr kikɛ, ŋkpal manɛ so, kumo so nɛ Ebɔrɛ bee bɔla a ŋini mbe eleŋ a mɔlga basa kama nɛ baa yirda na. Juwebi e nya kumo be loŋ be ekpa pɔɛŋ nseŋ ta nnyamase, bumo nɛ b maŋ la Juwebi na m bɛ so.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Kelaraŋŋini 7:10

Nɛ b boŋ to awɔrso ŋ kaŋɛ le: “Kumɔlga kikɛ shi an be Ebɔrɛ nɛ e tase mbe kuwurputi so nɛ Kpakpafɔlbi na kutɔ nna.”

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.