Aizaaya 11:3 - EBƆRƐ BE KAWƆL

³ Kusɔ nɛ k beeŋ baa fuli mo kagbene ga e naaŋ baa la kewora Enyɛnpe Ebɔrɛ na kasonu. Ewura ere maaŋ baa keni kananɛ esa du so, ŋko a yili b yɛ b yɛ so a ji demu.

Aizaaya 11:3 ပူးပေါင်းရင်းမြစ်များ

2 Samuɛl 14:17

Naniere bre ma kagbene dese ŋkpal fo ka pin alubi nɛ alela be mbarga nseŋ nase ma kɔnɔ lela so. Ma kabɔrɛkule e la fanɛ Enyɛnpe fo Ebɔrɛ na e baa wɔ fo kaman.”

2 Samuɛl 14:8

Nɛ ewura Deevid kaŋɛ mo le: “Bɛta a yɔ laŋ to, meeŋ wora ŋ keni kesheŋ na to.”

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

1 Bewura 3:9

amoso jande sa ma kanyiasheŋ nɛ nfɛra nɛ meeŋ ta a pin kulubi nɛ kelela. Saŋɛ na so meeŋ tiŋ n ji bumo so kuwura nɛnɛ; nɛ mannɛ aloŋ, nuso nɛ meeŋ tiŋ n wora n ji fo basa damta ere kikɛ so kuwura?”

Job be kawɔl 12:11

Men nyi fanɛ asoe nɛ an kɔ a nu mmalga nsaa kɔ adonduloŋ malɛ a nu ajibi be ebel.

Job be kawɔl 34:3

Men baŋ da ajibi nɛ e wɔ ebel ŋ keni, menyee pin amo nna, ama nɛ men nu kanyiasheŋ be mmalga bre, menyi maa pin amo ere.

Aŋasa 2:5

Fo wora loŋ, kumo ere feeŋ pin kusɔ nɛ k la kabɔrɛŋana nsaa tiŋ a pin Ebɔrɛ be asheŋ to.

Aŋasa 2:9

Nɛ fee nu ma mmalga, feeŋ pin kusɔ nɛ k walɛ nɛ kusɔ nɛ k niŋi ekpa nɛ kusɔ nɛ k daga fanɛ fo baa wora.

Aizaaya 33:6

Mo nɛ anyee fute a yige so, ŋkpal e kaa bee mɔlga mbe basa jemanɛ kikɛ nsaa sa bumo kanyiasheŋ nɛ kashennyi damta so. Kebaaŋana Enyɛnpe Ebɔrɛ nsaa nu a sa mo nɛ baaŋ baa sha kewora ga a chɔ kusɔ kikɛ.

Ezikɛl 45:8

Kakpa nɛ esa nɛ e bee ji kuwura na beeŋ baa kɔ ashi Israɛl be kasawule so nna na, saŋɛ na so e maaŋ baa nyaŋ basa na, nseŋ shin nɛ efuli na be kasawule nɛ k ka na e baa la Israɛl be eyiriana na peya.

Maika 4:3

E beeŋ naŋ lɔŋɛ efuliana nɛ a wɔ kufɔ nɛ tatato kikɛ, nɛ kelaŋtokɔ wɔ bumo be kefɛato na nɛ b naŋ nyalɛ abar so. Saŋɛ na so nɛ b ta bumo be etokobi m bel ntekpa nseŋ ta bumo akpa malɛ m bel eloji. Efuliana na maaŋ naa ŋini bumo basa kena be kekɔ kikɛ ŋko n naŋ kɔ abar kena gba kuraa.

Luuk 2:52

Nɛ Yesu daŋ eyur to a wɔtɔ a pin kanyiasheŋ a ti so nsaa nya kasha ashi Ebɔrɛ nɛ basa kutɔ.

Baru lela nɛ Jɔn kute na 2:25

E daa maŋ naa sha dimɛdi kikɛ ka chɛ mo to ŋ ŋini mo kananɛ basa du, ŋkpal manɛ so, e daa nyi kusɔ nɛ k wɔ dimɛdi to.

Baru lela nɛ Jɔn kute na 7:24

Men sa maa yili basa be asheŋ nɛ menyee wu kenishiso so a ji bumo demu, men baa ji kashenteŋ be demu.”

Hibruwebi 5:14

Ama ajibi gbɛgbɛso bre la basa kpar nɛ bumo gbagba koya nsaa nyi kelela nɛ kulubi to na peya nna.

1 Samuɛl 16:7

Ndoŋ nna nɛ Enyɛnpe Ebɔrɛ naŋ kaŋɛ mo le: “Sa maŋ keni mbe nteŋ ŋko mbe kayɛrbi. Mannɛ mo nɛ n lara, ŋkpal manɛ so ma ere maa keni asheŋ fanɛ kananɛ dimɛdi bee kini asheŋ na. Dimɛdi bre bee keni eyur so nna ama ma ere bee keni kagbene to nna.”