Aizaaya 11:13 - EBƆRƐ BE KAWƆL

¹³ Israɛl be kuwurji maaŋ naa kɔ Juda be kuwurji kukɔrkɔ. Juda malɛ maaŋ naa la Israɛl mo doŋ.

Aizaaya 11:13 ပူးပေါင်းရင်းမြစ်များ

Aizaaya 9:21

Manase be yiri to be basa nɛ Efrayim be yiri to be basa daa kɔ abar nna nseŋ naa chɛ abar to a kɔ Juda be yiri to be basa kena. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe nna n ti so.

Jɛremaya 3:18

Kumo be kaman nɛ Israɛl be basa e ti Juda be basa so nɛ b shi efuli nɛ k wɔ kelargato be esoso na m bɛta m ba kasawule nɛ n ta n sa bumo nananyɛnana mbaanaayɔ na so.

Jɛremaya 33:24

“Fee nu befɔ ka bee tege ma basa a kaŋɛ fanɛ Enyɛnpe Ebɔrɛ na e daŋ lara Israɛl nɛ Juda, ama naniere e kini bumo n lɛ nɛ b maŋ naa kɔ bumo gbagba be efuli.

Jɛremaya 50:4

Nɛ Enyɛnpe Ebɔrɛ na kaŋɛ: “Jemanɛ na kaŋ fo, Israɛl nɛ Juda be basa kikɛ beeŋ cha abar n shu anishichubi. Kumo be kaman nɛ b bɛta m ba bumo be kasawule so m ba bunyaŋ ma.

Ezikɛl 28:25

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Meeŋ bɛta Israɛl be basa na n shi efuliana nɛ n daŋ pesaŋ bumo to n yɔ na m ba nɛ efuliana na kikɛ e pin fanɛ n du cheembi nna. Israɛl be basa na beeŋ naŋ ba chena bumo gbagba be kasawule so, kumo nɛ n ta n sa ma kayɛrbi Jeekɔb dra dra na.

Hoziya 1:11

Israɛl be basa nɛ Juda be basa kraa beeŋ wora kɔnɔkoŋwule nseŋ lara ejuŋkparpo koŋwule nɛ e baa juŋkpar bumo. Loŋ be jemanɛ na so nɛ baaŋ fara a wu nɛfa bumo be kasawule so. Kachɛ nɛ baa tre Jizreel na beeŋ ba la kachɛgboŋ nna.