Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aizaaya 11:10 - EBƆRƐ BE KAWƆL

10 Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

အခန်းကိုကြည့်ပါ။ ကော်ပီ




Aizaaya 11:10
46 ပူးပေါင်းရင်းမြစ်များ  

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.


Boaz pibi e daa la Obɛd nɛ Obɛd malɛ pibi daa la Jɛsi.


Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.


Baaŋ baa ji fo kuwurji be kemaŋkura be asheŋ; bumo alɛ beeŋ baa malga fo eleŋgboŋ be asheŋ.


Ebɔrɛ be basa kama nɛ b nya le be kemaŋkura ere e shin nɛ bumo be ŋgbene e baa fuli bumo nɛ b baa boŋ nshɛ a ji eyur kapa nɛ kanyɛ kikɛ.


Esa kama nɛ e shile n ya mata Enyɛnpetale Ebɔrɛ na e naŋ nya mbe kekuŋ.


E beeŋ parga mbe atɛ m buu fo so a kuŋ fo nɛ fo nya fo kumu, Mbe kashenteŋji du fanɛ kebɛlso be kusɔ kuŋkumuso ŋko egbal nɛ k bee kuŋ kade nna.


Kananɛ keyimu bee purge afantaŋ popɔr nɛ a bee daŋ a ki kedibi na, aloŋ nɛ esa ko beeŋ shi ewura Deevid be kanaŋ to m ba ki ewura kachako so.


Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.


Enyɛnpe Ebɔrɛ na beeŋ sɔ Israɛl be basa na n yige ashi ebesa nɛ awurfoŋ nɛ kenyaya to.


Enyɛnpe Ebɔrɛ na kaŋ ba, baaŋ bar esa kama nɛ e bee fɛ fanɛ e shi ga, ŋko ekama nɛ e bee maŋ mbe kumu so, kaseto. Enyɛnpe Ebɔrɛ na nawule e naaŋ nya kemaŋkura loŋ be kachɛ na.


Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase


m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”


E bee sha kesa menyi kikɛ ewushi nɛ kayurwushi nna, ama men kini kenu n sa mo.


E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”


Kumo be kaman nɛ Enyɛnpetale Ebɔrɛ na kaŋɛ mbe basa le: “Meeŋ maŋ ma tuta so nɛ efuliana na be basa e wu kumo, nseŋ shin nɛ ma basa e bɛta m ba epe ashi bumo gbagba be kasawule so.


Yili epeŋilarkpa m ba choŋ epeŋitɔrkpa, ekama beeŋ baa ŋana Enyɛnpe Ebɔrɛ na nɛ mbe eleŋgboŋ nseŋ bunyaŋ mo. E beeŋ ba fanɛ lɔr to be nchu nɛ a bee shile eleŋso ŋko afugboŋ nɛ a bee ber eleŋso na.


Efuli pɔtɛana be basa nɛ bewura kikɛ beeŋ ba menyi be karechɛ popɔr na be kefulto to.


Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.


Jerusalɛmebi, men lar kadegboŋ na to n ya lɔŋɛ ekpa n sa menyi be basa nɛ baa bɛta a ba na! Men lɔŋɛ ekpagboŋ nɛ ajembu e sa maa wɔ kumo so. Kumo be kaman nɛ men yili tuta nɛ k baa la tɔɔnɛ n sa efuli pɔtɛana na nɛ b tiŋ n wu ekpa m bɔla so.


nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.


Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”


Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.


Mo e naŋ pɔr kumo n nya kemaŋkura fanɛ ewura na nseŋ ji mbe basa so kuwura. Mo nɛ bɔrɛmatapo ko beeŋ wora kɔnɔkoŋwule n chɛ abar to n shuŋ kayurwushiso.’


Basa na ka lar kebeegboŋ cheembi nɛ baa tre Sainai na ase, nchɛ asa nɛ b wɔ enite to. Livaiebi na e daa sulɔ ŋkre be deka na a juŋkpar a fin kaboŋ nɛ k daga b wora bumo be keeyi to.


Nɛ basa kikɛ e ta bumo be tama kikɛ n deŋi mo so.”


Ma e kaŋɛ menyi na fanɛ basa damta beeŋ shi epeŋilarkpa nɛ epeŋitɔrkpa m ba nɛ bumo nɛ Eebraham nɛ Aizek nɛ Jeekɔb e chena ebɔrɛso be kuwura na to n ji,


Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”


Ama nɛ b kaŋ maŋ ma so ashi kasawule ere so bre, meeŋ bar basa kikɛ ŋ kutɔ.”


B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”


Nɛ Pɔɔl naŋ kaŋɛ: “Amoso, men baa nyi fanɛ Ebɔrɛ shuŋi basa nɛ baa bɔ mbe kumɔlga be kubɔya na nnyamase gba kutɔ. Bumo ere beeŋ bugi asoe n nu.”


Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.


Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.


Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”


Ŋ ka bee shu na nɛ bejuŋkparpoana na be eko kaŋɛ ma: “Sa maa shu, keni Juda be kanaŋ to be buluŋ, Ewura Deevid mo Nanabigboŋ na kɔ m pɔɔ so ŋkaa beeŋ tiŋ m bu m bu abersobi ashunu na nseŋ tiŋ m bugi kawɔl sibɛso na.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ