Aizaaya 11:1 - EBƆRƐ BE KAWƆL

¹ Kananɛ keyimu bee purge afantaŋ popɔr nɛ a bee daŋ a ki kedibi na, aloŋ nɛ esa ko beeŋ shi ewura Deevid be kanaŋ to m ba ki ewura kachako so.

Aizaaya 11:1 ပူးပေါင်းရင်းမြစ်များ

2 Samuɛl 23:3

Le nɛ Israɛl be Ebɔrɛ nɛ e la ma ekumpo na daŋ malga ŋ kaŋɛ: “Ewura nɛ e kɔ kasonu n sa Ebɔrɛ nseŋ ta kashenteŋji a ji mbe kuwura na

1 Kronikɛls 2:12

Boaz pibi e daa la Obɛd nɛ Obɛd malɛ pibi daa la Jɛsi.

Nshɛ 145:11

Baaŋ baa ji fo kuwurji be kemaŋkura be asheŋ; bumo alɛ beeŋ baa malga fo eleŋgboŋ be asheŋ.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 53:2

Enyɛnpe Ebɔrɛ na gbagba be keparso nɛ mbe kenya daŋ ki fanɛ kusɔduuso nɛ k mur achin kasawule wɔlso so. E daa maŋ walɛ keyɛrbi ŋko a la esagboŋ ko nɛ basa nyi mbe asheŋ ŋko a keni mo a bɔlɔ kenishi. Mbe kapɔr be shɛŋ daa maa par basa, nɛ k shin nɛ basa e baa firgi a taga mo to.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Jɛremaya 33:15

Jemanɛ na kaŋ fo meeŋ lara ewura Deevid be kaman to ebi to be esa nɛ e bee wora asheŋ niŋiso m buu mo kuwura. E beeŋ baa wora kusɔ nɛ k niŋi nseŋ daga ashi kasawule na kikɛ so.

Ezikɛl 17:22

Kusɔ nɛ Enyɛnpetale Ebɔrɛ na kaŋɛ nde: “Ŋ gbagba beeŋ ku kedibi nɛ baa tre sida na be keyabi n fɛa; keyabi popɔrbi nɛ meeŋ ku ashi kumo be awɔlto n ya fɛa kebee jeŋgreŋ so.

Ezikɛl 37:25

Kasawule nɛ n ta n sa ma kayɛrbi Jeekɔb na so nɛ baaŋ chena, kakpa nɛ bumo nanaana daŋ chena na. Bumo nɛ bumo be mbia nɛ kaman to ebi kikɛ beeŋ chena kumo so hale mbaanaayɔ, nɛ ewura nɛ e du fanɛ ma kayɛrbi Deevid na e baa ji bumo so kuwura.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Zakareya 3:8

Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.

Zakareya 6:12

Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr.

Matiu 1:1

Kananɛ Yesu Kristo nɛ e shi Ewura Deevid nɛ mo alɛ shi Eebraham be kanaŋ to kikɛ lar nde.

Romebi 15:12

Ade malɛ gba kikɛ be kaman le nɛ anebi Aizaaya yɛ: “Jɛsi be kenanabi beeŋ ba kachako m ba lar n ji nnyamase so kuwura nɛ b ta bumo be tama kikɛ n deŋi mo so.”

Hibruwebi 7:14

Ŋkpal manɛ so, k baŋ fuli nna fanɛ Juda be kanaŋ to nɛ an Nyɛnpe na lar. Mosis malɛ maŋ malga shɛŋ ŋ kaŋɛ fanɛ kanaŋ na ti bɔrɛmatapoana na so.

Kelaraŋŋini 22:16

Ma Yesu e shuŋi ma malaika nɛ e ba ta le be shɛda be kubɔya ere m bɔ n sa asɔriana na. N la Ewura Deevid be kanaŋ to be Ejuŋkparpo nna nseŋ naa la mo Nanabi nɛ kachipurso be Nyanwuleji fuliso parr nna.”

Kelaraŋŋini 5:5

Ŋ ka bee shu na nɛ bejuŋkparpoana na be eko kaŋɛ ma: “Sa maa shu, keni Juda be kanaŋ to be buluŋ, Ewura Deevid mo Nanabigboŋ na kɔ m pɔɔ so ŋkaa beeŋ tiŋ m bu m bu abersobi ashunu na nseŋ tiŋ m bugi kawɔl sibɛso na.”

Ruf be kawɔl 4:17

Ndoŋ nna nɛ kade na to be beche kaŋɛ: “Nawomi nya ebinyɛn.” Kumo be kaman nɛ e nase kebia na Obɛd. Loŋ be Obɛd na e daŋ ba koso ŋ kurge Jɛsi nɛ mo alɛ koso ŋ kurge ewura Deevid na.

1 Samuɛl 17:58

Ndoŋ nna nɛ Sɔɔl bishi mo le: “Wanɛ pibinyɛn e la fo?” Nɛ Deevid yɛ: “Fo kayɛrbi Jɛsi nɛ e shi Bɛtlɛhɛm na pibinyɛn e la ma.”