Aizaaya 10:9 - EBƆRƐ BE KAWƆL

⁹ Ma e kɔ m pɔɔ ndegboŋ nɛ baa tre Kalno nɛ Kaakɛmish nɛ Hamaf nɛ Apad so. Ma koŋwule na e kɔ m pɔɔ Samɛria nɛ Damaskɔs so.

Aizaaya 10:9 ပူးပေါင်းရင်းမြစ်များ

Jɛnesis 10:10

Mbe efuli e daa la Babilɔn nɛ Erɛk nɛ Akad nɛ Kalne be nde nɛ a wɔ Babilɔn be efuli so na.

2 Samuɛl 8:9

Hamaf be kade to be ewura Toi ka nu fanɛ Deevid kɔ m pɔɔ Hadadeza be benapo kikɛ so na,

2 Bewura 16:9

Tiglaf Pilesa ka nu Ahaz be baru na, nɛ e shin nɛ mbe benapo ya kɔ Damaskɔs kena n sɔ kumo nseŋ mɔ ewura Reezin gba, nseŋ pɛ ndoŋebi n ya ti ebu ashi Kiir.

2 Bewura 17:24

Asiriya be ewurgboŋ na daŋ lara basa ashi Babilɔn nɛ Kuuta nɛ Awa nɛ Hamaf nɛ Sefavaim be nde to nna nseŋ tintiŋ bumo n yɔ Israɛl be efuli so nɛ b ya chena ndoŋ. B daŋ ya sɔ nde nɛ Israɛlebi na be nde nna n chena n ta bumo be kadegboŋ Samɛria n ti so.

2 Bewura 18:34

Nnɛ nɛ basa nɛ b daa wɔ ndegboŋ nɛ baa tre Hamaf nɛ Appad nɛ Sefavaim nɛ Heena nɛ Iwa na be agbirana wɔ naniere? Samɛria be efuli so be agbirana daa maŋ tiŋ ŋ kuŋ kasawule na ashi Asiriya be benapo kutɔ.

2 Kronikɛls 32:14

Saŋɛ mo nɛ efuliana be agbirana daŋ mɔlga amo be basa ashi anyi be enɔ to? Amoso manɛ bre so nɛ menyee fɛ fanɛ menyi be Ebɔrɛ na beeŋ tiŋ m mɔlga menyi ashi ma enɔ to ere?

2 Kronikɛls 35:20

Ade kikɛ be kaman, saŋɛ nɛ ewura Josaya lɔŋɛ bɔrɛlambu na to n loge na, nɛ ewura Neeko nɛ e shi Ijipt be efuli so, juŋkpar mbe benapo n yɔ Kachimish nɛ k wɔ Yufreetes be lɔrgboŋ na ase na nɛ b ya kɔ kena. Nɛ ewura Josaya gba nɛ mbe benapo lar n yɔ nɛ b ya tu bumo ŋ kɔ,

Aizaaya 10:8

E daa puchi nna a kaŋɛ le: “Ma benapo be bejuŋkparpoana na be ekama la ewura nna!

Aizaaya 17:1

Kusɔ nɛ Enyɛnpe Ebɔrɛ na kaŋɛ a laŋɛ kadegboŋ nɛ baa tre Damaskɔs na be kaplɛa so nde. E yɛ: “Damaskɔs beeŋ ki kadegboŋ nɛ k bure a dese fanɛ b ka koli asɔ bureso n deŋi abar so na.

Aizaaya 17:3

Israɛl beeŋ paŋ kumo be ndegboŋana nɛ b pɔr egbal lempoana a kuŋ amo na nɛ Damaskɔs be kuwurgboŋ na malɛ e mur. Siriya be basa kama nɛ baaŋ ji efute na beeŋ ji anishinyɔr fanɛ Israɛl be basa. Ma, Enyɛnpetale Ebɔrɛ na e kaŋɛ.”

Aizaaya 33:8

Esa kikɛ daa maŋ naa yɔ enite to nɛ ekpaana na kikɛ dese fuloŋ. Basa maŋ naa wora a bɔlɔ kɔnɔkoŋwule be ŋkre so. Bumo alɛ maaŋ naa sa esa kama nɛ e bee bɛ mbe nnɔ naseso so bunyaŋ.

Aizaaya 36:19

Nnɛ nɛ basa nɛ b daa wɔ ndegboŋ nɛ baa tre Hamaf nɛ Appad nɛ Sefavaim na be agbirana naa wɔ naniere? Samɛria be efuli so be agbirana daa maŋ tiŋ ŋ kuŋ kasawule na ashi Asiriya be benapo be enɔ to.

Aizaaya 37:11

Fo nu kananɛ anyi Asiriya be bewura mur efuli pɔtɛana ko cheche be asheŋ. Nɛ manɛ so nɛ fee fɛ fanɛ shɛŋ shɛŋ maaŋ tiŋ n wora fo ere?

Aizaaya 37:13

Bewura nɛ b daa wɔ ndegboŋ nɛ baa tre Hamaf nɛ Apad nɛ Sefavaim nɛ Hena nɛ Iwa na kikɛ maŋ naa wɔtɔ. Bumo kikɛ mur!”

Aizaaya 7:8

Ŋkpal manɛ so, Siriya be efuli na maŋ kɔ eleŋ a chɔ kumo be kadegboŋ nɛ baa tre Damaskɔs na, nɛ Damaskɔs malɛ maŋ kɔ eleŋ a chɔ ewura Rezin. Ta a ba nfɛ adeshe nɛ anu be jemanɛ so Israɛl be efuli na bre beeŋ mur a maaŋ naa wɔtɔ gba.

Jɛremaya 46:2

Ijipt be asheŋ nɛ e daŋ juŋkpar m malga. Kusɔ nɛ e daŋ kaŋɛ a laŋɛ Ijipt be ewura Niko nɛ Babilɔn be ewura Nebukadneeza daŋ kɔ m pɔɔ so ashi kadegboŋ nɛ baa tre nɛ k mata Lɔrgboŋ nɛ baa tre Yufreetes na be benapo be kaplɛa so. Ewura Jehowakim ka ji Juda be kuwura be kafɛ nasopo to na nɛ loŋ wora. Kusɔ nɛ Enyɛnpe Ebɔrɛ na daŋ kaŋɛ ma nde:

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Ezikɛl 47:16

Kumo alɛ beeŋ naŋ keta loŋ n ya fo ndegboŋ nɛ baa tre Bɛrota nɛ Sibreem nɛ a dese nwursawule anyɔ nɛ baa tre Damaskɔs nɛ Hamaf be nferinto na, hale n ya fo kadegboŋ nɛ baa tre Tikɔn nɛ k dese kebonfu nɛ baa tre Hawuran na be gbaŋ ase na.

Habakuk 1:10

Baa keni bewuraana jiga nna nsaa mushe ekrachigboŋ. Egbal ŋko ebu lempo jeŋgreŋ kikɛ maaŋ tiŋ ŋ kuŋ bumo ekpa. Baa koli eshishɛr nna a deŋi abar so amo be mman a bɔla so a dii a luri ndeana to a kɔ amo to be basa kena.

Nɔmbɛs 34:8

nseŋ yili ndoŋ n yɔ Hamaf be kepla na ŋ keta n ya fo Zedad