Aizaaya 10:6 - EBƆRƐ BE KAWƆL

⁶ N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 10:6 ပူးပေါင်းရင်းမြစ်များ

2 Samuɛl 22:43

N nɔkɔr ma doŋana nɛ b ki fanɛ kasawule so be shishɛr, nseŋ chichi bumo so nɛ b ki fanɛ ekpa to be depɔ.

2 Bewura 18:25

Men baa nyi fanɛ Enyɛnpe Ebɔrɛ na e kaŋɛ ma fanɛ m ba kɔ m mur menyi be efuli ere. Mo alɛ e naŋ chɛ ma to.”

Aizaaya 19:17

Baaŋ fara a ŋana Judaebi ga. Hale nɛ b baŋ nu ketre Juda na gba, kufu bee pɛ bumo nna nɛ b baa chicha ŋkpal kusɔ nɛ Enyɛnpe Ebɔrɛ na bee kre a laŋɛ Ijipt be kaplɛa so so.

Aizaaya 22:5

Le be jemanɛ ere la keyeŋiyeŋi nɛ kekɔ n tɔr nɛ kebagato be saŋɛ nna ashi Ebɔrɛdare be Ketaŋɛ na to. Enyɛnpetale Ebɔrɛ na malɛ e bar kumo anyi so. Anyi be kadegboŋ na be egbalana nɛ b da n lɛ nɛ ekama bee shu a fin kechɛto ashi abee so.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 32:6

Bewulpo bee malga kawuli be mmalga nna nsaa kre asheŋ lubi be kewora be nia. Kusɔ kama nɛ baa wora ŋko a kaŋɛ la katege nna n sa Enyɛnpe Ebɔrɛ na. Bumo alɛ maa sa basa nɛ akoŋ kɔ ajibi ŋko basa nɛ achukoŋ kɔ nchu.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 41:25

Ma, Enyɛnpe Ebɔrɛ na lara esa ko nɛ e wɔ epeŋilarkpa. Men shin nɛ e shi kelargato be esoso m ba kɔ kena. E bee chichi bewura so nna fanɛ b ka la eshii, ŋko fanɛ kananɛ mpuliya be epɔrpo bee chichi ebɔ so na nna.

Aizaaya 49:17

Basa nɛ baaŋ lɔŋɛ fo egbalana m pɔr maaŋ chɛr nseŋ ba, nɛ basa nɛ b mur fo na e lar fo to n yɔ.

Aizaaya 49:25

Ama Enyɛnpe Ebɔrɛ nase kɔnɔ fanɛ e beeŋ kɔ n sa anyi nseŋ sɔ anyi be mbia n yige ashi an doŋana nɛ baa suge basa be asɔ eleŋso be enɔ to.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 5:29

Bumo be benapoana bee munto nna fanɛ ebuluŋ ka pɛ kusɔbɔya nsaa gbeye kumo a yɔ kakpa nɛ shɛŋ maaŋ tiŋ n suge kumo bumo kutɔ na.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 63:3

Nɛ Enyɛnpe Ebɔrɛ na kaŋɛ le: “Ma e nyaŋ efuliana na fanɛ asɔrso nɛ baa tre greeps na nɛ esa kikɛ maŋ chɛ ma to. N nya agbo nna n nyaŋ bumo fanɛ asɔrso, nɛ bumo be ŋklaŋ gbiti ma asɔbuuso.

Aizaaya 63:6

Agbo so nɛ n daŋ chichi efuli pɔtɛana na so m mata kasawule nseŋ farnyaŋ bumo to n lɛ nɛ bumo be ŋklaŋ lar n wurge kasawule.”

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Aizaaya 8:4

pɔɛŋ nɛ kebia na e daŋ m pin ketre, m ma ŋko n tuto na, Asiriya be efuli so be ewura beeŋ ba kɔ n suge kusɔ lela nɛ k kɔ tɔnɔ kikɛ ashi Damaskɔs nɛ Samɛria n yɔ Siriya be efuli so.”

Aizaaya 8:8

Bedoŋ be benapo beeŋ ba sɔ Juda be efuli kikɛ so fanɛ lɔr to be nchu ka bɔlɔ n dii m muni kusɔ kama so na.” Ebɔrɛ wɔ anyi kutɔ! E parga mbe aba to fanɛ kabuibi nna, a kuŋ kasawule na.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Aizaaya 9:19

Enyɛnpetale Ebɔrɛ na ka nya agbo so, mbe kasogberge bee chɔɔ nna fanɛ edɛ a mur basa na ashi kasawule na kikɛ so, nɛ k ki fanɛ ekama nɛ mbe kumu so be asheŋ nna na.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 34:22

Meeŋ kaŋɛ bumo nɛ b bɛta m ba kadegboŋ ere to m ba kɔ n sɔ nseŋ chɔɔ kumo n lɛ. Meeŋ shin nɛ Juda be ndeana e ki fanɛ keshishɛrsawule nɛ esa kama maŋ wɔ amo to. Ma, Enyɛnpe Ebɔrɛ e kaŋɛ na.”

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Ezikɛl 29:20

Ŋkpal manɛ so, ewura na nɛ mbe benapo kikɛ daa shuŋ nna a sa ma, Enyɛnpetale Ebɔrɛ na.

Ezikɛl 38:12

Kumo be kaman, nɛ fo kɔ n suge basa nɛ b wɔ ndegboŋana nɛ a daŋ bure a dese na be asɔ. B la basa nɛ b shi efuli pɔtɛana so nna m ba abar nsaa kɔ asɔbɔya nɛ asɔ nsaa wɔ durnya be kakpa k bee bɔlɔ kenishi ga na naniere.

Ezikɛl 38:13

Saŋɛ na so nɛ Sheba nɛ Dedan be efuliana so be basa nɛ Speen be efuli so be ndeana to be eyawujipo e bishi fo fanɛ fo gama fo benapo abar so nna nɛ fo kɔ n suge asɔ fanɛ shuwa nɛ gbiti nɛ asɔbɔya kikɛ n yɔ a?

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Zakareya 10:5

Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Matiu 15:7

Kebirkɔnshiwuraana ere! Anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ Ebɔrɛ kaŋɛ: