Aizaaya 10:5 - EBƆRƐ BE KAWƆL

⁵ Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 10:5 ပူးပေါင်းရင်းမြစ်များ

Jɛnesis 10:11

E ka lar kasawule na so nɛ e yɔ Asiriya be kasawule so n ya fara Ninɛve nɛ Rehobɔt nɛ Ir nɛ Kala be nde.

2 Bewura 18:25

Men baa nyi fanɛ Enyɛnpe Ebɔrɛ na e kaŋɛ ma fanɛ m ba kɔ m mur menyi be efuli ere. Mo alɛ e naŋ chɛ ma to.”

2 Bewura 19:25

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ nɛ b pɔr egbalana ŋ kulti na ki nde bureso.

Nshɛ 125:3

E maaŋ shuli n shin nɛ kumukpakpasowuraana e ji kuwura mbe basa so, ŋko n fule bumo nɛ b wora alubi.

Nshɛ 17:14

Enyɛnpe Ebɔrɛ ta fo enɔ lempo na m mɔlga ma ashi loŋ be basa be enɔ to. Basa nɛ durnya ere be kebaawɔtɔ nawule la bumo be tɔnɔ. Fo e naa sa basa nɛ fee sha ajibi; bumo be mbia beeŋ nya n ji kanaŋkama so, nɛ bumo nanabiana gba e nya n ji kanaŋkama so.

Aizaaya 10:15

Ama le nɛ Enyɛnpe Ebɔrɛ na kaŋɛ Asiriya be ewura na: “Kekpanfu ŋko kasaŋɛgboŋ beeŋ tiŋ ŋ kaŋɛ fanɛ kumo e chɔ esa nɛ e bee keta kumo a shuŋ na a? Dimɛdi e naa keta kaprɛ ŋko kaprɛ e naa keta dimɛdi?”

Aizaaya 10:25

K maaŋ chɛr nɛ ma agbo e wushi nɛ ŋ gberge Asiriyaebi kusoe m mur bumo cheche ŋkpal bumo be asheŋ lubi so.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 14:24

Kumo be kaman nɛ Enyɛnpetale Ebɔrɛ na bɔ ntaŋ ŋ kaŋɛ le: “Kusɔ nɛ n yili ma kagbene to fanɛ meeŋ wora na gbagba nɛ meeŋ wora.

Aizaaya 14:25

Meeŋ mur Asiriya be efuli so be basa ashi ma kasawule nɛ k la Israɛl be fuli na so nseŋ chichi bumo so ashi ma abee so. Ma alɛ beeŋ mɔlga ma basa ashi bumo be etɔrɔ kikɛ nɛ bumo be kebaala Asiriyaebi be anya to.

Aizaaya 23:13

Keni kusɔ nɛ Asiriyaebi wora Babilɔn be efuli so be basa! B kre kena m ba gbare shishɛr n deŋi abar so nseŋ dii amo so n luri kadegboŋ na to ŋ kɔ kumo nseŋ mur kasawule na so be ewurkpa kikɛ. Naniere kupuŋ to be asɔbɔya lubi e wɔ kumo be alambure na to.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Aizaaya 29:2

Ama Ebɔrɛ beeŋ shin nɛ jɛrbi e ba kadegboŋ nɛ baa tre “Ebɔrɛ be bɔrɛsure” na so. Kagbenejija nɛ kushu beeŋ baa wɔ kadegboŋ na to nɛ k ki fanɛ bɔrɛsure nɛ ŋklaŋ gbiti kumo kikɛ na.

Aizaaya 30:27

Enyɛnpe Ebɔrɛ na be eleŋgboŋ nɛ kemaŋkura shi kufɔ kufɔ a ba. Edɛ nɛ edishi e naa ŋini mbe agbo. E malga nɛ mbe kɔnɔ to be mmalga bee chɔ fanɛ edɛ na.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Aizaaya 34:2

Eyɛnpe Ebɔrɛ na nya agbo n wɔtɔ efuli pɔtɛana na nɛ amo be benapo kikɛ. Mo alɛ yili kumo fanɛ bumo kikɛ beeŋ mur.

Aizaaya 66:14

Men kaŋ wu le ka bee wora, menyi be ŋgbene beeŋ fuli menyi nɛ men nya eleŋ nɛ alenfia. Aloŋ nɛ menyeeŋ pin fanɛ ma, Enyɛnpe Ebɔrɛ na bee chɛ basa nɛ baa wora ma kasonu na to nna; ma alɛ nsaa shin nɛ ma agbo bee ba n doŋana so.”

Aizaaya 7:17

Ama Enyɛnpe Ebɔrɛ na beeŋ shin nɛ etɔrɔ damta nɛ a chɔ etɔrɔ kama nɛ a daŋ ba menyi so, yili jemanɛ nɛ Israɛl nɛ Juda be kuwurji barga to m ba fo kabre na, e ba fo nɛ fo basa nɛ fo tuto be laŋ to ebi kikɛ so. E beeŋ shin nɛ efuli nɛ baa tre Asiriya na be ewura gba e ba kɔ menyi kena.

Aizaaya 7:20

Jemanɛ na kaŋ fo, Enyɛnpe Ebɔrɛ na beeŋ ber wonjomu paa ashi lɔrgboŋ nɛ baa tre Yufreetes na be kaba ndoŋ m ba she menyi be ntɔl nɛ menyi be amu nɛ eyur so be afuibi. Mo e naaŋ baa la Asiriya be efuli so be ewurgboŋ na.

Aizaaya 8:4

pɔɛŋ nɛ kebia na e daŋ m pin ketre, m ma ŋko n tuto na, Asiriya be efuli so be ewura beeŋ ba kɔ n suge kusɔ lela nɛ k kɔ tɔnɔ kikɛ ashi Damaskɔs nɛ Samɛria n yɔ Siriya be efuli so.”

Aizaaya 8:7

Ma, Enyɛnpe Ebɔrɛ na, beeŋ shin nɛ Asiriya be ewurgboŋ nɛ mbe benapo kikɛ e ba kɔ Juda be basa. Asiriyaebi na beeŋ ba buu bumo so fanɛ Lɔrgboŋ nɛ baa tre Yufreetes na ka bɔlɔ n dii kumo be kepla kikɛ so na.

Ezikɛl 22:31

Amoso ma agbogboŋ beeŋ mur Israɛl be basa ŋkpal kusɔ nɛ b wora so. Ma, Enyɛnpetale Ebɔrɛ e kaŋɛ na.”

Ezikɛl 7:10

To, kemur be kachɛ na taga to! K teŋ fo gba! Kebaa maa ji kashenteŋ nɛ mpuchi be kebaawɔtɔ sɔ kaplɛkama.

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Nahum 1:1

Kubɔya ere la bɔrɛdare nɛ Enyɛnpe Ebɔrɛ na shin nɛ Nahum, nɛ e shi kade nɛ baa tre Ɛlkɔsh na, ku a laŋɛ kadegboŋ nɛ baa tre Ninɛve na be kaplɛa so nna.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Zefanaiya 2:13

Enyɛnpe Ebɔrɛ na beeŋ ta mbe eleŋgboŋ m mur Asiriya be efuli nseŋ shin nɛ kadegboŋ nɛ baa tre Ninɛve na e bure n dese fanɛ keshishɛrsawule nɛ k maŋ kɔ nchu na.

Nɔmbɛs 24:24

Basa beeŋ ta nchu so be ekuloŋgboŋana n shi Saiprus m ba kɔ m pɔɔ Asiriya nɛ Heba so. Ama kumo be kaman Saiprus gba beeŋ mur cheche.”