Aizaaya 10:4 - EBƆRƐ BE KAWƆL

⁴ Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.

Aizaaya 10:4 ပူးပေါင်းရင်းမြစ်များ

Aizaaya 22:2

Awɔr e sɔ kadegboŋ na kikɛ to nɛ basa bee ji a nuu nsaa boŋ nshɛ a cha kaplɛkama. Menyi be basa nɛ b wu kena ere to ere be ekama maa kɔ kena nna nseŋ wu.

Aizaaya 24:22

Ebɔrɛ beeŋ gbargbar bewuraana n wɔtɔ kemaŋ gboŋ koŋwule to fanɛ basa nɛ b wɔ kabuti to na. E beeŋ ti bumo so loŋ hale nɛ bumo be kasogberge be saŋɛ e ya fo ekar.

Aizaaya 34:3

Baaŋ wu n dese m bɛa a dufɛ nɛ bumo be ŋklaŋ malɛ e shile abee so ŋ gbelge to fanɛ nchu na.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 66:16

Edɛ nɛ tokobi nɛ Enyɛnpe Ebɔrɛ na kɔ ba nɛ e ba ji durnya to be basa kikɛ demu nɛ basa damta nɛ baaŋ ji n tɔr na e wu.

Aizaaya 9:11

Ndoŋ nna nɛ Enyɛnpe Ebɔrɛ na shin nɛ bumo doŋana kre m ba nɛ b ba kɔ bumo kena.

Aizaaya 9:12

Enyɛnpe Ebɔrɛ na daŋ shin nna nɛ Siriya be benapo shi epeŋilarkpa nɛ Filisti be benapo malɛ shi epeŋitɔrkpa m bela ase m ba kɔ Israɛl be basa kena m mur bumo. Ama amo nɛ amo kikɛ Enyɛnpe Ebɔrɛ na be agbo kra maŋ wushi. E kraa shin nɛ e gberge bumo kusoe nna n ti so.

Aizaaya 9:16

Basa nɛ baa juŋkpar basa ere shin nɛ b foe ekpa nna nseŋ mel to kikɛ.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Aizaaya 9:20

Basa bee fuu ajibi kama nɛ b wu kenishiso nna a ji ashi efuli na be kaplɛkama, ama akoŋ kraa mɔ bumo. B daa daŋɛ bumo be mbia gba nna a we!

Aizaaya 9:21

Manase be yiri to be basa nɛ Efrayim be yiri to be basa daa kɔ abar nna nseŋ naa chɛ abar to a kɔ Juda be yiri to be basa kena. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe nna n ti so.

Jɛremaya 15:2

Nɛ b kaŋ bishi fo fanɛ nnɛ nɛ baaŋ baa yɔ, fo kaŋɛ bumo le: “Alɔ lubi beeŋ mɔ bumo be beko nɛ beko malɛ e wu kena to. Akoŋgboŋ beeŋ mɔ bumo be beko, nɛ bedoŋ malɛ e pɛ beko n yɔ efuli pɔtɛana so fanɛ anya.

Jɛremaya 37:10

Hale nɛ men tiŋ ŋ kɔ m pɔɔ Babilɔn be benapo na kikɛ so gba, bumo be basa nɛ b doro a dese bumo be ewajɛbu to kraa beeŋ koso n chɔɔ kadegboŋ ere n lɛ.”

Jɛremaya 4:8

Amoso men ta nli be asɔbuuso m buu nsaa shu a boŋ to, ŋkpal manɛ so, Enyɛnpe Ebɔrɛ na be kanya agbogboŋ maaŋ wushi Juda be efuli so be basa so.

Hoziya 9:12

Hale nɛ b kurge mbia gba, meeŋ shin nɛ mbia na kikɛ e wu. Nɛ m baŋ maŋ wora loŋ malɛ, meeŋ shin nɛ tɔrɔ damta e tu to bumo.”

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.