Aizaaya 10:3 - EBƆRƐ BE KAWƆL

³ To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 10:3 ပူးပေါင်းရင်းမြစ်များ

Jɛnesis 31:1

Kachako nɛ Jeekɔb nu Leeban be mbia ka bee malga le: “Jeekɔb ta an tuto be kanya kikɛ ŋ ki mo peya, nseŋ bɔla amo so n dii dama.”

2 Bewura 7:15

Nɛ basa na pɛ ekpa hale n ya fo Jɔɔdan be lɔr na ase kikɛ nseŋ wu Siriyaebi na be asɔbuuso nɛ akɔsɔ nɛ b yige n lɛ kubɔrso saŋɛ so nɛ baa shile na. B ka wu loŋ na, nɛ b bɛta m ba kaŋɛ ewura na.

Job be kawɔl 31:14

n daa maaŋ tiŋ n ya yili Ebɔrɛ be anishito nɛ e ji ma demu nɛ n ji n lar.

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Aizaaya 17:4

Kumo be kaman nɛ Enyɛnpe Ebɔrɛ na naŋ kaŋɛ le: “Kachako bee ba nɛ Israɛl be kemaŋkura nɛ keshi e ba ekar nɛ kumo be damawuraana e ki betirpo nseŋ nyɔr ŋ ki awibi nawule.

Aizaaya 20:6

Loŋ be jemanɛ na kaŋ fo, basa nɛ b wɔ Filisti be efuli so be teku be ekarso na beeŋ kaŋɛ le: ‘Keni kusɔ nɛ k wora basa nɛ an ta anyi be amu to so fanɛ b baa kuŋ anyi ashi Asiriya be ewurgboŋ be enɔ to na! Nuso nɛ anyi alɛ beeŋ wora n nya anyi be amu?’ ”

Aizaaya 26:14

Bumo kikɛ wu naniere nsaa maaŋ naa wɔ ŋkpa to. Bumo be abuniyoyu maaŋ naŋ koso kikɛ, ŋkpal fo ka gberge bumo kusoe nseŋ mur bumo so. Esa maaŋ naŋ nyiŋi bumo kikɛ.

Aizaaya 26:21

Keni, Enyɛnpe Ebɔrɛ na beeŋ shi ebɔrɛso m ba gberge durnya to be basa kusoe ŋkpal bumo alubi so. Basa kama nɛ b mɔ ashiri to na be asheŋ beeŋ lar efuli nɛ b nya kumo be kasogberge.

Aizaaya 28:20

Menyeeŋ baa du fanɛ esa nɛ b bɔ keŋasa ere a laŋɛ mbe kaplɛa so na nna. B yɛ, e wora ania nɛ e dese gedo shiimbi nɛ e maaŋ tiŋ n teŋi mbe aya to so nseŋ naŋ ta keta nɛ k maŋ wɔ mpar nɛ k tiŋ m buu mo kikɛ so m buu nna.

Aizaaya 29:6

nɛ Enyɛnpetale Ebɔrɛ na beeŋ bɔla bɔrɛfugboŋ nɛ kebembeŋ so ŋ kɔ n suge menyi n yige. E beeŋ shin nɛ afugboŋ nɛ edɛ wuloŋwuloŋ e ba.

Aizaaya 30:16

Kusɔ nɛ menyee fɛ e la fanɛ menyeeŋ dii egbaŋɛ shileso n shile m mɔlga menyi be amu ŋkpal men doŋana so. Menyee fɛ fanɛ menyi be egbaŋɛ beeŋ tiŋ n shile ga ama bumo nɛ baa ju a buu menyi so na peya beeŋ shile a chɔ bumo nɛ b pɛ menyi.

Aizaaya 30:5

ama Ijiptebi na maaŋ tiŋ ŋ kuŋ bumo. Keyirda loŋ be efuli na la jiga nna nsaa la kawulisheŋ n ti so.”

Aizaaya 30:7

Ijipt be kechɛto maŋ la shɛŋ. Amoso nɛ mee tre kumo ‘Kusɔ gbeyeso nɛ k du fanɛ laŋchaŋ a maaŋ tiŋ n wora shɛŋ na.’ ”

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 39:3

Kumo be kaman nɛ anebi Aizaaya yɔ ewura Hɛzekaya kutɔ n ya bishi mo le: “Nnɛ nɛ basa ere shi m ba nfe; nɛ manɛ nɛ b kaŋɛ fo?” Nɛ ewura Hɛzekaya kaŋɛ: “B shi efuli wɔfɔ ko nɛ baa tre kumo Babilɔn na nna.”

Aizaaya 5:14

Bubuni wora shiriya nna m bela ase a jo Jerusalɛm to be bejuŋkparpoana na nɛ jimaŋ damta nɛ baa cha awɔr na, fɔŋfɔŋ bumo nɛ baa puchi kadegboŋ na so na.

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Jɛremaya 22:7

Meeŋ shuŋi basa nɛ b ba mur kumo. Baaŋ ta akpanfu m ba ku kumo be eshabɔrɛ nɛ b ta ndibi nɛ baa tre sida na be alela n wora na n lɛ edɛ to n chɔɔ.

Jɛremaya 4:30

Jerusalɛmebi, menyi be kasawule mur cheche nna na. Ama men kraa wora asheŋ nna a fin fanɛ men doŋana e baa sha menyi; fanɛ kananɛ sakaleche bee ji kebita a fin beshapo na. Ama kumo alɛ maŋ chɛ menyi to kikɛ, ŋkpal manɛ so menyi be beshapo na bee fin menyi nɛ b mɔ nna.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 9:9

Kumo be kaman nɛ Enyɛnpetale Ebɔrɛ na bishi le: A maŋ daga fanɛ ŋ gberge bumo kusoe, ŋko m bishi efuli nɛ k du le ere kuwule a?”

Hoziya 5:13

Israɛlebi ka wu alɔ nɛ Judaebi malɛ wu edoro nɛ a wɔ bumo so na, nɛ Israɛlebi ya fin kechɛto ashi Asiriya be efuli so be ewurgboŋ na kutɔ, ama mo alɛ gba maŋ tiŋ n chɛ bumo be alɔ nɛ edoro na.

Hoziya 9:5

Enyɛnpe Ebɔrɛ malɛ be kachɛgboŋ nɛ menyee bunyaŋ mo na be saŋɛ kaŋ fo, nuso nɛ menyeeŋ wora?

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Eemɔs 5:19

Loŋ be kachɛ na beeŋ baa ka du fanɛ esa ka bee shile a ŋana buluŋ so nna nseŋ ya lar shishiri so! Ŋko esa ka ba laŋ to nɛ e ba wushi nseŋ ta mbe enɔ n deŋi egbal so nɛ kuwɔ e duŋ mo.

Maika 7:4

Bumo to be basa nɛ bumo be kebaawɔtɔ niŋi nɛ baa ji kashenteŋ gba maŋ bɔ. B du fanɛ ewidibi nna. To, kachɛ fo nɛ Ebɔrɛ e gberge edimɛdi kusoe, fanɛ kananɛ e bɔla anebiana na so ŋ kpele bumo kusoe na. Naniere bumo be nfɛra wulto nna.

Zefanaiya 1:18

Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

Luuk 19:44

nseŋ da menyi be kade ere n lɛ kasawule nseŋ mur menyi kikɛ nɛ kumo to be egbalana ere kikɛ e buri to nyam n deŋi abar so le kululu. Ŋkpal manɛ so, men daa maŋ pin jemanɛ nɛ Ebɔrɛ daŋ ba nɛ e ba mɔlga menyi na.”

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.