Aizaaya 10:2 - EBƆRƐ BE KAWƆL

² Kananɛ menyee wora a maa ji kashenteŋ a sa betirpo nɛ basa nɛ asheŋ tir bumo ashi menyi be demujikpaana nseŋ naa suge bekulpoche nɛ amunibi be asɔ nna na.

Aizaaya 10:2 ပူးပေါင်းရင်းမြစ်များ

Job be kawɔl 31:16

M maŋ naŋ kini kechɛ betirpo to kikɛ, ma alɛ maŋ naŋ mɔn bekulpoche kusɔ nɛ baa sha kikɛ.

Nshɛ 94:6

Baa mɔ bekulpoche nɛ amunibi nɛ befɔ nɛ b wɔ kasawule na so nna.

Ɛksodɔs 23:6

Men sa maa mɔn betirpo kashenteŋ ashi demujikpa ŋkpal b ka la betirpo so.

Aŋasa 22:22

Sa maŋ puni esa ŋkpal e ka la etirpo so, ŋko m mutir esa ashi demujikpa ŋkpal e ka maŋ kɔ shɛŋ so.

Aŋasa 30:14

Basa ko be kebaawɔtɔ e la kebaa kɔ kumu kpakpaso a mɛaŋ betirpo nɛ bebɔlpo.

Aizaaya 1:17

nseŋ koya kebaawora kusɔ nɛ k daga. Men shin nɛ keji asheŋ nɛ amo be ekpa so e baa wɔ menyi to. Kumo e la fanɛ, men baa chɛ bumo nɛ baa mɛaŋ to nsaa sa bemunibi asɔ nɛ a daga bumo nsaa ji bekulpoche be asheŋ ashi demujikpa nɛnɛ a sa bumo.”

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Aizaaya 3:14

E bee shin nɛ e ji mbe basa be benimuana nɛ bejuŋkparpoana demu nseŋ kaŋɛ le a laŋɛ bumo be kaplɛa so: “Men chɔɔ ma adɔjibi m mur nseŋ nyaŋ betirpo n suge asɔ m bɔlɔ menyi be elaŋana.

Aizaaya 3:15

Menyi alɛ maŋ kɔ ekpa nɛ men nyaŋ ma basa n wɔtɔ nsaa ta betirpo fanɛ b maŋ la shɛŋ ŋkpal bumo be ketir so. Ma, Enyɛnpetale Ebɔrɛ na e kaŋɛ na.”

Aizaaya 32:6

Bewulpo bee malga kawuli be mmalga nna nsaa kre asheŋ lubi be kewora be nia. Kusɔ kama nɛ baa wora ŋko a kaŋɛ la katege nna n sa Enyɛnpe Ebɔrɛ na. Bumo alɛ maa sa basa nɛ akoŋ kɔ ajibi ŋko basa nɛ achukoŋ kɔ nchu.

Aizaaya 5:23

Ŋkpal menyi be kebaasɔ brɔbu basa kutɔ so, basa nɛ b daga fanɛ b ji n tɔr na bee nya bumo be amu nna a ji. Menyi alɛ bee ji demu nna a puni basa nɛ b maŋ wora alubi na.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Aizaaya 59:15

Kashenteŋji ka maŋ naa wɔtɔ so, bekama nɛ b yige asheŋ lubi be kewora na bee luri asheŋ to nna.” Enyɛnpe Ebɔrɛ na b kagbene daa maŋ fuli mo ŋkpal keji asheŋ nɛ amo be ekpa so ka maŋ naa wɔtɔ so.

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Nfabel 3:35

ŋko kepuni esa be kusɔ maa par mo. Enyɛnpetale Ebɔrɛ na bee wu kusɔ kama,

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Eemɔs 2:6

Enyɛnpe Ebɔrɛ yɛ: “Israɛl be basa wora alubi n ya baŋ so, amoso abaanaaworashɛŋ meeŋ gberge bumo kusoe. Baa fa beshenteŋjipo a sɔ amansherbi nna, nsaa fa betirpo malɛ asɛbta katuŋ koŋwuleso be yawu.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Eemɔs 5:19

Loŋ be kachɛ na beeŋ baa ka du fanɛ esa ka bee shile a ŋana buluŋ so nna nseŋ ya lar shishiri so! Ŋko esa ka ba laŋ to nɛ e ba wushi nseŋ ta mbe enɔ n deŋi egbal so nɛ kuwɔ e duŋ mo.

Maika 3:1

Ndoŋ nna nɛ Maika kaŋɛ le: “Israɛlebi be bejuŋkparpo, men nu nfe! Men nyi kelela nɛ kulubi be mbarga,

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.