Aizaaya 10:13 - EBƆRƐ BE KAWƆL

¹³ Asiriya be ewurgboŋ bee puchi nna a kaŋɛ le: “Ŋ gbagba be eleŋ so nɛ n wora ade kikɛ. Ma alɛ kɔ eleŋ nsaa nyi asheŋ nsaa kɔ kenyi ga. N du fanɛ gbolu kpenso nɛ e bee tɛ a yuu basa so nna a suge efuliana na be nsawule nɛ mpetɛsɔ na eleŋ so.

Aizaaya 10:13 ပူးပေါင်းရင်းမြစ်များ

2 Bewura 15:29

Saŋɛ so nɛ Pɛka daa ji Israɛl be kuwura na, nɛ Asiriya be ewurgboŋ nɛ baa tre Tiglaf Pilesa na kɔ n sɔ Ijɔn nɛ Abel Bɛf Maaka nɛ Janua nɛ Kadɛsh nɛ Hazɔɔ nɛ Giliad nɛ Galili nɛ Naftali be nsawuleana nseŋ pɛ Israɛlebi nɛ b wɔ ndoŋ na n yɔ Asiriya n ya ti ebu.

2 Bewura 16:8

Amoso ewura Ahaz daŋ ta asɔ ko nna ashi bɔrɛlambu na to nɛ ewura be laŋ to nɛ bejuŋkparpoana na pe n ya sa Asiriya be ewura na.

2 Bewura 17:24

Asiriya be ewurgboŋ na daŋ lara basa ashi Babilɔn nɛ Kuuta nɛ Awa nɛ Hamaf nɛ Sefavaim be nde to nna nseŋ tintiŋ bumo n yɔ Israɛl be efuli so nɛ b ya chena ndoŋ. B daŋ ya sɔ nde nɛ Israɛlebi na be nde nna n chena n ta bumo be kadegboŋ Samɛria n ti so.

2 Bewura 17:6

Hoshiya be kuwurji be kafɛ kpanusopo to nɛ Asiriya be ewura kɔ m pɔɔ Samɛria be kade so nseŋ pɛ Israɛlebi na n yɔ Asiriya n ya ti ebu. E daŋ yɛr bumo be beko Halaf be kade to nna nseŋ yɛr beko malɛ Gozan be efuli so a mata Lɔr nɛ baa tre Habɔɔ na, nseŋ yɛr beko malɛ Midia be nde to nɛ b ya chena ndoŋ.

2 Bewura 18:11

Asiriya be ewurgboŋ na ka kɔ m pɔɔ Samɛria be kade na so nɛ e pɛ Israɛlebi na n yɔ Asiriya n ya ti ebu. E daŋ yɛr bumo be beko Halaf be kade to nseŋ yɛr beko malɛ Gozan be efuli so a mata Lɔr nɛ baa tre Habɔɔ na nseŋ yɛr beko malɛ Midia be efuli so be nde to.

2 Bewura 18:15

Ndoŋ nna nɛ Ewura Hɛzekaya shin nɛ b ta gbiti nɛ a wɔ Enyɛnpe Ebɔrɛ be bɔrɛlambu to nɛ mbe laŋ to be kpanjawu to na n ya sa mo.

2 Bewura 18:32

n ya fo saŋɛ nɛ ewurgboŋ na beeŋ lɔŋɛ menyi n chena efuli nɛ k du fanɛ men gbagba be efuli, a kɔ ewaindibi be asɔrso nɛ menyeeŋ baa ta a wora eyabra, nɛ ayu nɛ men baa ta a wora ebodobodo, na so. K la kasawule nɛ k kɔ ɔlif be ŋku nɛ mushoŋ ga nna. Men baa kɔ kasonu n sa mo akoŋ maaŋ mɔ menyi ndoŋ kikɛ, menyeeŋ ba ji a moɛ. Men sa maŋ shin nɛ ewura Hɛzekaya e fule menyi nɛ men baa fɛ fanɛ Enyɛnpe Ebɔrɛ na beeŋ mɔlga menyi.

1 Kronikɛls 5:26

Amoso Ebɔrɛ daŋ shin nna nɛ Asiriya be ewura Puul nɛ mbe ketre ko bee ji Tiglaf Pilesa na, ya kɔ bumo be efuli na m pɔɔ bumo so. E daŋ pɛ Ruben nɛ Gad nɛ Manase be epeŋilarkpa be kaba so be basa nna n tintiŋ bumo n yɔ nde wɔfɔ nɛ baa tre Haala nɛ Haabɔ nɛ Haara nɛ a mata Gozan be Lɔr na n shin nɛ b chena ndoŋ hale kabre.

Aŋasa 28:11

Damawuraana bee fɛ nna fanɛ b nyi asheŋ, ama etirpo nɛ e bee pin asheŋ to beeŋ tiŋ m pin fanɛ mannɛ damawuraana kikɛ e nyi asheŋ.

Aizaaya 10:8

E daa puchi nna a kaŋɛ le: “Ma benapo be bejuŋkparpoana na be ekama la ewura nna!

Aizaaya 5:21

Asheŋ maaŋ nyalɛ n sa menyi! Menyee fɛ fanɛ menyi be anishi bugi nna nɛ men nyi asheŋ ga.

Jɛremaya 46:8

Ijipt e koso fanɛ Nail na; k koso fanɛ lɔr ka bɔlɔ n dii kumo be agurɔŋgu so nna. Ijiptebi yɛ: ‘Anyeeŋ koso m buu durnya kikɛ so, anyeeŋ mur ndegboŋana nɛ amo to be basa.

Jɛremaya 48:14

Mowab be benyɛn bee kaŋɛ nna fanɛ bumo ere la benapo lempo nɛ b kɔ kenyɛn nna.

Ezikɛl 25:3

Kaŋɛ bumo fanɛ b kaŋ asoe n nu kusɔ nɛ ma, Enyɛnpetale Ebɔrɛ na bee kaŋɛ: E yɛ menyi be ŋgbene daŋ fuli menyi nna jemanɛ nɛ men daŋ wu ma bɔrɛlambu ka jija kuraa nɛ Israɛl be efuli mur nɛ b pɛ Juda be basa n yɔ efuli wɔfɔ so na nna.

Ezikɛl 26:2

“Dimɛdi pibi, Ezikɛl, kadegboŋ nɛ baa tre Tayɛ na be basa daŋ ji eyur nna nseŋ boŋ kashɛ ere ŋkpal Jerusalɛm ka daŋ kɔ n tɔr so: ‘Jerusalɛm bure n tɔr! Nɛ kumo be yawu be keji be eleŋ loge! Amoso k maaŋ naa kɔ anyi kukɔrkɔ ŋkpal yawu be keji so!’

Ezikɛl 29:3

Kaŋɛ Ijipt be ewura fanɛ Enyɛnpetale Ebɔrɛ na bee kaŋɛ fanɛ, fo ki n doŋ nna ŋkpal fo ka ta fo kumu fanɛ laŋchaŋ nɛ e kɔ eleŋ a wɔ lɔr to na so. Fo alɛ naŋ kaŋɛ fanɛ feeto lɔrgboŋ nɛ baa tre Nail na a ki feya.

Ezikɛl 35:13

Ma alɛ naŋ nu mpuchi be mmalga nɛ men malga ŋ gbiti ma na gba.”

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Eemɔs 5:27

Amoso meeŋ shin nɛ men doŋana e pɛ menyi nseŋ tintiŋ menyi n yɔ kadegboŋ nɛ baa tre Damaskɔs na hale m baŋ kumo so n yɔ efuli wɔfɔ kenyaya to.” Enyɛnpe Ebɔrɛ nɛ mbe ketre la Enyɛnpetale Ebɔrɛ na e malga na.

Eemɔs 6:13

Menyee ji njɔŋ nna ŋkpal men ka kɔ m pɔɔ Lodiba be kade so so. Nsaa wu menyi be amu ŋkpal men ka kɔ n sɔ Karnayim so.

Habakuk 1:11

Kumo be kaman nɛ b choŋ fanɛ afu na. Bumo be eleŋ du fanɛ kegbir be eleŋ nna n sa bumo nɛ baa bunyaŋ kumo.”

Habakuk 1:16

Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.

Habakuk 2:6

Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

Ditɛronɔmi 8:17

Amoso men sa maŋ kaa fɛ fanɛ menyi gbagba be eleŋ nɛ ketiŋwora so nɛ men nyalɛ nseŋ dii dama na.

Demujipoana 7:2

Nɛ Enyɛnpe Ebɔrɛ na kaŋɛ Gidiɔn: “Benapo nɛ fo kɔ na shi ga n sa ma nɛ m bɔla bumo so m pɔɔ Midianebi na so. M maa sha Israɛlebi na e fɛ fanɛ bumo gbagba e tiŋ ŋ kɔ m pɔɔ so nsaa maŋ pin fanɛ ma e kɔ n sa bumo.