Aizaaya 10:1 - EBƆRƐ BE KAWƆL

¹ Asheŋ maaŋ nyalɛ n sa menyi! Menyee wora mbra nɛ a kɔ ŋkpɛato nna nsaa bɔla amoso a nyaŋ ma basa a wɔtɔ a tɔrɔ bumo.

Aizaaya 10:1 ပူးပေါင်းရင်းမြစ်များ

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

Nshɛ 58:2

M-m, asheŋ lubi nawule be asheŋ nɛ menyee kre ashi men be ŋgbene to, nsaa ta men be enɔana a mɔ basa.

Ɛksodɔs 23:3

Men sa maa ji a chɛ esa to ŋkpal e ka la etirpo so.

Ɛksodɔs 23:6

Men sa maa mɔn betirpo kashenteŋ ashi demujikpa ŋkpal b ka la betirpo so.

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Aizaaya 3:14

E bee shin nɛ e ji mbe basa be benimuana nɛ bejuŋkparpoana demu nseŋ kaŋɛ le a laŋɛ bumo be kaplɛa so: “Men chɔɔ ma adɔjibi m mur nseŋ nyaŋ betirpo n suge asɔ m bɔlɔ menyi be elaŋana.

Aizaaya 5:11

Asheŋ kraa maaŋ nyalɛ n sa menyi nɛ menyeeŋ koso n fara kasanuu kachipurdidi hale nɛ kaaseso e ya fo nɛ menyi kraa boo ere.

Aizaaya 5:18

Asheŋ maaŋ nyalɛ n sa menyi! Menyi maaŋ tiŋ n suge menyi be amu ashi menyi be alubi to.

Aizaaya 5:23

Ŋkpal menyi be kebaasɔ brɔbu basa kutɔ so, basa nɛ b daga fanɛ b ji n tɔr na bee nya bumo be amu nna a ji. Menyi alɛ bee ji demu nna a puni basa nɛ b maŋ wora alubi na.

Aizaaya 5:8

Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Aizaaya 59:13

An lar fo kaman nseŋ kini fo a maa shuŋ fo. Anyi alɛ kɔrfɛ beko ga nseŋ shile fo. Anyi be nfɛra fɛso gba la kafulesheŋ nna nɛ anyi be mmalga malɛ maŋ la kashenteŋ.

Aizaaya 59:4

Men baŋ yɛra asheŋ demujikpa gba, men maa nya kashenteŋ ashi menyi be edemu be keji to. Efɛ nɛ menyee ku a ji lar edemuji na to. Basa be keji awurfoŋ be ŋkre e wɔ menyi to nɛ menyee wora a bɔlɔ so.

Jɛremaya 22:13

Nɛ Enyɛnpe Ebɔrɛ na kaŋɛ ma fanɛ ŋ kaŋɛ Juda be ewura popɔr, Jehowakim le: “Asheŋ maaŋ nyalɛ n sa fo, ŋkpal manɛ so, fo bɔla ekpa lubi so nna m pɔr fo ewurkpa nseŋ pɔr ebu gboŋgboŋiana kumo be awɔlto na. Kumo be kaman nɛ fo wɔtɔ etokurogboŋ nseŋ buu kumo so n ta ndibi nɛ baa tre sida na n tato, nseŋ naŋ ta asɔ nyɔɔso peper n nyɔɔ kowu na. Ama fo alɛ daŋ maŋ wora nɛnɛ. Fo daŋ tintiŋ bepɔrpo na nna nɛ b shuŋ nɛ fo kini keka bumo.

Eemɔs 2:7

B daa ŋin bepɔshipo nɛ basa nɛ b maaŋ tiŋ n chɛ bumo be amu to nna a lɛ kasawule a chichi bumo so nsaa maa ji betirpo be asheŋ nɛ amo be ekpa so. Ma ketre cheembi na jija nna ŋkpal mbia nɛ bumo tutoana ka bee di beche koŋwule so.

Maika 6:16

Le be asheŋ ere beeŋ ba menyi so nna ŋkpal men ka bɛ ewura Omri nɛ mo pibinyɛn, ewura Ehab be asheŋ lubi so so. Bumo be edaŋkare to nɛ men bee kute to. Amoso meeŋ shin nɛ men mur cheche nɛ ekama e baa tege nsaa mushe menyi fanɛ asɔ jiga na.”

Habakuk 2:12

Asheŋ maaŋ nyalɛ n sa menyi, ŋkpal men ka ta kulubi n tɔl menyi be kadegboŋ nseŋ ta basa be kamɔ m pɔr kumo n ya loge so.

Habakuk 2:15

Asheŋ maaŋ nyalɛ n sa menyi nɛ menyee kaa sa menyi braana nsa nɛ baa nuu a boo a baŋ so nsaa ŋaba bumo be amu nɛ menyee keni bumo be kesaria na.

Habakuk 2:19

Asheŋ maaŋ nyalɛ n sa menyi nɛ menyee kaŋɛ kedibi ŋko kejembu fanɛ k koso n sɔ nchu n nuu na. Kegbir beeŋ tiŋ n lara kesheŋ ko ŋ ŋini fo a? Baaŋ tiŋ n ta shuwa ŋko gbiti ŋ gbiti kumo, ama k kraa maŋ kɔ ŋkpa.

Habakuk 2:6

Basa nɛ b kɔ n tɔr na bee melgi belempo nɛ b pɔɔ bumo so na nna a kaŋɛ le: “Asɔ nɛ e maŋ la menyi peya nɛ menyee suge. Asheŋ maaŋ nyalɛ n sa menyi kikɛ! Menyi maaŋ tiŋ n tintiŋ menyi be akɔjipoana n sɔ akɔ nɛ b ji menyi n dii kedama!”

Habakuk 2:9

Asheŋ maaŋ nyalɛ n sa menyi ŋkpal men ka ta eleŋsheŋ n suge asɔ n shin nɛ menyi be nnaŋ to ebi dii dama nɛ tɔrɔ kikɛ maa ba menyi be elaŋ to ebi so so!

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Matiu 23:23

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee kaa lara men be eposɔ fanɛ albasa nɛ egabu nɛ ashiibi gba so be kudukudusopo a sa Ebɔrɛ, ama men kini kewora mbra na to be asɔ nɛ a juŋkpar na, amo e la kebaaji asheŋ nɛ amo be ekpa so nɛ kebaawu kuwɔr nɛ kebaayɛ asheŋ a wora amo na. Le be asɔ ere e daga fanɛ men baa wora nsaa maa gal amo nɛ a ka na gba a lɛ.

Matiu 23:27

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Men du fanɛ nchaŋana nɛ b ta asɔ fuful n nyɔɔ amo be esoso nɛ a walɛ so kowu nɛ amo be epun to bre bɔlɔ bubuni be awibi n lubi so na nna.

Matiu 23:29

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee pɔr asɔ a yuu anebiana be nchaŋana so nsaa ji basa lela be nchaŋana kebita.

Matiu 26:24

Ma, Nyiŋgbasa Pibinyɛn bee yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”

Luuk 11:52

Mbraŋinipoana, asheŋ maaŋ nyalɛ n sa menyi, ŋkpal manɛ so, men ta kashenteŋ be kepin na be ekpa ŋ ŋana basa so, menyi alɛ gbagba maŋ bɛ loŋ be ekpa na so nseŋ naa kuŋ basa nɛ b daa sha kebɛ kumo so na ekpa.”

Baru lela nɛ Jɔn kute na 19:6

Bɔrɛmatapowuraana na nɛ bumo be bekumpo na ka baŋ wu mo nɛ b ponte ŋ kaŋɛ: “Gbir mo m mata kedibi largato so, gbir mo m mata kedibi largato so!” Ndoŋ nna nɛ Pailat kaŋɛ bumo: “Men gbagba e keta mo n ya gbir m mata kedibi largato so, ŋkpal manɛ so, ma ere maŋ wu kulubi mo so nɛ esa beeŋ kpal kumo so ŋ gberge mo kusoe.”

Baru lela nɛ Jɔn kute na 9:22

Kanyɛn na mo nio nɛ mo tuto daŋ kaŋɛ loŋ nna ŋkpal b ka daa ŋana Juwebi be benimuana na so so, ŋkpal manɛ so, b daŋ kaŋɛ nna fanɛ ekama nɛ e bugi to ŋ kaŋɛ fanɛ Yesu e la Mesaya na, baaŋ ju mo nshɛrbuana na to be keluri to.

Juud 1:11

Cha, asheŋ maaŋ nyalɛ n sa bumo kikɛ, ŋkpal manɛ so, ekpa nɛ Keen daŋ ta na nɛ b bɛ so na. Ŋkpal amansherbi so b luri alubi to fanɛ kananɛ Balaam daŋ wora na. B daŋ ji kenimu kikɛ emɔrɔ fanɛ kananɛ Koora daŋ wora na, amoso, bumo alɛ gba beeŋ mur fanɛ mo.