Aizaaya 1:5 - EBƆRƐ BE KAWƆL

⁵ Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Aizaaya 1:5 ပူးပေါင်းရင်းမြစ်များ

2 Bewura 1:13

Ade kikɛ be kaman nɛ ewura na naŋ shuŋi benapo be enimu sasopo kutɔ nɛ benapo adunu Elaija. Nɛ enimu na ya dii kebee na n yɔ Elaija kutɔ n ya gbir mbe anishito amuli so ŋ kule mo ŋ kaŋɛ le: “Ebɔrɛ be esa, wu ma nɛ ma benapo ere kuwɔr nseŋ yige anyi nɛ an ji efute!

2 Kronikɛls 28:22

Ewura Ahaz ka luri etɔrɔ damta ere to be kaman, nɛ e naaŋ wora alubi ŋ gbiti Enyɛnpe Ebɔrɛ na ga a chɔ sososo na gba.

Nehemaya 9:34

Anyi be bewura nɛ bejuŋkparpo nɛ bɔrɛmatapoana nɛ an nanaana maŋ bɛ fo mbra nɛ mmalga kpakpaso mo nɛ fo ŋini bumo fanɛ b bɛ so na so.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 31:6

Kede be kaman nɛ Enyɛnpe Ebɔrɛ na naŋ kaŋɛ: “Menyi Israɛl be basa wora kulubi n da ma so nseŋ kini ma. Ama naniere, men bɛta m ba ma kutɔ!

Aizaaya 33:24

Enyɛnpe Ebɔrɛ na beeŋ ta menyi be alubi m paŋ menyi, nɛ esa kama nɛ e wɔ anyi be kasawule so maaŋ naŋ fubel ŋ kaŋɛ le: “Mee lɔ nna!”

Aizaaya 9:13

Enyɛnpetale Ebɔrɛ be kasogberge nɛ e sa Israɛl be basa na be kaman, b kra maŋ tuba m bɛta m ba mo kutɔ.

Aizaaya 9:21

Manase be yiri to be basa nɛ Efrayim be yiri to be basa daa kɔ abar nna nseŋ naa chɛ abar to a kɔ Juda be yiri to be basa kena. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe nna n ti so.

Jɛremaya 13:23

Edimɛdi beeŋ tiŋ n chɛrga bumo be kayurwule a? Karmɛ beeŋ tiŋ n chɛrga kumo be eyur so be chɛchɛrɛ na a? Nɛ baaŋ tiŋ n chɛrga bre, fo alɛ gba beeŋ tiŋ n chɛrga fo asheŋ lubi nawule na to nsaa wora asheŋ niŋiso.

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 44:15

Ndoŋ nna nɛ benyɛn nɛ b nyi bumo be beche ka bee lara esarga a sa agbirana nɛ beche nɛ b daa yil ndoŋ na, n ta Israɛlebi nɛ b daa wɔ Ijipt be kelargato be kaseto be kaba so na nɛ jimaŋ damta na kikɛ boŋ to awɔrso ŋ kaŋɛ ma le:

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Nfabel 5:17

Anyi be eyur be kaplɛkama bee besa nna; anyi maŋ naa wu nɛnɛ ŋkpal anishichubi so.

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Ezikɛl 34:4

Menyee maa keni bumo be bumo nɛ b maŋ kɔ eleŋ na so, ŋko a chɛ bumo nɛ baa lɔ na ŋko a wɔtɔ bumo nɛ b doro na be achuu to adur a kre amo ŋko a kuŋ bumo nɛ baa lar a yɔ mboŋ ko na a ba ŋko a fin bumo nɛ foe na. Men du nyaŋnyaŋ nna a tɔrɔ bumo.