Aizaaya 1:4 - EBƆRƐ BE KAWƆL

⁴ Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 1:4 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

2 Bewura 21:22

E daŋ kini Enyɛnpe nɛ e la mo nananyɛnana be Ebɔrɛ na nna nsaa maŋ wora kasonu n sa mbe mbra.

2 Kronikɛls 12:1

Rehoboam be kuwura ka baŋ yili nɛnɛ, nɛ mo nɛ mbe basa kini kebaabɛ Enyɛnpe Ebɔrɛ be mbra so.

2 Kronikɛls 27:2

Kananɛ mo tuto ewura Uziya daŋ wora Enyɛnpe Ebɔrɛ be aparsheŋ na, gbagba na chap nɛ mo alɛ gba daŋ wora; ama mo ere daa maŋ wora kulubi n chɔɔ duwu bɔrɛlambu to. Basa na bre daa wɔtɔ nna a wora alubi a ti so saŋkama.

Nehemaya 1:7

Anyi alɛ maŋ naŋ wora fo mbra nɛ fo ta n sa an nananyɛn Mosis fanɛ e ta n sa anyi na gba kasonu.

Nshɛ 58:3

Yili men be kakurgeachɛ kikɛ m ba fo mbre, men wɔtɔ nna a wora alubi nsaa ku efɛ.

Nshɛ 71:22

Meeŋ ta jaŋjilaŋ m boŋ nshɛ ŋ kpaŋ fo; meeŋ kpaŋ fo ma Ebɔrɛ, ŋkpal fo kashenteŋji so. Meeŋ laŋ jaŋjilaŋ m boŋ nshɛ belbelso n sa fo, Israɛl be Ebɔrɛ cheembi na.

Nshɛ 78:40

Jemanɛ nɛ b daa wɔ keshishɛrsawule na so na, ale damta nɛ b daŋ lar Ebɔrɛ kaman n jija mbe kagbene!

Nshɛ 78:41

B daŋ baa wɔtɔ nna a wora mo a keni, nsaa wɔtɔ Israɛl be Ebɔrɛ cheembi na ebesa to.

Nshɛ 78:57

B daa du fanɛ bumo nanaana nɛ b daa maa ji kashenteŋ nseŋ paŋ yirda na nna. Bumo alɛ daa du fanɛ ketanyembi kɔnto nɛ esa maaŋ tiŋ n fute n yige kumo so nna.

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Nshɛ 89:18

Kashenteŋto, anyi be kekuŋ bee shi Enyɛnpe Ebɔrɛ na kutɔ nna. Israɛl be Ebɔrɛ cheembi na e la anyi be ewura.

Ɛksodɔs 32:7

Ndoŋ nna nɛ Enyɛnpe Ebɔrɛ kaŋɛ Mosis: “Gbelge to manaŋ n yɔ, ŋkpal manɛ so, fo basa nɛ fo keta n lar Ijipt be kasawule so na wora kulubi m pal kaman n sa ma.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 1:28

Ama e beeŋ mur esa kama nɛ e bee wora alubi nseŋ kini fanɛ Enyɛnpe Ebɔrɛ e baa wɔ mo na. Mo alɛ beeŋ shin nɛ esa kama nɛ e kplaŋ mo so e wu.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 14:20

Fo ka shin nɛ efuli pɔtɛana ba mɔ fo basa nseŋ mur fo efuli so, b maaŋ puli fo fanɛ kananɛ baa puli bewuraana na. Fo kanaŋ lubi ere to be esa kama maaŋ ji efute a wɔ ŋkpa to.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Aizaaya 3:8

Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Aizaaya 30:1

Enyɛnpe Ebɔrɛ na yɛ: “Asheŋ maaŋ nyalɛ n sa basa nɛ baa ji kuwura Juda be efuli so na ŋkpal b ka lar ma kaman a maa nu a sa ma so. Baa bɛ ŋkre nɛ m maŋ wora so nna nseŋ shin nɛ bumo nɛ efuli ko so ebi bee wora kɔnɔkoŋwule be ŋkre nɛ m maa sha kumo be loŋ. B wɔtɔ nna a wora alubi a deŋi abar so.

Aizaaya 30:15

Kumo be kaman nɛ Enyɛnpetale, Israɛl be Ebɔrɛ cheembi na kaŋɛ basa na le: “Men bɛta m ba kaa yirda ma nsaa du boeŋ. Aloŋ nɛ menyeeŋ nya eleŋ nɛ kekuŋgboŋ.” Ama men kini kewora loŋ!

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Aizaaya 31:2

Enyɛnpe Ebɔrɛ na malɛ nyi kusɔ nɛ e bee wora! Mo e naa sa ekpa nɛ jɛrbi bee ba. Kusɔ kama nɛ e kaŋɛ, kumo nɛ e bee wora. Mo e naa gberge basa lubi nɛ bumo be bekumpo kikɛ kusoe.

Aizaaya 37:23

Wanɛ nɛ fo daa fɛ fanɛ fee tege nsaa wora eyurto na? Ma, Israɛl be Ebɔrɛ cheembi na nɛ fo daa maa sa bunyaŋ na.

Aizaaya 41:14

Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 41:20

Saŋɛ na so basa beeŋ wu loŋ nseŋ pin fanɛ ma, Enyɛnpe Ebɔrɛ na e shin nɛ k wora. Kumo be kaman nɛ b pin to fanɛ Israɛl be Ebɔrɛ cheembi na e shin nɛ loŋ wora.”

Aizaaya 5:19

Le nɛ menyee kaŋɛ: “Shin nɛ Enyɛnpe Ebɔrɛ na e nya manaŋ n wora kusɔ nɛ e yɛ e beeŋ wora na ai, saŋɛ na so anyeeŋ wu kumo. Shin nɛ Israɛl be Ebɔrɛ cheembi na e wora asheŋ nɛ e kre na ai; n shin nɛ an wu kusɔ nɛ k wɔ mbe nfɛra to.”

Aizaaya 5:24

Kananɛ atuweklaŋ nɛ afitiri bee wɔl nsaa ji edɛ na nɛ menyi alɛ gba beeŋ ji edɛ nɛ menyi be nliŋi e bɛ nɛ menyi be atoto malɛ e wɔl nɛ afu e gbaŋgbaŋ amo n lɛ! Ŋkpal manɛ so, men kini kesɔ Enyɛnpetale Israɛl be Ebɔrɛ cheembi na be keŋini na.

Aizaaya 57:17

N daŋ nya agbo ga nna n wora bumo ŋkpal bumo be alubi nɛ kejimuni be kebaawɔtɔ so, amoso nɛ n daŋ gberge bumo kusoe nseŋ daŋ kplaŋ bumo so na. Ama b kraŋ wora kusoe kpakpaso ŋ kini a wɔ bumo be asheŋ lubi na to.

Aizaaya 58:2

Baa shuŋ ma karechɛ kikɛ nna a ŋini fanɛ b pere kenishi a sha kepin ma ekpa nseŋ wora ma mbraana kasonu fanɛ efuli nɛ k bee wora kusɔ nɛ k daga. B yɛ n sa bumo mbraana nɛ a maa kpɛa basa to nseŋ naa leŋ bumo to a kaŋɛ fanɛ bumo kebaashuŋ ma na bee wora bumo ebel nna.”

Aizaaya 65:11

Ama asheŋ maaŋ baa du loŋ n sa menyi nɛ men kini ma nɛ ma kebee cheembi nɛ baa tre Zayɔn na nsaa shuŋ agbir nɛ baa tre Gad nɛ Meni na. Amo be afito la Kumulela nɛ Kela m ba.

Aizaaya 65:3

B paŋ nyɔmɔ nna a wɔtɔ a shin nɛ ma kagbene bee kaa. Ŋkpal manɛ so, b wɔtɔ nna a lara esarga a sa agbir ashi adɔbi to nsaa chɔɔ eduwu agbirsure nɛ b ta ebirkesi m pɔr so a sa amo.

Aizaaya 9:17

Amoso Enyɛnpe Ebɔrɛ na maaŋ shin nɛ mbrantiɛfɔlbi na be ekama e nya n shile. Mo alɛ maaŋ wu bekulpoche nɛ amunibiana na be ekama kuwɔr. Ŋkpal manɛ so basa na kikɛ la amu kpakpaso wuraana nɛ b kini Ebɔrɛ nna. Bumo be malga kikɛ gba daa la asheŋ lubi be mmalga nna. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe n ti so nna.

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 2:33

Men ka nyi kananɛ baa sha beche ga so, esakale gba beeŋ tiŋ ŋ koya kesakalea ashi menyi kutɔ.

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Jɛremaya 32:32

ŋkpal asheŋ lubi nɛ Juda nɛ Jerusalɛm to be basa nɛ bumo be bewuraana nɛ bejuŋkparpoana nɛ bɔrɛmatapoana nɛ anebiana na wora na kikɛ so.

Jɛremaya 50:29

“Kaŋɛ bedoŋ nɛ baa ta ata a kɔ kena na fanɛ b kɔ Babilɔn kena. B ba kulti Babilɔn be kadegboŋ na n wɔtɔ nsaa maŋ shin nɛ esa kikɛ e nya n shile kena na to. Men ka bumo kukɔ ŋkpal kusɔ nɛ b wora na so, nseŋ wora bumo kusɔ nɛ b ta n wora beko na. Ŋkpal manɛ so, kamoowuso nɛ b daŋ wora asheŋ ŋ gbiti ma, Israɛl be Ebɔrɛ cheembi na.

Jɛremaya 51:5

Israɛl nɛ Juda be basa kikɛ wora alubi n da ma, Enyɛnpetale Ebɔrɛ na so, ama ma, Israɛl be Ebɔrɛ cheembi na, maŋ kini bumo n lɛ.

Jɛremaya 7:19

Baa wɔtɔ ma agbo nna, ama bumo gbagba be amu nɛ baa tɔrɔ nsaa ŋaba na.

Jɛremaya 7:26

Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.

Ezikɛl 14:5

Loŋ e naŋ shin nɛ Israɛl be basa nɛ b kini ma nseŋ ta bumo be ŋgbene n wɔtɔ kagbirshuŋ to na e kini agbirana na nseŋ bɛta m ba ma kutɔ.

Ezikɛl 16:33

Sakaleche kikɛ bee sɔ amansherbi nna, ama fo ere e naa sa fo jipoana asɔ, a lɔlɔ bumo nɛ b baa shi kaplɛkama a ba m ba kaa di fo.

Ezikɛl 16:45

Fo baa du fanɛ fo nio gbagba nna. Mo e kishi mo kul nɛ mbe mbia na. Fo alɛ baa naa du fanɛ fo kurgepo chesoana nna. Bumo alɛ gba kishi bumo kulana nɛ mbia na. Fo nio daa la Hiti be esa nna nɛ fo tuto malɛ daa la Amɔri be esa.

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Zefanaiya 1:6

Meeŋ mur bekama nɛ b pal kaman n sa ma nseŋ kini ma kutɔ be kebaa ba nɛ m baa ŋini bumo ekpa na gba.”

Nɔmbɛs 32:14

Kusɔ nɛ men nananyɛnana daŋ wora na nɛ menyi Rubenebi nɛ Gadebi gba bee wora naniere a shin nɛ Enyɛnpe Ebɔrɛ be agbo bee kaa Israɛlebi so.

Matiu 11:28

Men kikɛ nɛ men sulɔ men be esulɔ gbɛgbɛso ŋ gben na, men ba ma kutɔ nɛ n sa menyi ewushi.

Matiu 23:33

Awɔ ere, awɔ lubi be mbia ere, nuso nɛ menyeeŋ wora nɛ b maaŋ gberge menyi kusoe n yɛr menyi Setani be edɛ to?

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Romebi 8:7

Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?

Ditɛronɔmi 29:25

Kusɔ nɛ beko beeŋ kaŋɛ e la: “Basa ere ka lar bumo Nyɛnpe, nɛ e la bumo nananyɛnana be Ebɔrɛ na be kɔnɔkoŋwule be ŋkre nɛ mo nɛ bumo kre jemanɛ nɛ e lara bumo Ijipt be efuli so kaman

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

Ditɛronɔmi 32:19

Enyɛnpe Ebɔrɛ na ka wu loŋ nɛ e nya agbo nseŋ kini mbe mbia n lɛ.

Ditɛronɔmi 32:5

Ama menyi ere maa ji kashenteŋ; menyi nɛ men la alubi nɛ efɛ be efuli so ebi ere; a maŋ daga fanɛ men baa la mbe basa gba.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

Kelaraŋŋini 18:5

Ŋkpal manɛ so, mbe alubi dii n deŋi abar so nna n ya fo ebɔrɛso nɛ Ebɔrɛ malɛ bee nyiŋi mbe alubi na kikɛ.

Demujipoana 10:10

Ndoŋ nna nɛ Israɛlebi na shu n tre Enyɛnpe Ebɔrɛ na ŋ kaŋɛ: “An wora alubi ŋ gbiti fo nseŋ kplaŋ anyi be Ebɔrɛ so n ya kaa shuŋ agbir nɛ baa tre Baal na.”