Aizaaya 1:3 - EBƆRƐ BE KAWƆL

³ Ana nɛ ekurma nyi basa nɛ b wɔ bumo nsaa bela bumo. Ama ma basa, Israɛlebi, bre maŋ nyi ma. B maa pin asheŋ to gba kuraa.”

Aizaaya 1:3 ပူးပေါင်းရင်းမြစ်များ

Nshɛ 94:8

Ma basa, manɛ nna nɛ men paŋ nfɛra loŋ? Saŋɛ mo nɛ menyi beeŋ naŋ nya kanyiasheŋ?

Aŋasa 28:5

Belubiworapo maŋ nyi kananɛ baa wora asheŋ nɛ amo be ekpa so, mannɛ aloŋ nɛ bumo nɛ baa ŋana Enyɛnpe Ebɔrɛ bre du.

Aŋasa 6:6

Betɔlpo, men keni kananɛ atutulombi bee wora asheŋ so, ŋ koya kebaawɔtɔ.

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Aizaaya 42:20

Fo, Israɛl, wu asɔ damta ga, ama fo alɛ be lakal maŋ wɔ amo to. Fo kɔ asoe nɛ a beeŋ tiŋ n nu asheŋ, ama fo alɛ maŋ kaŋ asoe n nu shɛŋ.”

Aizaaya 44:18

Basa nɛ baa shuŋ agbirana maŋ nyi asheŋ, bumo alɛ nsaa du fanɛ etanpo. B ti bumo be nfɛra nɛ anishi so nna a laŋɛ kashenteŋ na be kaplɛa so.

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Aizaaya 5:13

Ŋkpal loŋ so menyi maŋ nyi shɛŋ a laŋɛ mbe kaplɛa so. Amoso men doŋana beeŋ ba pɛ menyi be galeŋga ŋ ki anya katiŋ so n yɔ efuli pɔtɛ so. Akoŋ beeŋ mɔ menyi be bejuŋkparpoana nɛ achukoŋ e mɔ basa damta malɛ.

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Jɛremaya 10:14

Basa nɛ baa lɔŋɛ agbir maŋ kɔ nfɛra kikɛ! Ebɔyɛpo nɛ baa ta shuwa ŋko gbiti a wurge agbirana so na bee ji anishinyɔr nna ŋkpal bumo be agbirana nɛ e maŋ kɔ kashenteŋ nɛ ŋkpa so.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Jɛremaya 35:16

Jonadab be kaman to ebi bre wora kusɔ nɛ bumo nananyɛn kaŋɛ bumo kenishipereso na kasonu, ama menyi ere maŋ wora ma kasonu.

Jɛremaya 4:22

Ndoŋ nna nɛ Enyɛnpe Ebɔrɛ na kaŋɛ le: “Ma basa maŋ kɔ nfɛra, bumo alɛ maŋ naa nyi ma. B du fanɛ mbia wulpo nɛ b maa pin asheŋ to nna. Asheŋ lubi be kebaawora nɛ b nyi ga, ama asheŋ lela bre b maŋ nyi amo be kewora.”

Jɛremaya 50:6

Ma basa du fanɛ mbolpɔ nɛ bumo be bekpapoana shin nɛ b foe abee so nna. B daa nite cham cham kebee ko so nna n ya kaa lar kuko so nseŋ daŋ teŋ kakpa nɛ bumo pe wɔ so.

Jɛremaya 8:7

Etɔkɔrkɔ nyi jemanɛ nɛ a daga e bɛta m ba nɛ elepɔ nɛ abɔrɛpɔpɔbi nɛ etitibi gba nyi jemanɛ ka chɛrga nɛ a daga e naŋ yɔ efuli pɔtɛ so. Ama menyi, nɛ men la ma basa na, maŋ nyi mbra nɛ ŋ kɔ a keni menyi so.

Ezikɛl 16:30

Amoso nɛ ma nɛ Enyɛnpetale Ebɔrɛ kaŋɛ fanɛ fo to fo kumu pasaa! Fo wora asheŋ ere kikɛ fanɛ sakaleche nɛ e paŋ anishinyɔr pasaa!

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Matiu 13:19

Ekama nɛ e bee nu Ebɔrɛ be kuwura na to be asheŋ ŋkaa maa pin kumo be asheŋ to na du fanɛ asɔ duuso nɛ a daŋ tɔr ekpa to na nna. E baŋ nu n loge, alubipo na bee ba nna m ba lara kamalga na mbe kagbene to.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

2 Pita 3:5

Ama le be basa ere bee kute nna a kini kepin fanɛ dra na Ebɔrɛ daŋ malga nna nɛ esosoana nɛ kasawule daŋ fara kebaawɔtɔ. Nchu nɛ e daŋ ta nseŋ naŋ bɔla amo so ŋ jɔŋɛ kasawule.