Aizaaya 1:29 - EBƆRƐ BE KAWƆL

²⁹ Saŋɛ na so nɛ nyɔmɔ e pɛ menyi nɛ men be ŋgbene e jija menyi ŋkpal men ka daŋ shuŋ ndibi nseŋ lɔŋɛ mboŋ ko a shuŋ agbir ndoŋ so.

Aizaaya 1:29 ပူးပေါင်းရင်းမြစ်များ

Aizaaya 66:17

Menyi to be beko bee bela ase nna a yɔ adɔbi to n ya kaa shuŋ efuli pɔtɛana so be agbir cheso. Menyi alɛ bee ji epreku nɛ eshiboe nɛ asɔ damta nɛ a la ekishi n sa menyi na nna. Ma, Enyɛnpe Ebɔrɛ na beeŋ mur menyi ŋkpal loŋ so.

Aizaaya 65:3

B paŋ nyɔmɔ nna a wɔtɔ a shin nɛ ma kagbene bee kaa. Ŋkpal manɛ so, b wɔtɔ nna a lara esarga a sa agbir ashi adɔbi to nsaa chɔɔ eduwu agbirsure nɛ b ta ebirkesi m pɔr so a sa amo.

Aizaaya 57:5

Menyi ka bee shuŋ agbirana nɛ menyee fɛ fanɛ e bee sa kakurge so, men wɔtɔ nna a di abar keche nɛ kenyɛn ashi ndibigboŋ nɛ menyee shuŋ agbir na amo be afito. Menyi alɛ naa ta menyi be mbia a lara esarga ashi abeelaŋ nɛ ataŋɛ chiŋgeliŋ nɛ a wɔ abeemase na nna.

Hoziya 4:13

Abeegboŋ be esoso nɛ baa yɔ n ya ka lara bumo be esarga nsaa chɔɔ eduwu malɛ abeebi so ashi ndibi tenteŋ nɛ a purge ga a kɔ kiyoyul na be afito. Ŋkpal loŋ so nɛ menyi be mbichesobi bee ji kesakalea na, nɛ men shacheana malɛ bee lar bumo kulana be mman a sha benyɛn pɔtɛ.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Ezikɛl 36:31

Ade kikɛ be kaman, menyeeŋ nyiŋi menyi be asheŋ woraso lubi nɛ a shin nɛ men gbagba e kishi menyi be amu ŋkpal kusɔ nɛ men wora so.

Ezikɛl 6:13

Jemanɛ nɛ bumo be basa beeŋ wu n dese abeebi nɛ abeegboŋ be awɔlto nɛ ndibi gboŋ be yiri nɛ a la bumo be agbirana be eshuŋkpaana nɛ baa chɔɔ duwu a sa bumo be agbirana kikɛ be afito na nɛ baaŋ pin fanɛ ma e la Enyɛnpetale Ebɔrɛ na.

Jɛremaya 3:6

Jemanɛ nɛ Josaya daa la Juda be ewura na nɛ Enyɛnpe Ebɔrɛ na kaŋɛ ma le. E yɛ: “Jɛremaya, fo wu kusɔ nɛ Israɛl be efuli nɛ k du fanɛ eche nɛ e maa ji kashenteŋ a sa mo kul na wora, ŋko? E kini ma nseŋ ya kaa shuŋ agbir ashi abee jeŋgreŋ so nɛ ndibigboŋ nɛ e kɔ afantaŋ ga be afito.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Aizaaya 45:16

Bekama nɛ baa lɔŋɛ agbirana beeŋ ji anishinyɔr nseŋ ŋaba.

Aizaaya 31:7

Jemanɛ ko bee ba nɛ menyi kikɛ e ta agbir nɛ men ta shuwa nɛ gbiti n lɔŋɛ nseŋ bɔla amo so n wora alubi n da ma so na n lɛ.

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Aizaaya 42:17

Bekama nɛ b yirda agbirana, nɛ bumo nɛ baa ta apɔrso fanɛ bumo be ebɔrɛana na, beeŋ ji anishinyɔr nseŋ ŋaba.”

Hoziya 4:19

Kawuliwuli beeŋ ta bumo n choŋ nɛ anishinyɔr e pɛ bumo ŋkpal b ka bee lara esarga a sa agbir so.