Aizaaya 1:24 - EBƆRƐ BE KAWƆL

²⁴ Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Aizaaya 1:24 ပူးပေါင်းရင်းမြစ်များ

Jɛnesis 49:24

Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

Nshɛ 132:2

Nyiŋi kɔnɔ nɛ e daŋ nase n sa fo, Enyɛnpetale Ebɔrɛ nɛ an nananyɛn Jeekɔb daŋ shuŋ dra dra na:

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 30:29

Ama menyi, Ebɔrɛ be basa bre be ŋgbene beeŋ fuli menyi nɛ men baa boŋ nshɛ fanɛ kananɛ menyee wora nchɛgboŋ cheembiana be kanyɛso na. Menyi be ŋgbene beeŋ fuli menyi fanɛ basa nɛ b ta nlopi a boŋ nshɛ a yɔ Enyɛnpe Ebɔrɛ nɛ e bee kuŋ Israɛl na be bɔrɛlambu to na.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 59:18

Enyɛnpe Ebɔrɛ na beeŋ gberge mo doŋana nɛ b wɔ kufɔ nɛ bumo nɛ b taga to kikɛ kusoe agbo so, ŋkpal kusɔ nɛ b wora mbe basa so.

Aizaaya 60:16

Efuli pɔtɛana be bewura nɛ bumo be basa beeŋ ta bumo be asɔ lela ŋ keni menyi be kadegboŋ na so, fanɛ kananɛ ebinio bee bela mbe mbia na. Saŋɛ na so nɛ men pin fanɛ ma, Enyɛnpetale Israɛl be Ebɔrɛ na e mɔlga menyi nseŋ sɔ menyi n yige.

Aizaaya 61:2

E shuŋi ma nna nɛ m ba kaŋɛ basa fanɛ, Enyɛnpe Ebɔrɛ be kumɔlga mbe basa nseŋ kɔ m pɔɔ bumo doŋana so be jemanɛ fo. Enyɛnpe Ebɔrɛ na shuŋi ma nna nɛ m ba lolo bumo nɛ baa shu nli,

Aizaaya 63:4

N wora loŋ nna nɛ m bishi kuwule n sa ma basa ashi bumo doŋana so a ŋini fanɛ jemanɛ fo nɛ m mɔlga bumo.

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Jɛremaya 9:9

Kumo be kaman nɛ Enyɛnpetale Ebɔrɛ na bishi le: A maŋ daga fanɛ ŋ gberge bumo kusoe, ŋko m bishi efuli nɛ k du le ere kuwule a?”

Ezikɛl 16:42

Aloŋ nɛ ma agbo beeŋ wushi nɛ ma kagbene e dese ma nɛ m maaŋ naŋ nya agbo ŋko ŋ kɔ kukɔrkɔ.

Ezikɛl 21:17

Ma alɛ gba beeŋ ber enɔbelaŋ, nɛ ma agbo e yɔɔso. Ma, Enyɛnpe e kaŋɛ na.”

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Ezikɛl 5:13

Menyeeŋ ji awurfoŋ ga pɔɛŋ nɛ ma agbo e wushi. Ndoŋ nɛ menyeeŋ pin fanɛ kenishipereso nɛ ma, Enyɛnpe Ebɔrɛ na, daa malga menyi be asheŋ lubi be asheŋ na.

Maika 5:15

Meeŋ nya agbo ga m bishi efuliana nɛ amo be basa kini kewora ma kasonu na kuwule.”

Ditɛronɔmi 28:63

Enyɛnpe Ebɔrɛ na fuli kagbene nna n shin nɛ asheŋ bee nite nɛnɛ a sa menyi nseŋ shin nɛ men wora keshi n ti so. Ama nɛ men kini kewora mo kasonu, kumo ere e maaŋ naŋ tiŋ n wora shɛŋ, ama kemur menyi ashi kasawule nɛ menyee yɔ nɛ men ya chena so na.

Ditɛronɔmi 32:43

Efuli pɔtɛana be basa, a daga fanɛ men tu Enyɛnpe Ebɔrɛ na be basa n ji eyur, ŋkpal manɛ so, e bee gberge bekama nɛ b mɔ mbe basa kusoe nna. Mo e naa bishi mo doŋana kuwule nsaa ta mbe basa be alubi a paŋ bumo na.”

Hibruwebi 10:13

Naniere e bee jo nna nɛ Ebɔrɛ e ya ta mo doŋana n shin nɛ b gbir mo kumuli.

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”