Aizaaya 1:22 - EBƆRƐ BE KAWƆL

²² Men daa du fanɛ gbiti nɛ k kɔ tɔnɔ ga nna, ama naniere menyi maŋ naa kɔ tɔnɔ kikɛ kuraa. Men daa du fanɛ yabra lela ga nna, ama naniere men ki fanɛ nchu nawule nna.

Aizaaya 1:22 ပူးပေါင်းရင်းမြစ်များ

Nshɛ 119:119

Fee wu kumukpakpasowuraana fanɛ epi nna, amoso nɛ meeŋ bɛ fo keŋini so.

Aizaaya 1:21

Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Hoziya 4:18

B baŋ nuu nsa m boo ŋ koso, baa luri kesakalea be keji to nna. Bumo alɛ shuli anishinyɔr ka ji bumo a chɔ b ka nya bunyaŋ.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.