Aizaaya 1:21 - EBƆRƐ BE KAWƆL

²¹ Menyi Jerusalɛmebi nɛ men daa ji kashenteŋ na, chɛrga nna a wora asheŋ fanɛ sakaleche. Basa nɛ b niŋi e daŋ bɔlɔ menyi be kadegboŋ to jemanɛ ko, ama naniere basa nɛ baa mɔ basa nawule e ka kumo to.

Aizaaya 1:21 ပူးပေါင်းရင်းမြစ်များ

2 Samuɛl 8:15

Saŋɛ nɛ Deevid daa la Israɛl be efuli so kikɛ be ewura na, e daa ji asheŋ nɛ amo be ekpa so nna nsaa wora asheŋ nɛ a niŋi.

2 Kronikɛls 19:9

Le be asheŋ ere nɛ e daŋ kaŋɛ bumo: “Men ba wora men be ashuŋ nɛnɛ ashi kabɔrɛŋana nɛ kashenteŋji be ekpa so.

Nehemaya 11:1

Basa na be bejuŋkparpoana na daa wɔ Jerusalɛm to nna nɛ bumo nɛ b ka na malɛ to beri n lara basa kudu kikɛ to be esa koŋwule nɛ e ya chena Jerusalɛm nɛ k la kade cheembi na to nɛ bekpanu nɛ b ka na malɛ a ya chena nde mo nɛ a ka na to. Ŋkpal manɛ so nwu daa maŋ shi Jerusalɛm to.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Nshɛ 48:1

Enyɛnpe Ebɔrɛ na shi nseŋ daga an ka fur mo ga ashi kadegboŋ nɛ e wɔ kumo to nɛ k tase mbe kebeegboŋ cheembi nɛ baa tre Zayɔn na so na.

Nshɛ 48:8

An daŋ nu kusɔ nɛ Enyɛnpe Ebɔrɛ na wora, ama naniere an wu kumo ashi Enyɛnpetale anyi be Ebɔrɛ na be kadegboŋ nɛ baa tre Jerusalɛm na to. Mo alɛ beeŋ baa kuŋ kumo saŋkama.

Aizaaya 1:22

Men daa du fanɛ gbiti nɛ k kɔ tɔnɔ ga nna, ama naniere menyi maŋ naa kɔ tɔnɔ kikɛ kuraa. Men daa du fanɛ yabra lela ga nna, ama naniere men ki fanɛ nchu nawule nna.

Aizaaya 26:10

Kuwɔr nɛ fo wu kumu kpakpasowuraana ere kikɛ be kaman, b kraa maŋ naŋ koya kewora kusɔ nɛ k daga. Basa nɛ b niŋi gba be kasawule so nfe b kraa wora asheŋ lubi nna nseŋ kini kewu fo, Enyɛnpe Ebɔrɛ na be kemaŋkura.

Aizaaya 48:2

Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Aizaaya 59:14

Keji asheŋ nɛ amo be ekpa so maŋ naa wɔtɔ, nɛ kewora kusɔ nɛ k daga gba maŋ wɔ anyi be kebaawɔtɔ to. Keji kashenteŋ kelɔnɛ so gba maŋ naa wɔtɔ ashi anyi to kuraa.

Aizaaya 59:15

Kashenteŋji ka maŋ naa wɔtɔ so, bekama nɛ b yige asheŋ lubi be kewora na bee luri asheŋ to nna.” Enyɛnpe Ebɔrɛ na b kagbene daa maŋ fuli mo ŋkpal keji asheŋ nɛ amo be ekpa so ka maŋ naa wɔtɔ so.

Aizaaya 59:3

Ŋkpal manɛ so, menyi be mmalga kikɛ la efɛsheŋ nna nɛ menyi be ŋkre kikɛ la kebagato nɛ kelantokɔ be asheŋ. Basa be kamɔ damta so, ŋklaŋ gbiti menyi be enɔana nna.

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Hoziya 11:12

Enyɛnpe Ebɔrɛ yɛ: “Israɛl be basa ta efɛ nɛ kafule nna ŋ kulti ma, nɛ Juda malɛ be basa kini kenu n sa ma nɛ n la kashenteŋ be Ebɔrɛ nsaa du cheembi na.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Habakuk 1:4

Mbra na maŋ kɔ eleŋ nɛ tɔnɔ kikɛ. Ekama malɛ maa ji asheŋ nɛ amo be ekpa so. Basa lubi e naa ji a bri basa niŋiso a shin nɛ kashenteŋji maŋ naa wɔtɔ.

Zakareya 8:3

Meeŋ naŋ bɛta m ba chena Zayɔn be kebee na so ashi Jerusalɛm to. Aloŋ nɛ ekama beeŋ pin fanɛ Jerusalɛm la ma beyirdapo be kadegboŋ nna nɛ Zayɔn malɛ la ma kebee cheembi.

Luuk 13:34

O Jerusalɛmebi, Jerusalɛmebi, menyi e naa mɔ anebiana nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Kelaraŋŋini 11:2

Ama sa maŋ ta kusɔ kargaso na ŋ karga lambu na be laŋ na bre, ŋkpal manɛ so, b ta ndoŋ nna n sa nnyamase, bumo alɛ beeŋ nɔkɔr kadegboŋ cheembi na to afɔl adena nɛ anyɔ.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

Kelaraŋŋini 17:1

Ndoŋ nna nɛ emalaika ashunu mo nɛ b daa kɔ ntishaŋ ashunu na be eko ba ŋ kutɔ m ba kaŋɛ ma: “Ba nɛ ŋ ŋini fo kananɛ baaŋ gberge sakalechegboŋ na kusoe. Mo e chena nchu damtaana so na.