Aizaaya 1:19 - EBƆRƐ BE KAWƆL

¹⁹ Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Aizaaya 1:19 ပူးပေါင်းရင်းမြစ်များ

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Aizaaya 58:14

menyeeŋ nya kagbenefuli nɛ k shi kebaashuŋ ma, Enyɛnpe Ebɔrɛ na to. Meeŋ shin nɛ men nya bunyaŋ ashi durnya be kaplɛkama nɛ menyi alɛ e naŋ ji kasawule nɛ n sa menyi nananyɛn Jeekɔb na be ebel. Ma Enyɛnpe Ebɔrɛ e kaŋɛ na!”

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Jɛremaya 21:8

Kumo be kaman nɛ Enyɛnpe Ebɔrɛ na kaŋɛ ma fanɛ ŋ kaŋɛ Jerusalɛm be basa na le: “Men nu nfe! Ma, Enyɛnpe Ebɔrɛ na bee sa menyi ekpa nna nɛ men keni to n lara kumo nɛ menyee sha. Ekpa nɛ k bee yɔ ŋkpa to nɛ menyee sha ŋko kumo nɛ k bee yɔ luwu to nɛ menyee sha?

Jɛremaya 7:5

Nɛ menyeeŋ chɛrga menyi be kebaawɔtɔ nɛ kesheŋ wora, kumo ere ma alɛ maaŋ shin nɛ shɛŋ e wora menyi. Men baa ji kashenteŋ a sa abar nsaa maa kpɛa to.

Jɛremaya 7:7

Nɛ men chɛrga menyi be kebaawɔtɔ nɛ kesheŋ wora, ma alɛ beeŋ shin nɛ men chena kasawule nɛ n ta n sa men nananyɛnana na so mbaanaayɔ.

Jowɛl 2:26

Naniere, menyeeŋ nya ajibi damta n ji m moɛ, nseŋ fara a di men Nyɛnpetale Ebɔrɛ nɛ e wora emamachisheŋ n sa menyi na epaŋ. Kashenteŋto esa kama maaŋ naŋ fɛl ma basa.

Levitikɔs 25:19

Kasawule na beeŋ wora adɔjibi nɛnɛ nɛ fo nya asɔ nɛ fee sha kikɛ a ji yɛlyɛla nsaa wɔ kayurwushi to.

Levitikɔs 26:3

Nɛ menyee bɛ ma mbraana so nsaa wora kusɔ nɛ ŋ kaŋɛ kasonu,

Levitikɔs 26:5

Menyi be adɔjibi beeŋ wora hale nɛ men buri aboyu loŋ n ya luri waindibi be asɔrso be kechuge be jemanɛ to. Menyi alɛ beeŋ baa kraa chuge waindibi be asɔrso aboyu be keduu be jemanɛ gba. Menyi beeŋ nya ajibi kama nɛ menyee sha a ji nɛ shɛŋ maaŋ tɔrɔ menyi ashi menyi be kasawule na so.

Heegai 1:12

Ndoŋ nna nɛ Zerubabel nɛ Joshuwa nɛ basa nɛ b shi kenyaya to ashi Babilɔn be efuli so m bɛta m ba na kikɛ wora kubɔya nɛ Enyɛnpe bumo be Ebɔrɛ na ta m bɔla anebi Heegai so n sa bumo na kasonu ŋkpal b ka bee ŋana Enyɛnpe Ebɔrɛ na so.

Ditɛronɔmi 28:1

Nɛ Mosis naŋ kaŋɛ Israɛl be basa na le: Nɛ fanɛ menyeeŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ n ta a sa menyi kabre ere so kashenteŋto, e beeŋ shin nɛ men ki efuligboŋ nsaa kɔ eleŋ ga a chɔ efuliana nɛ a ka a wɔ durnya to na kikɛ.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.