Aizaaya 1:16 - EBƆRƐ BE KAWƆL

¹⁶ Men fɔr menyi be eyurana so n nyalɛ so nseŋ yige asheŋ lubi nɛ mee wu menyi kaa bee wora na. Kashenteŋto, men yige alubi be kewora

Aizaaya 1:16 ပူးပေါင်းရင်းမြစ်များ

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

Nshɛ 26:6

Enyɛnpe Ebɔrɛ, n fɔr ma enɔ n lar, nsaa kulti fo bɔrɛsure a bunyaŋ fo,

Nshɛ 34:14

Men yige alubi be kebaawora nsaa wora alela; meeŋ baa kɔ a fin kagbenewushi ashi men be ŋgbene to.

Nshɛ 37:27

Yige asheŋ lubi be kebaawora; nseŋ fara a wora alelasheŋ. Saŋɛ na so fo kaman to ebi beeŋ nya kasawule ere so n chena mbaanaayɔ.

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Aŋasa 21:3

Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Aŋasa 4:27

Baa gelge kulubi nsaa nite teteri, Sa maa kpele ekpa niŋiso na kikɛ.”

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Jɛremaya 25:5

B kaŋɛ menyi fanɛ men lar menyi be kebaawɔtɔ lubi nɛ asheŋ lubi na to nseŋ nya n chena kasawule nɛ Enyɛnpe Ebɔrɛ na ta n sa menyi nɛ men nananyɛnana fanɛ k baa la menyi be kapetɛsawule mbaanaayɔ na so.

Jɛremaya 26:3

Ashere basa na beeŋ nu kamalga na nseŋ yige bumo be asheŋ lubi na. Nɛ b wora loŋ bre, meeŋ chɛrga ma nfɛra a laŋɛ kemur nɛ n daŋ kre keta m ba bumo so na be kaplɛa so ŋkpal bumo be asheŋ lubi so na.”

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Jɛremaya 4:14

Jerusalɛm to ebi, men lara asheŋ lubi men be ŋgbene to nseŋ yige nfɛra lubi be kebaafɛ, saŋɛ na so menyi beeŋ nya kumɔlga.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Jona 3:8

Edimɛdi kikɛ e buu kagbenejijaso be asɔbuuso nseŋ shu n tre Ebɔrɛ kenishipreso. Ekama e yige asheŋ lubi be kewora nɛ kebaawɔ kebaawɔtɔ lubi to.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Zakareya 7:7

Kubɔya koŋwule ere nɛ Enyɛnpe Ebɔrɛ na daŋ bɔla anebi juŋkparsoana na so m bɔ n sa basa nɛ b daa wɔ Jerusalɛm nɛ nde nɛ a kulti kumo na to saŋɛ nɛ b daŋ dii dama nsaa wɔ kayurwushi to na. Loŋ be jemanɛ na, basa damta daŋ chena kelargato be kaseto be keshishɛrsawule na nɛ abeesawule nɛ a wɔ epeŋitɔrkpa be kaba so na so nna.

Matiu 3:8

Men baa wora asheŋ nɛ a bee ŋini fanɛ men lar menyi be alubi to

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Pita 3:11

A daga fanɛ amodoŋwura e baa lar alubi to nsaa wora alela. A daga fanɛ e baa fin kagbenewushi nsaa bɛ kumo so saŋkikɛ.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.